MATIUS 10:28 - PEJANJIAN EMPAI CERITAU ILUAK

²⁸ Jangan kamu penakut ngan jemau diau cuman pacak mbunua badan, tapitu nidau bekuasau mbunua jiwa. Takutla ngan Allah diau bekuasau mbenasauka dalam nerakau badan ngan jiwa.

MATIUS 10:28 Referans Kwoze

PENGINA'AN 2:10

Nidau nanti takut ngan setu diau mesti kaba tanggungka. Ingatkala separau jak di kamu ka dimasuakka iblis dalam jil endak nguji kamu. Kamu ka sengsarau selamau sepulua aghi. Kamu mesti tekun enggut mati, mangku Aku ka ngenjuakka ngan kamu idup selelamaunyau njadi adia menang ngan kamu.

YAKUBUS 4:12

Cuman sughang diau behak netapka ukum ngan ngadili manusiau. Itula Allah diau bekuasau nyelamatka ngan mbenasauka. Anyautu sapau kamu, mangku kamu endak nyalaka kantin kamu?

1 PITRUS 3:14

Anyautu amun nyela kamu sengsarau karnau ngerjauka setu diau iluak, riangla kamu. Jangan kamu takut ngan sapau kila, jangan ghegak.

MATIUS 25:46

Mangku ughangtu ka diukum ngan ukuman selelamaunyau. Jemau diau ngerjauka kendak Allah tadi ka riang selelamaunyau.”

IBRANI 10:31

Alaka nanggungau, amun diukum Allah.

MATIUS 10:26

“Jangan kamu penakut ngan jemau. Gegalaunyau diau nyemuni ka kina'an ngan gegalaunyau diau diresiauka ka keruan.

IBRANI 11:35

Karnau percayau, mangku jemau tinau ngulang dapat agi jemau diau la mati. Adau pulau diau sukau disiksau ngan mati, enggup dibibaska, karnau endak diidupka agi ngan idup diau lebia iluak.

RASUL 21:13

Anyautu Paulus nimbal, “Ngapau kapu dighi nangis galau? Ngan carau luak itu kapu dighi mbuat aku madak ajau. Karnau aku sukau ukan ajau endak dikebat, tapitu pulau endak mati di Yerusalim karnau namau Tuhan Yesus.”

MATIUS 5:22

Anyautu mbak kini Akuni bekatau ngan kamu luak ini: Jemau diau marai kantinau mesti diukum. Jemau diau ngiciakkanyau ‘buyan’, mesti diadapka ngan pengadilan agamau. Mangku jemau diau ngiciakkanyau ‘kapir’, arus dicapakka dalam api nerakau.

YUHANIS 5:29

mangku ngeluagh jak di kuburan. Jemau diau la bebuat iluak ka ngeluagh, mangku bulia idup empai. Anyautu jemau diau bebuat ja'at ka ngeluagh nerimau ukuman.”