MARKUS 8:11 - PEJANJIAN EMPAI CERITAU ILUAK

¹¹ Adau bebeghapau jemau Parisi datang sangi tanyaui ngan Yesus. Ughangtu endak ncubaui Diau mangku mintak Diau mbuat tandau nyelia batan endak mbuktika, bansau Diau datang jak di Allah.

MARKUS 8:11 Referans Kwoze

1 KURINTUS 10:9

Jangan pulau kitau ncubaui Tuhan, luak diau dikerjauka separau jak di ughangtu senitu, mangku ughangtu mati dicetuak ulagh.

MATIUS 12:38

Mangku adau guru agamau ngan jemau Parisi bekatau, “Pak guru, kami endak nginak Kaba mbuat tandau nyelia.”

YUHANIS 4:48

Yesus ngiciak ngan diau, katauNyau, “Nidau bediau jemau di sini diau endak percayau, amun nidau nginak tandau buktiau diau nyelia.”

LUKAS 11:16

Adau pulau diau mintak tandau nyelia jak di sergau endak nguji Diau.

RASUL 5:9

Katau Pitrus, “Ngapau kaba ngan laki kaba sepakat endak nguji Rua Tuhan? Keruanila, jemau diau empai nguburka laki kaba la baliak, mangku ka mbata'i kaba pulau keluagh.”

YUHANIS 7:48

“Apu adau jak di tuau-tuau kitau ngan jemau Parisi diau percayau ngan Diau?

YUHANIS 6:30

“Amun luak itu,” katau ughangtu, “Tuapau buktiau diau Dighi kerjauka, mangku kami pacak ngina'au ngan percayau ngan Dighi? Tuapau diau ka Dighi kerjauka?

LUKAS 10:25

Mangku adau sughang guru ukum Taurat datang endak nguji Yesus ngan betanyau, “Guru, tuapau diau mesti kukerjauka, mangku bulia idup selelamaunyau?”

MARKUS 12:15

Yesus keruan rencanau diau jedit itu, mangku Diau bekatau, “Ngapau kamu endak ncubaui Aku? Cubau kinakka ngan Aku sutiak tanci pirak.”

MARKUS 2:16

Bebeghapau guru agamau ngan jemau Parisi nginak Yesus makan ngan tukang tagia cuki ngan jemau bedusau lainautu, mangku ughangtu betanyau ngan anak-buaHau, “Ngapau Diau makan ngan penagia cuki ngan jemau bedusautu?”

MATIUS 22:23

Jemau Saduki nidau percayau, bansau jemau mati ka ngulang idup agi. Mangku adau jemau Saduki datang njenguak Yesus ngan betanyau,

MATIUS 22:18

Yesus keruan rencanau diau jedit itu, mangku Diau bekatau, “Ngapau kamu endak ncubau Aku, ui, jemau cak iluak?

MATIUS 22:15

Mangku jemau Parisi pegi buijau, luak manau ughangtu pacak nyalaka Yesus ngan tanyauan.

MATIUS 21:23

La udim itu Yesus ngulang agi ke Ghuma Allah mangku masuak ngan ngajagh di situ. Diau dang ngajagh, imam-imam bepangkat tinggi ngan tuau-tuau jemau Yahudi datang njenguak Diau ngan betanyau, “Pakai kuasau apau Kaba ngerjauka gegalaunyautu? Mangku sapau ngenjuakkanyau ngan Kaba?”

MATIUS 19:3

Mangku jemau Parisi datang endak nguji Diau ngan betanyau, “Apu bulia jemau nyagha'i biniau ngan kenda'au ajau?”

YUHANIS 8:6

Ughangtu betanyau luak ini endak ncubau nyalaka Yesus, mangku ughangtu pacak nyalakaNyau. Anyautu Yesus nunduak ajau ngan nuliska jaghiAu ke tana.

MARKUS 9:16

Mangku Yesus betanyau, “Tuapau diau dibalaka?”