MATIUS 12:42 - PEJANJIAN EMPAI CERITAU ILUAK

⁴² Aghi kiamat ratu jak di selatan ka diidupka serempak ngan jemau mbak kini, mangku diau ka mburuakka ughangtu, karnau ratu itu datang jak di ujung deniau endak ndengagh ajaghan Salumu diau bepengertian. Ngenian, diau adau di sini lebia besak jak di Salumutu.”

MATIUS 12:42 Referans Kwoze

YUHANIS 1:14

Pirman itu la njadi manusiau diau iluak nian ngan kitau. Di Diau kitau nginak diau benagh ceritau Allah. Diau mendam ngan kitau. Kitau la nginak keagunganNyau, keagungan diau dienjuakka ngan Diau, karnau Diautu Anak Bapak diau sughang itula.

MATIUS 17:5

Diau gi ngiciak luak itu, adau aban terang tughun ngan mbayangi ughangtu, mangku jak di dalam aban itu tedengagh suarau diau bekatau, “Inila AnakKu diau Kusayangi. Diau melemakka atiKu. Dengaghkala Diautu.”

YUHANIS 1:18

Nidau sughang kia kekela nginak Allah lain jak di Anak Allah diau gi sughang itula ngan maju seghundak ngan Bapak. Diau itula nyatauka Bapak ngan kitau.

MATIUS 3:17

Mangku adau suarau jak di langit, katauNyau, “Inila AnakKu diau Kusayangi. Diau melemakka atiKu.”

MATIUS 12:41

Aghi kiamat jemau Niniwi ka diidupka serempak ngan jemau mbak kini, mangku ughangtu ka mburuakka jemau mbak kini, karnau ughangtu ngubai peremba'au jak di dusaunyau, masau ndengagh kici'an Yunus. Ngenian, diau adau di sini lebia besak jak di Yunus.

MATIUS 12:6

Dengaghkala katauKu ini: Di sini adau diau lebia besak jak di Ghuma Allah.