MATIUS 10:22 - PEJANJIAN EMPAI CERITAU ILUAK

²² Kamu ka diluatka gegalau jemau, karnau kamu percayau ngan Aku. Anyautu jemau diau beta'an enggut kesudiman ka selamat.

MATIUS 10:22 Referans Kwoze

MATIUS 24:13

Anyautu jemau diau beta'an enggut udim ka selamat.

YAKUBUS 1:12

Riangla jemau diau ta'an dicubaui, karnau udim diau buasil diujitu, diau ka nerimau upa, itu idup diau la dijanjika Allah ngan jemau diau nyayangi Diau.

PENGINA'AN 2:10

Nidau nanti takut ngan setu diau mesti kaba tanggungka. Ingatkala separau jak di kamu ka dimasuakka iblis dalam jil endak nguji kamu. Kamu ka sengsarau selamau sepulua aghi. Kamu mesti tekun enggut mati, mangku Aku ka ngenjuakka ngan kamu idup selelamaunyau njadi adia menang ngan kamu.

MARKUS 13:13

Kamu ka diluatka gegalau jemau karnau percayau ngan Aku. Anyautu jemau diau ta'an enggut kesudimannyau ka selamat.”

MATIUS 10:39

Jemau diau endak ngilakka nyawaunyau ka kelengitan nyawaunyau. Anyautu jemau diau kelengitan nyawaunyau karnau ta'at ngan Aku, diautu ka bulia idup.

1 YUHANIS 3:13

Nidau nanti kemangan, amun deniau luat ngan kamu.

MATIUS 24:9

Masau itu kamu ka ditangkap ngan diseraka endak disaraui ngan dibunua. Kamu ka diluatka gegalau jemau, karnau kamu percayau ngan Aku.

RUM 2:7

Jemau diau maju ngerjauka diau iluak ngan ndalak setu diau dipuji ngan diregaui ngan ta'an selelamaunyau ka dienjuakkaNyau idup selelamaunyau.

IBRANI 6:11

Kami endak supayau bilang kamu maju ngerjaukanyau nian enggut mati, mangku kamu ka nerimau setu diau kamu aghapkatu.

YUHANIS 17:14

La Kukiciakka ngan ughangtu kici'an Dighi, mangku deniau meluatka ughangtu, karnau ughangtu nidau jak di deniau, luak Aku pulau nidau jak di deniau.

GALATIA 6:9

Karnau itu jangan kitau puas ngerjauka setu diau iluak. Karnau amun kitau nidau mandak-mandak ngerjauka titu, kitau ka nerimau asilau, amun masaunyau la sampai.

LUKAS 6:22

Riangla kamu, amun kamu diluatka, ditulak, digelakka ngan diburuakka jemau karnau Anak Manusiau.

2 KURINTUS 4:11

Empungan gi idup, kami maju dalam bayau maut karnau Yesus, mangku idup Yesus pulau dinyatauka di badan kami diau pacak mati.

MATIUS 5:11

Riangla kamu, amun kamu digelakka dianiayau, diburuakka ikak Aku.

PENGINA'AN 2:17

Jemau diau betelingau dengaghkala setu diau dikiciakka Rua Allah ngan jemau Keristen! Jemau diau menang ka Kuenjuakka makan makanan Mana diau tebuni, mangku Aku ka ngenjuakka ngan diau batu putia. Di batutu ditulis namau empai diau nidau dikeruani jemau lain jak di jemau nerimaunyau.’ ”

YUHANIS 7:7

Jemau di deniauni nidau ka adau meluatka kamu. Anyautu Aku diau diluatka jemau, karnau Aku maju ngiciakka ngan jemau, bansau peremba'au ja'at.

LUKAS 8:15

Benia diau tumban di tana diau iluak ibarat jemau diau ndengagh ceritau itu, mangku dimasuakkanyau dalam atiau diau iluak. Diautu buasil karnau ta'an uji.”

PENGINA'AN 3:21

Jemau diau menang ka Kududuakka sebada duduak ngan Aku, luak Aku pulau la menang mangku duduak sebada duduak ngan BapakKu.

PENGINA'AN 2:7

Jemau diau betelingau dengaghkala setu diau dikiciakka Rua Allah ngan jemau Keristen! Diau menang ka Kuenjuakka makan bua jak di batang diau ngenjuakka idup diau adau di kebun Pirdaus Allah.’ ”

IBRANI 3:14

Kitau la bulia bagian ngan Keristus, amun kitau maju tegua percayau enggut mati luak senitu.

PENGINA'AN 2:26

Jemau diau menang ngan ngerjauka kendakKu enggut pengabisan ka Kuenjuakka kuasau nguasaui bangsau-bangsau,

RASUL 9:16

Akunila ka nunjuakka ngan diau banyak sengsarau diau mesti dighasaukanyau karnau Aku.”

PENGINA'AN 2:3

Kaba maju ngaligh ngan sengsarau karnau Aku, mangku kaba nidau kekela tekedan.

LUKAS 21:17

Kamu ka diluatka gegalau jemau, karnau kamu percayau ngan aku.

LUKAS 21:19

Amun kamu ka beta'an ngan sabar, kamu ka selamat.”