MATIUS 5:8 - PEJANJIAN EMPAI CERITAU ILUAK

⁸ Riangla jemau diau beresia atiau, karnau diau ka keruan Allah.

MATIUS 5:8 Referans Kwoze

IBRANI 10:22

Karnau itu mela kitau ngadap Allah ngan ati diau sebenagh-benaghau ngan maju percayau, karnau ati kitau la diberesiaka jak di sala kitau, badan kitau la dibasua ngan ayiak diau beresia.

IBRANI 12:14

Beusahala idup damai ngan gegalau jemau. Idup kamu mesti beresia batan endak Tuhan. Nidau sughang kiala pacak nginak Tuhan, amun idupau nidau luak itu.

YAKUBUS 4:8

Pasighila Allah, mangku Allah masighi kamu. Beresiakala tangan kamu, ui, kamu diau bedusau! Beresiakala rupu'an kamu diau nidau tetap.

1 PITRUS 1:22

Karnau kamu la ta'at ngan Allah, kamu la mbasua diri kamu, mangku pacak nyayangi jemau percayau ngenian. Karnau itu kamu mesti sangi sayangi nian.

YAKUBUS 3:17

Anyautu jemau diau adau pengertian jak di sergau, diau penting sekali supayau jemautu tulus, mangku galak bedamai, galak begaul ngan belagham. Diau nyialka jemau nian ngan ngerjauka diau iluak, diau nidau mihak ngan nidau cak iluak.

TITUS 1:15

Gegalaunyau beresia, amun jemau beresia. Anyautu amun jemau diau rupu'annyau kumua, dikit kia nidau bediau diau beresia, karnau rupu'an ngan ati keciak jemautu kumua.

RASUL 15:9

Allah nidau nian mbidaka kitau ngan ughangtu. Diau mberesiaka ati ughangtu, karnau ughangtu percayau.

IBRANI 9:14

apau agi dagha Keristus. Karnau Rua diau selelamaunyau Keristus nyeraka diriAu njadi kerban diau nidau becacat batan endak Allah. DaghaHautu mberesiaka ati kitau jak di kerjau diau nidau begati, mangku kitau pacak nyemba Allah diau idup.

2 KURINTUS 7:1

Kantin-kantinku diau kusayangi. Gegalau janji itu batan endak kitau. Karnau itu mela kitau mberesiaka diri kitau jak di gegalaunyau diau ngumuhi ati ngan rua kitau. Kitau mesti takut ngan Allah, mangku kitau pacak idup beresia batan endak Allah.

1 KURINTUS 13:12

Setu diau kitau kina'i mbak kini luak gambar di cemin diau kabugh. Nanti kitau ka nginak diau jelas. Mbak kini aku keruan lum sempernau. Nanti aku keruan diau sempernau, luak aku la dikeruani Allah.

PENGINA'AN 22:4

ngan nginak dayiAu. Mangku namauNyau ka ditulis di kening ughangtu.