MATIUS 5:11 - PEJANJIAN EMPAI CERITAU ILUAK

¹¹ Riangla kamu, amun kamu digelakka dianiayau, diburuakka ikak Aku.

MATIUS 5:11 Referans Kwoze

1 PITRUS 4:14

Mujurla kamu, amun digelakka mbak kini karnau percayau ngan Keristus. Titu ngancakka, bansau Rua diau bekuasau, diautu Rua Allah, adau di kamu.

LUKAS 21:17

Kamu ka diluatka gegalau jemau, karnau kamu percayau ngan aku.

MARKUS 13:13

Kamu ka diluatka gegalau jemau karnau percayau ngan Aku. Anyautu jemau diau ta'an enggut kesudimannyau ka selamat.”

MATIUS 24:9

Masau itu kamu ka ditangkap ngan diseraka endak disaraui ngan dibunua. Kamu ka diluatka gegalau jemau, karnau kamu percayau ngan Aku.

LUKAS 6:22

Riangla kamu, amun kamu diluatka, ditulak, digelakka ngan diburuakka jemau karnau Anak Manusiau.

1 PITRUS 2:23

Masau Diau digelakka ngan ditulak, Diau nidau mbalas. Masau Diau nanggung, Diau nidau ndendam, tapitu Diau nyeraka pekarauNyau ngan Allah, akim diau adil.

YUHANIS 15:21

Gegalaunyau ka dikerjauka ughangtu ngan kamu, karnau kamu anak-buaKu, karnau ughangtu nidau keruan Allah diau ngajung Aku.

MATIUS 10:22

Kamu ka diluatka gegalau jemau, karnau kamu percayau ngan Aku. Anyautu jemau diau beta'an enggut kesudiman ka selamat.

MATIUS 10:39

Jemau diau endak ngilakka nyawaunyau ka kelengitan nyawaunyau. Anyautu jemau diau kelengitan nyawaunyau karnau ta'at ngan Aku, diautu ka bulia idup.

PENGINA'AN 2:3

Kaba maju ngaligh ngan sengsarau karnau Aku, mangku kaba nidau kekela tekedan.

MATIUS 19:29

Jemau diau ninggalka ghumahau, ading-beghadingau, pejadiau, anak-ana'au ngan umaunyau karnau Aku, jemautu ka nerimau agi lipat gandau, mangku diau ka nerimau idup selelamaunyau.

2 KURINTUS 4:11

Empungan gi idup, kami maju dalam bayau maut karnau Yesus, mangku idup Yesus pulau dinyatauka di badan kami diau pacak mati.

1 KURINTUS 4:10

Karnau Keristus kamini bigal, kamutu pintar; kami litak, kamu kuat; kami digelakka, kamu dipuji.

RUM 8:36

Dalam Injil ditulis luak ini, “Sesaghian kami adau dalam bayau maut karnau Dighi. Kami dibuati luak bebiri diau endak disembelia.”

LUKAS 21:12

Antak ka gegalaunyautu tejadi, kamu ka ditangkap, disiksau, mangku kamu ka diadili di ghuma sembayang ngan dimasuakka ke jil. Kamu ka dibata'i ngadap rajau ngan penguasau-penguasau, karnau kamu percayau ngan Aku.

LUKAS 9:24

Karnau jemau diau endak ngilakka nyawaunyau ka kelengitan nyawaunyau. Jemau diau kelengitan nyawaunyau karnau Aku ka selamat.

MARKUS 8:35

Karnau jemau diau endak ngilakka nyawaunyau ka kelengitan nyawaunyau. Anyautu jemau diau kelengitan nyawaunyau karnau Aku ngan ceritau Injil, diautu ka idup nian.

MATIUS 10:25

Jadila, amun anak-murip la semegi ngan guruau, mangku budak la semegi ngan tuanau. Amun tuan ghuma dikiciakka Bilsebul, apau lagi jemau seghumahau.”

RASUL 9:16

Akunila ka nunjuakka ngan diau banyak sengsarau diau mesti dighasaukanyau karnau Aku.”

MARKUS 13:9

Kamuni sepepadaula! Kamu ka ditangkap ngan diseraka ke pengadilan agamau. Kamu ka dibaduki di ghuma sembayang, mangku kamu ka diadapka ngan penguasau ngan rajau, karnau percayau ngan Aku, mangku pacak nceritauka Aku ngan ughangtu.

MATIUS 27:39

Jemau diau lalu di situ nggilingka palak ngan nggelakka Yesus.

MARKUS 4:17

Anyautu karnau ceritautu nidau tetanam dalam ati jemautu, diau nidau ta'an lamau. Amun dapat penanggungan ngan diluatka jemau karnau ceritau Allah tadi, jemautu gasip ngelipat.

MATIUS 10:18

Kamu ka dibata'i ke adapan penguasau ngan rajau-rajau, karnau percayau ngan Aku. Itula kesempatan kamu nceritauka Aku ngan ughangtu ngan jemau diau nidau keruan Allah.

YUHANIS 9:28

Mangku ughangtu nggelakka diau, kataunyau, “Kabatula pengikutAu, kamini pengikut Musa.

PILIPI 1:29

Karnau ngan kamu la dienjuakka setu diau iluak ukan ajau percayau ngan Keristus, tapitu pulau sengsarau batan endak Keristus.