MATIUS 14:19 - PEJANJIAN EMPAI CERITAU ILUAK

¹⁹ Mangku diajungAu jemau banyaktu duduak di ghumput. Udim itu Diau ngambiak limau bua ruti ngan duau ikuak ikan tadi, mangku ncungak ke langit sampai bedu'a beterimau-kasia, mangku dipiyak-piya'Au rutitu, dienjuakkaNyau ngan anak-buaHau, mangku diagiakanyau ngan jemau banyak itu.

MATIUS 14:19 Referans Kwoze

LUKAS 24:30

Diau dang duduak makan serempak ngan ughangtu, Diau ngambiak ruti, bedu'a beterimau-kasia, mangku dipiya'Au rutitu, dienjuakkaNyau ngan ughangtu.

RASUL 27:35

La udim ngiciak luak itu, Paulus ngambiak ruti, bedu'a beterimau-kasia ngan Allah di adapan gegalau ughangtu, dipiyak-piya'au, mangku dimakanau.

MARKUS 6:41

Udim itu Diau ngambiak limau bua ruti ngan duau ikuak ikan tadi, mangku ncungak ke langit sampai bedu'a beterimau-kasia, mangku dipiyak-piya'Au rutitu, dienjuakkaNyau ngan anak-buaHau, mangku ughangtu ngagiakanyau ngan jemau banyak itu. Luak itu pulau ngan duau ikuak ikan tadi.

1 KURINTUS 11:24

mangku beterimau-kasia ngan Allah. Udimautu dipiyak-piya'Au rutitu ngan bekatau, “Inila badanKu diau Kuenjuakka batan endak kamu. Kerjaukala itu batan endak ngingatka Aku.”

RUM 14:6

Jemau diau nganggap aghi penting ngerjauka titu endak meregaui Tuhan. Jemau diau makan gegalaunyau ngerjauka titu endak meregaui Tuhan pulau, karnau beterimau-kasia ngan Allah. Luak itu pulau jemau diau nidau makan gegalaunyau. Diau ngerjauka titu endak meregaui Tuhan, ngan pulau beterimau-kasia ngan Allah.

KULUSI 3:17

Gegalaunyau diau kamu kerjauka ngan kiciakka kerjaukala dalam namau Tuhan Yesus, sampai beterimau-kasia ngan Allah Bapak karnau Diau.

1 KURINTUS 10:16

Mangkuak diau kitau pakai masau kitau minum anggur ngan beterimau-kasia ngan Allah, apu ukan titu nunjuakka kitau seghundak ngan Keristus dalam kematianNyau? Ruti diau kitau agia-agiaka masau kitau makanau serempak, apu ukan titu nunjuakka, bansau kitau seghundak ngan badan Keristus?

LUKAS 9:14

Di situ kekirau limau ribu jemau lanang. Mangku Yesus bekatau ngan anak-buaHau, “Ajungla jemau banyak ini duduak bereruguak, limau pulua ughang seruguak.”

MARKUS 7:34

Mangku sampai ncungak ke langit, Yesus nyintak nyawau panjang ngan ngiciak ngan jemautu, katauNyau, “Ipata!” Retiau, “Ndengaghla!”

1 KURINTUS 10:31

Tuapau kila diau kamu kerjauka, apu makan apu minum, kerjaukala gegalaunyautu batan endak meregaui Allah.

YUHANIS 6:23

Mangku adau perawu-perawu lainau datang jak di Tiberias nyunggut pasigh bada jemau banyak makan ruti tadi, udim Tuhan beterimau-kasia.

MARKUS 6:39

Mangku diajungAu jemau banyak itu duduak di ghumput beruguak-ruguak.

YUHANIS 11:41

Mangku ughangtu ngguliakka batu itu, Yesus ncungak ke langit ngan bekatau, “Terimau kasia, Bak, karnau Dighi la ndengaghka du'aKu.

LUKAS 22:19

Udim itu Yesus ngambiak ruti, bedu'a beterimau-kasia, dipiya'Au rutitu, dienjuakkaNyau ngan ughangtu sampai bekatau, “Inila badanKu diau dienjuakka batan endak kamu. Kerjaukala ini batan endak meghingati Aku.”

LUKAS 9:16

Udim itu Yesus ngambiak limau bua ruti ngan duau ikuak ikan tadi, mangku ncungak ke langit sampai bedu'a beterimau-kasia, dipiyak-piya'au rutitu, dienjuakkaNyau ngan anak-buaHau, supayau diagiaka ngan jemau banyak itu.

MATIUS 14:18

“Batak ke sini.” Katau Yesus.

LUKAS 22:17

Udim itu Yesus ngambiak mangkuak besak, bedu'a beterimau-kasia mangku bekatau, “Ambiakla, gilirkala ngan kamu.