LUKAS 8:18 - PEJANJIAN EMPAI CERITAU ILUAK

¹⁸ Karnau itu peratikala iluak-iluak setu diau kamu dengagh. Karnau jemau diau buadau ka dienju'i agi, anyautu jemau diau nidau buadau, setu diau sangkau adau di diau ka diambiak pulau.”

LUKAS 8:18 Referans Kwoze

MATIUS 13:12

Jemau diau la adau ka dienju'i lebia banyak agi, mangku diau ka belebihan. Anyautu jemau diau nidau bediau tuapau-apau, setu diau adau di diau ka diambiak pulau jak di diau.

LUKAS 19:26

Rajautu bekatau, ‘Ingatkala, jemau diau buadau ka dienjuakka agi, mangku jemau diau nidau bediau tuapau-apau, setu diau adau di diau ka diambiak pulau jak di diau.

MATIUS 25:29

Karnau bilang jemau diau buadau ka dienjuakka agi, mangku diau belebia. Anyautu jemau diau nidau bediau tuapau-apau, setu diau gi adau di diau ka diambiak pulau jak di diau.

YUHANIS 15:2

Bilang cangka di Aku diau nidau bebua diteta'Au, mangku bilang cangka diau bebua diberesiaka, supayau buahau tamba lebat.

IBRANI 2:1

Itula sebapau kitau mesti meratika nian ajaghan diau la kitau dengagh, mangku kitau jangan ngikut anyut.

1 KURINTUS 14:37

Amun adau jemau meghasau pacak ngiciakka katau Allah ngan adau kuasau jak di Rua Allah, jemau itu mesti keruan, bansau setu diau kukiciakkatu perinta Tuhan.

1 KURINTUS 8:2

Jemau diau nyangkau la banyak keruan, lum ngeruani nian.

1 KURINTUS 3:18

Jangan sughang kia nipuka diriau. Amun adau jak di kamu diau meghasau pintar nurut deniauni, nengkela diau njadi bigal, mangku diau bepengertian nian.

RUM 12:3

Allah la ngenjuakka pengertian ngan aku, mangku aku ngici'i gegalau kamu, jangan nganggap diri kamu lebia jak di sebenaghau. Anyautu kamu mesti merupuakka diri kamu ngan ngensian, bilang ughang nurut kesanggupan percayau diau dienjuakka Allah ngan kamu.

RASUL 17:11

Jemau Yahudi di kuta itu nerimau nian kici'an Paulus, ukan luak jemau Tesalunika. Ngan riang ughangtu ndengaghka ceritau Yesus. Idang aghi ughangtu melajaghi nian Injil endak ngeruani, apu gegalaunyau nyela luak itu.

RASUL 10:33

Mangku aku ngajung jemau cepat pegi njenguak dighi, mangku dighi la datang ke sini ngan riang. Mbak kini gegalau kami la betunggal galau di sini di adapan Allah endak ndengaghka gegalaunyau diau Allah ajung dighi kiciakka ngan kami.”

LUKAS 9:44

“Dengaghkala iluak-iluak katauKu ini: Anak Manusiau ka diseraka di tangan manusiau.”

PILIPI 3:4

Sebenaghau akunila pacak bepaut ngan kerjau manusiautu. Amun adau jemau diau meghasau adau tapakan bepaut ngan kerjautu, apau agi aku.

MARKUS 13:14

“Kamu ka nginak ‘Keja'atan diau ngancurka’ betegak di bada diau dilarang. Jemau diau mbacau ini peratikala tuapau retiau. Masau itu jemau diau adau di Yudia mesti belaghi ke gunung.