MATIUS 11:29 - PEJANJIAN EMPAI CERITAU ILUAK

²⁹ Tanggungkala selungku diau Kukenauka ngan kamu, mangku belajaghla jak di Aku, karnau Aku ngaligh ngan nidau geduak, mangku kamu ka njadi tenang.

MATIUS 11:29 Referans Kwoze

1 YUHANIS 2:6

Jemau diau bekatau, bansau diau idup seghundak ngan Allah, jemautu mesti menau Keristus.

YUHANIS 13:15

Aku la mbuat penauan batan endak kamu, supayau kamu mbuat semegi luak aku buat ngan kamu.

MATIUS 7:24

“Bilang jemau diau ndengagh kici'anKu ini ngan nurutinyau, jemautu umpamau jemau bepengertian diau negakka ghumahau bepelapiak batu.

IBRANI 5:9

Mangku la udim Diau njadi sempernau, Diau pacak nyelamatka enggut selelamaunyau jemau diau nurutiNyau.

2 KURINTUS 10:1

Aku, Paulus, adau diau endak kukiciakka ngan kamu. Nurut katau jemau akuni nidau beghani, amun buadapan ngan kamu, tapitu beghani, amun jawua. Karnau Keristustu iluak ngan lembut,

MATIUS 28:20

ajaghkala ughangtu ngerjauka gegalaunyau diau la Kukiciakka ngan kamu. Ingatkala, Aku ka maju adau guak kamu enggut aghi kiamat.”

PILIPI 2:5

Kamu mesti adau rupu'an ngan peghasauan luak Yesus Keristus.

MATIUS 21:5

“Kiciakkala ngan Siun, ‘Rajau kamu datang njenguak kamu. Diautu iluak atiAu ngan nayiak keledai, anak keledai diau mudau.’ ”

2 KURINTUS 10:5

Kami merusakka setu diau dibuat jemau geduak endak melawan setu diau benagh ceritau Allah. Kami na'an gegalau rupu'an jemau ngan mbuatau ta'at ngan Keristus.

1 TESALUNIKA 4:2

Nyela, kamu keruan ajaghan diau kami ajaghka ngan kamu ngan kuasau Tuhan Yesus.

YUHANIS 13:17

Kamu la keruan gegalaunyauni. Riang kamu, amun dikerjauka.

MATIUS 17:5

Diau gi ngiciak luak itu, adau aban terang tughun ngan mbayangi ughangtu, mangku jak di dalam aban itu tedengagh suarau diau bekatau, “Inila AnakKu diau Kusayangi. Diau melemakka atiKu. Dengaghkala Diautu.”

2 TESALUNIKA 1:8

Ngan api diau maghak Diau ka tughun endak ngukum jemau diau enggup percayau ngan Allah ngan enggup ta'at ngan ceritau iluak jak di Yesus, Tuhan kitau.

1 KURINTUS 9:21

Luak itu pulau ngan jemau diau nidau idup nurut ukum Taurat, aku luak jemau diau nidau idup nurut ukum Taurat. Itu nidau bereti, aku idup di luagh ukum Allah, karnau aku idup nurut ukum Keristus. Aku ngerjauka titu, supayau pacak menangka ughangtu batan endak Keristus.

RASUL 7:37

Musa itu pulau ngiciak ngan jemau Israiltu, ‘Sughang nabi luak akuni ka dienjuakka Allah jak di bangsau kamuni.’

LUKAS 8:35

Ughang diau ndengagh ceritau itu ngeluagh endak ngina'au mangku datang njenguak Yesus. Di situ ughangtu nginak jemau diau la ditinggalka iblis dang duduak guak Yesus. Diau la bekain ngan rupu'annyau la waras, mangku ughangtu penakut.