MATIUS 23:5 - PEJANJIAN EMPAI CERITAU ILUAK

⁵ Gegalaunyau diau dikerjauka ughangtu cuman endak dikinak jemau ajau. Ughangtu makai tali sembayang diau libagh ngan ghambu baju diau panjang.

MATIUS 23:5 Referans Kwoze

YUHANIS 12:43

Ughangtu galakla dipuji manusiau sangkan dipuji Allah.

PILIPI 2:3

Jangan bekerjau ndalak kepentingan diri kamu ngan mintak dipuji. Anyautu kamu mesti ngensian ngan nganggap pentingla jemau sangkan kamu.

YUHANIS 5:44

Kapu dighi ndalak puji jak di sughang ngan diau lain, nidau beusaha ndalak puji jak di Allah diau Esa. Luak manau kapu dighi pacak percayau?

LUKAS 16:15

Mangku Yesus bekatau ngan ughangtu, “Kapu dighini jemau diau endak kina'an benagh di mukau jemau, anyautu Allah keruan isi ati kapu dighi. Karnau setu diau dianggap manusiau iluak diluatka Allah.

LUKAS 20:47

Ughangtu nipuka randau-randau ngan ngambiak ghumahau, mangku mbunika peremba'autu ngan bedu'a panjang-panjang. Beghatla ukuman ughangtu nanti sangkan jemau lain.”

PILIPI 1:15

Adau diau ngiciakka Keristus karnau sengit ngan endak bebala. Adau pulau diau ngiciakkaNyau ngan tujuan diau iluak.

YUHANIS 7:18

Jemau diau ngajaghka ajaghannyau sendighi mintak diregaui batan endak diriau sendighi, anyautu jemau diau ndalak pujian batan endak jemau diau ngajungau diautu benagh, nidau endak nian mbu'ung.

MATIUS 9:20

Yesus dang bejalan adau sughang jemau tinau diau buidapan bedagha, la duau belas taun lamaunyau. Tinau itu masighi Yesus jak di belakang ngan nginggut bajuAu,

2 TESALUNIKA 2:4

Jemautu ka melawan ngan ninggika diriau lebia tinggi jak di gegalaunyau diau disemba manusiau ngan gegalaunyau diau dianggap manusiau allah. Lagi diau ka duduak di Ghuma Allah ngan ngiciakka diautu Allah.