MATIUS 18:3 - PEJANJIAN EMPAI CERITAU ILUAK

³ mangku bekatau, “Percayaula kamu nidau pacak njadi umat Allah, amun nidau beghuba njadi luak budak keciak.

MATIUS 18:3 Referans Kwoze

1 PITRUS 2:2

Luak kupiak diau empai adau maju endak minum, kamu pulau mesti maju aus ngan katau Tuhan diau asli. Ngan carau luak itu kamu ka tumbua ngan diselamatka.

MATIUS 19:14

Anyautu Yesus bekatau, “Nengkela budak-budak keciak datang njenguak Aku. Jangan dialangi, karnau jemau luak inila Allah pacak njadi rajau dalam idupau.”

1 KURINTUS 14:20

Jangan kamu berupuak luak rupu'an budak keciak. Amun ngan keja'atan nengkela kamu luak budak keciak, tapitu rupu'an kamu mesti njadi luak rupu'an jemau besak.

YUHANIS 3:5

Yesus nimbal, katauNyau, “KatauKu ini benagh: Amun jemau nidau dilahirka jak di ayiak ngan Rua Allah, diau nidau pacak njadi angguta umat Allah.

YUHANIS 3:3

Yesus bekatau, “KatauKu ini benagh: Amun jemau nidau ngulang dilahirka, diau nidau pacak njadi angguta umat Allah.”

LUKAS 13:24

Yesus nimbal, “Beusahala, mangku masuak jalan duaghau supit, karnau ingatkala, banyak jemau ncubau endak masuak, anyautu nidau pacak.

RASUL 3:19

Karnau itu ubaila perembak ngan dusau kapu dighi, datangla ngan Allah, mangku dusau kapu dighi diabiskaNyau.

RASUL 28:27

Karnau ati ughangtu keghas, telingau ughangtu ditukup, matau ughangtu dipejamka, supayau ughangtu jangan nginak, jangan ndengagh ngan jangan ngerti, mangku ughangtu jangan ngulang njenguak Aku, mangku ughangtu nidau pacak Kughaduka.’ ”

YUHANIS 1:51

Mangku Yesus bekatau agi, “Percayaula nian ngan katauKu ini: Kaba ka nginak langit tebukak ngan malaikat-malaikat Allah nayiak tughun ke Anak Manusiau.”

MATIUS 5:20

Keruanila, amun kamu nidau lebia ta'at jak di guru-guru ukum Taurat ngan jemau Parisi ngerjauka kendak Allah, nidau ka adau kamu njadi umat Allah.”

LUKAS 22:32

Anyautu Aku la bedu'a batan endak kaba, supayau kaba jangan ninggalka Aku. Mangku amun kaba la ngulang ngikut Aku, kaba mesti nguatka kantin-kantin kaba.”

MARKUS 4:12

mangku ‘Ughangtu nginak tapitu nidau kina'an. Ughangtu ndengagh tapitu nidau terti, supayau ughangtu jangan ngubai jak di dusaunyau, mangku nidau diabiska dusaunyau.’ ”

2 PITRUS 1:11

Mangku kamu ka dienju'i nian hak masuak sergau, itu kerajauan diau selelamaunyau jak di Tuhan ngan Rajau Penyelamat kitau Yesus Keristus.

RASUL 14:22

Di kuta itu duau rasultu neguaka ati jemau diau percayau ngan Yesus ngan ngajung ughangtu, supayau maju percayau. Rasultu bekatau, “Kitau mesti sengsarau kudai, mangku kitau pacak njadi angguta umat Allah.”

MATIUS 19:23

Mangku Yesus ngiciak ngan anak-buaHau, “KatauKuni benagh, segau nian jemau kayau nerimau Allah njadi rajau dalam idupau.

MATIUS 13:15

Karnau rupu'an ughangtu tekatup, telingau ughangtu la nuli, ngan matau ughangtu dipejamka. Mangku ughangtu jangan nginak, telingau ughangtu jangan ndengagh, ngan rupu'an ughangtu jangan tebukak, ngan jangan ngulang njenguak Aku, mangku Aku jangan meghaduka ughangtu.’

MATIUS 6:16

“Amun kamu puasau, dayi kamu jangan mangut luak jemau cak alim. Ughangtu cak litak, supayau jemau nginak diau dang puasau. Keruanila, ughangtu la bulia upahau.

MATIUS 6:5

“Amun kamu bedu'a, jangan luak dikerjauka jemau cak alim. Ughangtu galak bedu'a sampai betegak di ghuma sembayang ngan di penyimpangan jalan endak dikinak jemau. Ingatkala ughangtu la nerimau upahau.

MATIUS 6:2

Amun kaba ngenjuak ngan jemau, jangan kaba siarka ngan jemau lain, luak diau dikerjauka jemau diau cak iluak di ghuma-ghuma sembayang ngan di jalan besak, mangku dipuji jemau. Keruanila, ughangtu la nerimau upahau.

MATIUS 5:18

Ingatkala semasau langit ngan deniau ini gi adau, sutiak kia urup ngan tandau diau keciak nian nidau ka dilengitka jak di ukum Taurat, amun gegalaunyau lum tejadi.

MATIUS 18:2

Yesus mantau sughang budak keciak, diajungAu betegak di adapan ughangtu,

MATIUS 18:4

Jemau diau ngensianka diriau, njadi luak budak keciak ini, diaula penting sekali di guak umat Allah.