MATIUS 25:34 - PEJANJIAN EMPAI CERITAU ILUAK

³⁴ Mangku Rajau itu ka bekatau ngan ughang di sebela kananAu, ‘Mela, kamu diau disayangi BapakKu. Masuakla ke bada diau disediauka batan endak kamu jak deniau adau.

MATIUS 25:34 Referans Kwoze

YAKUBUS 2:5

Kantin-kantinku diau kusayangi, ingatkala, jemau diau dianggap deniau serik dipilia Allah njadi jemau kayau karnau percayau. Jemautu ka bulia bagian di sergau diau dijanjika Allah ngan jemau diau nyayangiNyau.

PENGINA'AN 21:7

Jemau diau menang ka bulia gegalaunyautu. Aku ka njadi Allahau, diautu ka njadi anakKu.

PENGINA'AN 13:8

Mangku gegalau jemau di deniau nyemba diau, gegalau jemau diau namaunyau nidau ditulis jak deniau la adau. Namaunyautu nidau ditulis di kitab jemau idup diau adau di Anak Bebiri diau la disembeliatu.

MATIUS 20:23

Katau Yesus agi, “Nyela, kamu ka nanggungka pulau sengsarau luak Aku. Anyautu sapau diau ka duduak di sebela kidau ngan kananKu, itu ukan hakKu. Bada itu batan endak jemau diau ditetapka BapakKu.”

PENGINA'AN 17:8

Benatangtu senitu la adau, mbak kini nidau bediau agi, jerang agi ka nimbul jak di jurang maut mangku ajalau ka benasau. Mangku gegalau jemau di deniau, jemau diau namaunyau nidau ditulis di kitab jemau idup jak deniau adau, ka kemangan nginak benatangtu diau senitu la adau, mangku nidau bediau agi, anyautu ka nimbul agi.

IBRANI 4:3

Mangku kitau diau percayau ka bulia gheghadu luak diau la dijanjika Allah. Titu dikiciakka Allah luak ini, “Aku mara mangku besumpa, ‘Ughangtu nidau bulia gheghadu di badaKu.’ ” Allah ngiciak luak itu, empuak bada itu la adau jak deniau dijadika.

LUKAS 12:32

“Nidau nanti penakut, ui kamu diau dikit jemaunyau, karnau Bapak kamu riang njadika kamu rajau luak Diau.

IBRANI 11:16

Anyautu ughangtu meghinduka bada diau lebia iluak, diautu bada diau di sergau. Itula sebapau Allah nidau maluan dikiciakka Allah ughangtu, karnau Allah la nyediauka sutiak kuta batan endak ughangtu.

1 KURINTUS 15:50

Diau endak kukiciakka ngan kamu luak ini: Badan diau dijadika jak di dagha ngan daging nidau pacak bulia bada di sergau, mangku badan diau ka busuaktu nidau pacak idup selelamaunyau.

MATIUS 25:41

Mangku Rajau itu ka bekatau ngan jemau di sebela kidauNyau, ‘Laratla jak di adapanKu! Kamu jemau keparat. Pegila ke dalam api diau nidau ka padam-padam, diau disediauka batan endak Iblis ngan anak-buahau.

PENGINA'AN 19:16

Di bajuAu ngan di balungAu ditulis namau, “Rajau gegalau rajau ngan Tuan gegalau tuan.”

1 KURINTUS 2:9

Luak itula diau ditulis dalam Injil, “Setu diau nidau kekela dikinak ngan didengagh manusiau, ngan nidau pulau kekela dirupuakka manusiau, titu disediauka Allah batan endak jemau diau nyayangiNyau.”

MATIUS 25:21

‘Iluakla,’ katau tuanautu. ‘Kaba anak-buaku diau iluak ngan pacak dipercayaui. Setu diau keciak kaba pacak dipercayaui, mangku aku ka nyeraka setu diau besak ngan kaba. Mela, masuak ngan ngikut beriang-riang ngan aku.’

