MATIUS 26:55 - PEJANJIAN EMPAI CERITAU ILUAK

⁵⁵ Mangku Yesus bekatau ngan jemau banyak tadi, “Kamu datang mbatak pedang, mbatak pembaduk endak nangkap Aku. Apu Aku jemau ja'at? Idang aghi Aku ngajagh di Ghuma Allah. Kamu enggup nangkap Aku.

MATIUS 26:55 Referans Kwoze

YUHANIS 8:2

Pagi di aghiau akap nian Yesus pegi ke Ghuma Allah, banyak jemau datang njenguak Diau. Yesus duduak mangku mulai ngajagh.

MARKUS 12:35

Masau Yesus ngajagh di Ghuma Allah, Diau betanyau, “Ngapau guru-guru ukum Taurat pacak ngiciakka, bansau Mesias, Rajau Penyelamat, pengadau Daud?

YUHANIS 7:28

Masau Yesus ngajagh di Ghuma Allah, Diau ngiciak ngan suarau bias, katauNyau, “Nyela, kapu dighi keruan sapau Akuni ngan jak di manau asalKu. Aku ukan datang ngan kendak Akunila. Aku diajung Allah diau benagh. Anyautu kapu dighi nidau keruan Diau.

YUHANIS 7:14

La mbelahan masau aghi rerayautu, Yesus masuak ke Ghuma Allah, mangku mulai ngajagh.

MATIUS 21:23

La udim itu Yesus ngulang agi ke Ghuma Allah mangku masuak ngan ngajagh di situ. Diau dang ngajagh, imam-imam bepangkat tinggi ngan tuau-tuau jemau Yahudi datang njenguak Diau ngan betanyau, “Pakai kuasau apau Kaba ngerjauka gegalaunyautu? Mangku sapau ngenjuakkanyau ngan Kaba?”

MATIUS 26:47

Penarau Yesus gi ngiciak, Yudas, sughang jak di duau belas anak-buaHau, datang. Serempak ngan diau datang pulau jemau serumbungan besak mbatak pedang mbatak pembaduk. Ughangtu diajung Imam Besak ngan tuau-tuau jemau Yahudi.

MARKUS 10:1

La udim itu, Yesus ninggalka bada itu pegi ke Yudia ngan ke sebeghang ayiak Yurdan. Jemau banyak datang agi njenguak Diau, mangku luak idang kali Diau ngajagh ughangtu pulau.

LUKAS 4:20

Udim itu Yesus nggulungka kitabtu, dibaliakkaNyau ngan petugas, mangku Diau duduak. Matau gegalau jemau di ghuma sembayangtu ngina'i Diau galau.

LUKAS 19:47

Idang aghi Yesus ngajagh di dalam Ghuma Allah. Imam-imam bepangkat tinggi, guru-guru ukum Taurat ngan tuau-tuau jemau Yahudi pulau endak mbunua Diau.

LUKAS 20:1

Adau saghi Yesus dang ngajagh jemau banyak di Ghuma Allah ngan ngiciakka ceritau iluak, imam-imam bepangkat tinggi, guru-guru ukum Taurat ngan tuau-tuau jemau Yahudi datang ke situ.

YUHANIS 8:20

Gegalaunyautu dikiciakka Yesus, masau Diau ngajagh di Ghuma Allah pasigh kas pesembahan. Anyautu nidau bediau sughang kia diau nangkap Yesus, karnau masauNyau lum sampai.