LUKAS 8:13 - PEJANJIAN EMPAI CERITAU ILUAK

¹³ Benia diau tumban di tana bebatu-batu itu ibarat jemau diau ndengagh kici'antu, nerimaunyau ngan riang, anyautu ceritautu nidau mendam di atiau. Ughangtu percayau jerang ajau, mangku amun diuji, diau ngelipat agi.

LUKAS 8:13 Referans Kwoze

YUHANIS 5:35

Yuhanis luak lampu diau maghak ngan besinagh, anyautu kapu dighi riang ngan cayautu jerang ajau.

YUDAS 1:12

Masau kamu ngadauka jamuan, ughang itula di guak kamu diau maluka. Ughangtu makan ngan selak, nidau maluan ngan cuman merupuakka diriau ajau. Ughangtu luak aban diau ditiup angin diau nidau nughunka ujan. Ughangtu luak batang diau nidau ngasilka bua empuak pangkau bebuahan, luak batang diau la dicabut ngan akaghau diau mati nian.

2 PITRUS 2:22

Kerjau ughangtu luak diau dikiciakka dalam pantun ini, “Anjing ka makan agi setu diau dimuntakanyau. Kaput diau la dimandika ka ngulang agi bekubang di licak.”

2 PITRUS 2:20

Amun sughang jemau la keruan Tuhan ngan Rajau Penyelamat kitau Yesus Keristus, diau la bibas jak di kuasau deniau diau merusakka manusiau. Anyautu amun diau ngulang agi dikuasauinyau, mangku diau tamba pansan agi jak di senitu.

IBRANI 10:39

Kitauni jemau diau percayau mangku bulia idup, ukan jemau diau ngelipat mangku benasau.

IPISUS 3:17

Mangku ati kamu njadi bada Keristus karnau kamu percayau ngan Diau, mangku gegalau kerjau kamu dikerjauka karnau nyayangi.

YAKUBUS 2:26

Na, luak badan nidau bediau rua mati, luak itu pulau percayau nidau bediau kerjau nidau bediau gunaunyau.

1 TIMUTIUS 1:19

Bejuangla ngan percayau ngan Keristus ngan ati diau beresia. Adau jemau diau nidau nyanauka suarau ati keci'au, mangku iman ughangtu kacau.

1 TESALUNIKA 3:5

Itula sebapau aku ngajung Timutius, karnau aku nidau ta'an agi, mangku aku keruan nian, apu kamu percayau. Aku ghegak, kalu kamu la dicubaui iblis ngan dikalaka, mangku kerjau kami nidau bediau gatiau.

KULUSI 2:7

ngan buakagh dalam Diau, mangku tamba bepaut ngan Diau ngan tamba tegua percayau nurut setu diau la diajaghka ngan kamu. Mangku ati kamu mesti banyak beterimau-kasia.

GALATIA 3:4

Apu nidau bediau gunaunyau ngan gegalaunyau diau la kamu ghasauka itu? Baghia nidau bediau gunaunyau.

GALATIA 3:1

Ui jemau Galatia, kamu bigal nian! Kamu tepengarua ngan sapau? Keristus diau la mati di kayu saliptu la kamu keruan nian.

1 KURINTUS 15:2

Amun kamu nuruti nian setu diau kukiciakka ngan kamu, mangku ceritau iluaktu ka nyelamatka kamu. Amun kamu nidau nurutinyau, nidau bediau gunaunyau kamu njadi jemau percayau.

YUHANIS 15:6

Jemau diau nidau mendam di Aku dicapakka keluagh luak cangka, mangku njadi keghing. La udim ditunggalka jemau, dicapakka ke dalam api, mangku mutung.

YUHANIS 15:2

Bilang cangka di Aku diau nidau bebua diteta'Au, mangku bilang cangka diau bebua diberesiaka, supayau buahau tamba lebat.

KULUSI 1:23

Karnau itu kamu mesti maju percayau ngan tegua, jangan sampai ninggalka aghapan diau dienjuakka ngan kamu, masau kamu ndengagh ceritau iluak. Ceritau itu la dikiciakka ngan gegalau deniau. Batan endak itula aku, Paulus, bekerjau.

1 KURINTUS 13:2

Empuak aku pacak ngiciakka katau Allah ngan ngerti gegalau resiau Allah ngan ngeruani gegalaunyau, empuak aku percayau nian ngan Allah, mangku pacak ngaliaka gunung, anyautu aku nidau nyayangi jemau, dikit kia aku nidau begunau.

MARKUS 6:20

Herudis ngajung jemau njagaui Yuhanis iluak-iluak, karnau diau takut. Diau keruan, bansau Yuhanis sughang diau iluak, ajungan Allah. Diau galak ndengaghka Yuhanis ngiciak, empuak diau bingung ngan gelisa.

1 YUHANIS 2:19

Ughangtu jak di kitau, anyautu la ninggalka kitau, karnau ughangtu ukan jemau kitau nian. Amun ughangtu jemau kitau nian, cengki ughangtu maju seghundak ngan kitau. Anyautu ughangtu la ninggalka kitau, mangku tenyatau, bansau nidau sughang kia jak di ughangtu jemau kitau.

LUKAS 8:12

Benia diau tumban di jalan ibarat jemau diau ndengagh kici'an itu, anyautu iblis datang merebutinyau jak di atiau, supayau diau jangan percayau ngan jangan diselamatka.

LUKAS 8:14

Benia diau tumban di pugan ghumput bedughi ibarat jemau diau ndengagh kici'an itu. Anyautu diau ghegak ngan idupau, endak idup lemak ngan riang ajau di deniau ini. Mangku kici'an Allah nidau pacak mendam di atiau, mangku nidau ngasilka bua diau iluak.