MATIUS 19:29

Jemau diau ninggalka ghumahau, ading-beghadingau, pejadiau, anak-ana'au ngan umaunyau karnau Aku, jemautu ka nerimau agi lipat gandau, mangku diau ka nerimau idup selelamaunyau.

MATIUS 13:35

Mangku ditepati kici'an nabi ini, “Aku pakai cuntau ceritau, amun ngiciak ngan ughangtu. Aku ka ngiciakka setu diau nidau dikeruani jak deniau adau.”

1 PITRUS 3:9

Jangan mbalas setu diau ja'at ngan ja'at, apu maki ngan maki. Anyautu balaskala ngan mintak setu diau iluak jak di Allah. Karnau batan endak itula kamu dipilia Allah, supayau kamu nerimau setu diau iluak jak di Diau.

2 TIMUTIUS 2:12

Amun kitau beta'an, kitau ka merinta ngan Diau. Amun kitau nidau endak ngaku'i Diau, Diau pulau nidau ngaku'i kitau.

GALATIA 5:21

luat, memabu'an, bereruyalan ngan kerjau lain luak itu. Aku ngingatka kamu, luak aku la ngingatka kamu senitu, bansau jemau diau ngerjauka setu luak itu nidau ka nerimau setu diau disediauka Allah, masau Diau bekuasau.

1 KURINTUS 6:9

Cengki kamu keruan, jemau diau nidau nuruti kendak Allah nidau ka bulia hak njadi umat Allah. Jangan kamu tetipu. Jemau diau ngerjauka kerjau ja'at, nyemba patung, menaugawia, sangi ribangka selanangan, sangi ribangka setinauan,

LUKAS 19:38

Katau ughangtu, “Tepujila Rajau diau datang dalam namau Tuhan. Damai di sergau. Tepujila Allah!”

MATIUS 5:19

Itula sebapau jemau diau melanggar sutiak perinta jak di ukum Taurat, empuak dikit ajau, mangku ngajagh jemau lain bebuat luak itu pulau, jemautu ka keciak nian di guak umat Allah. Mangku jemau diau na'ati gegalau ukum Taurat ngan ngajagh jemau lain bebuat luak itu pulau, jemautu ka besak di guak umat Allah.

MATIUS 3:2

“Ubaila perembak ngan dusau kamu, karnau nidau lamau agi Allah ka merinta luak rajau.”

PENGINA'AN 5:10

Dighi la njadika ughangtu sutiak bangsau, njadi imam endak bekerjau batan endak Allah. Mangku ughangtu ka merinta luak rajau di deniau.”

1 PITRUS 1:9

Kamu riang, karnau tujuan iman kamu la tecapai, titu keselamatan jiwa kamu.

IBRANI 9:26

Misalau Keristus semegi ngan imam besak tadi, bereti jak deniau dijadika Diau mesti rajin sengsarau. Anyautu tenyatau mbak kini masau pengabisan ini Diau datang sekali ajau endak ngabiska dusau ngan carau ngerbanka diriAu.

2 TIMUTIUS 4:8

Mbak kini adia menang la nunggu aku, karnau idupku la dibenaghka Allah. Masau aghi kiamat, Tuhan akim diau adil ka nyeraka adiatu ngan aku. Ukan aku ajau diau ka nerimau adiatu, tapitu gegalau jemau diau nungguka nian Tuhan datang.

1 TESALUNIKA 2:12

Kami ngajagh kamu, neguaka ati kamu ngan ngajung kamu, supayau kamu idup melemakka ati Allah. Karnau Allah ngajak kamu njadi angguta umat Allah ngan ngikut meghasauka keagunganNyau.

RUM 8:17

Mangku karnau kitau ana'Au, kitau pulau behak nerimau setu diau dijanjika Allah batan endak ana'Au. Kitau ka nerimau pulau luak Keristus setu diau la disediauka Allah batan endak Diau. Karnau, amun kitau sengsarau ngan Diau, kitau pulau ka diagungka ngan Diau.

RASUL 15:18

Jak di senitu titu la dikiciakka.

RASUL 3:26

Itula sebapau Allah netapka Buda'Au mangku ngajung Diau datang dulu guak kapu dighi, mangku Diau iluak ngan kapu dighi ngajung kapu dighi ngubai jak di perembak diau ja'at.”

YUHANIS 19:15

Ughangtu tegauk-gauk, “Bunuala Diau! Bunuala Diau! Pakukala Diau di kayu salip!” Katau Pilatus, “Aku mesti nyalipka Rajau kapu dighi?” Timbal imam-imam bepangkat tinggi, “Kami nidau bediau rajau lain jak di Kaisar!”

YUHANIS 12:13

Ughangtu ngambiak daun paku bindu, mangku pegi ngampak Yesus ngan besurak-surak, kataunyau, “Husana! Tepujila Jemau diau datang atas namau Tuhan. Tepujila Rajau Israil.”

YUHANIS 1:49

“Guru,” katau Natanail, “Dighitu Anak Allah! Rajau jemau Israil!”

LUKAS 11:28

Anyautu Yesus nimbal, “Riangla jemau diau ndengaghka katau Allah ngan na'atinyau.”

MARKUS 10:40

Anyautu jemau diau ka duduak di sebela kidau ngan kananKu, itu ukan hakKu. Bada itu batan endak jemau diau ditetapka BapakKu.”

MATIUS 27:37

Di pucuak pala'Au dipasang tulisan buru'an mburuakka Diau, bacauannyau, “Inila Yesus, Rajau jemau Yahudi.”

MATIUS 25:23

‘Iluakla,’ katau tuanautu. ‘Kaba anak-buaku diau iluak ngan pacak dipercayaui. Setu diau keciak kaba pacak dipercayaui, mangku aku ka nyeraka setu diau besak ngan kaba. Mela, masuak ngan ngikut beriang-riang ngan aku.’

MATIUS 21:5

“Kiciakkala ngan Siun, ‘Rajau kamu datang njenguak kamu. Diautu iluak atiAu ngan nayiak keledai, anak keledai diau mudau.’ ”

IPISUS 5:5

Ingatkala iluak-iluak, jemau diau peremba'au menaugawia ngan nidau senangaian ngan selak, kerjau itu semegi ngan nyemba diwau. Jemau itu nidau pacak dikiciakka Keristus njadi rajau dalam idupau, mangku nidau ka bulia setu diau disediauka Allah batan endak umatAu.

MATIUS 25:40

Mangku Rajau itu ka nimbal, ‘Keruanila, setu diau kamu ngerjauka ngan sala sughang kantinKu ini empuak diau inau sekali, kamu kerjauka batan endak Aku.’

MARKUS 10:17

Yesus endak bejalan agi, mangku adau jemau diau belaghi njenguak Diau. Jemautu nunduak di adapanNyau, mangku betanyau ngan Diau, “Pak Guru diau iluak, tuapau diau mesti kukerjauka, mangku aku bulia idup selelamaunyau?”

LUKAS 11:50

Allah ngerjauka titu, supayau jemau mbak kini diukum karnau pembunuan nabi-nabi diau dikerjauka jak deniau adau,

YUHANIS 17:24

Bak, Aku endak, supayau jemau diau Dighi enjuakka ngan Aku adau guak Aku di badaKu, mangku ughangtu nginak keagungan diau la Dighi enjuakka ngan Aku, karnau Dighi la nyayangi Aku antak ka deniau adau.

IBRANI 1:14

Amun luak itu, malaikattu sapau sebenaghau? Ughangtu rua diau bekerjau batan endak Allah, diajungAu nulung jemau diau ka diselamatka.