LUKAS 4:18 - PEJANJIAN EMPAI CERITAU ILUAK

¹⁸ “Rua Tuhan adau di Aku, karnau Diau la netapka Aku endak ngiciakka ceritau iluak ngan jemau serik-sarau. Diau ngajung Aku ngebarka, bansau jemau tetangkap ka diluputka ngan jemau butau ka pacak nginak. Diau ngajung Aku nulung jemau diau dipasau

LUKAS 4:18 Referans Kwoze

MATIUS 11:5

Jemau butau nginak, jemau lumpua bejalan, jemau buidapan ja'at ghadu, jemau tuli ndengagh, jemau mati ngulang idup, ngan ceritau iluak dikiciakka ngan jemau sarau.

RASUL 10:38

Kapu dighi la keruan katau Yesus, jemau Nasarittu, mbak bansau Diautu dipilia Allah ngan dienjuakkaNyau Rua Allah ngan kuasau, mangku Diautu pegi ke manau-manau endak ngerjauka setu diau iluak ngan meghadui gegalau jemau diau diarung iblis, karnau Allah nyertaui Diau.

LUKAS 7:22

Mangku katau Yesus, “Baliakla, kiciakkala ngan Yuhanis setu diau kamu kinak ngan dengagh: Jemau butau nginak, jemau lumpua bejalan, jemau buidapan ja'at ghadu, jemau tuli ndengagh, jemau mati ngulang idup, ngan ceritau iluak dikiciakka ngan jemau serik.

RASUL 26:18

endak mbukakka matau ughangtu, supayau ughangtu ngeluagh jak di keleman masuak terang, supayau ughangtu lepas jak di kuasau iblis mangku dikuasaui Allah. Mangku dusaunyau ka diabiska, karnau ughangtu percayau ngan Aku, mangku ughangtu njadi angguta umat Allah diau dipilia itu.’ ”

YUHANIS 12:46

Akuni datang ke deniau ini umpamau terang, mangku bilang jemau diau percayau ngan Aku jangan maju mendam di keleman.

1 PITRUS 2:9

Anyautu kamunila bangsau diau dipilia, imam-imam diau kerjau batan endak rajau, bangsau diau idup beresia batan endak Allah, umat Allah itula. Allah milia kamu ngan mantau kamu ngeluagh jak di keleman endak masuak terangAu diau besinagh-sinagh, supayau kamu ngiciakka kerjauNyau diau nyeliatu.

KULUSI 1:13

Diautu la ngilakka kitau jak di kuasau iblis mangku ngaliaka kitau dalam kuasau Ana'Au diau disayangi.

MATIUS 4:16

Jemau diau idup di keleman la nginak terang diau besinagh. Ngan jemau diau idup di nenggeri maut la tumbua sinagh terang.”

MATIUS 5:3

“Riangla jemau diau meghasau nidau pacak mbuat tuapau-apau ngan ngaghapka Allah ajau, karnau diau diterimau Allah njadi umatAu.

LUKAS 6:20

Mangku Yesus ngina'i anak-buaHau ngan bekatau, “Riangla kamu jemau serik, karnau Allah njadi rajau kamu.

YAKUBUS 2:5

Kantin-kantinku diau kusayangi, ingatkala, jemau diau dianggap deniau serik dipilia Allah njadi jemau kayau karnau percayau. Jemautu ka bulia bagian di sergau diau dijanjika Allah ngan jemau diau nyayangiNyau.

YUHANIS 3:34

Jemau diau diajung Allah, Diautu ngiciakka kici'an Allah, karnau Rua Allah dienjuakkaNyau galau ngan Diau.

YUHANIS 1:41

Dulu sekali diau betemu ngan dangau Simun ngan bekatau, “Kami la betemu ngan Mesias.” Mesias semegi ngan Keristus, retiau Rajau Penyelamat.

MATIUS 12:20

Bulua diau tekulai nidau ka dilalukaNyau, lampu diau keciak magha'au nidau ka dipadamkaNyau. Diau ka ngerjaukanyau enggut ukum Allah dita'ati.

RASUL 4:27

Nyela, rajau Herudis ngan Puntius Pilatus la betunggal di kuta ini ngan jemau diau nidau keruan Tuhan ngan jemau Israil pulau. Ughangtu melawan Yesus, Budak Dighi diau beresia, diau la Dighi tetapka njadi Rajau Penyelamat.

MATIUS 12:18

“Inila BudakKu diau Kupilia, diau Kusayangi ngan melemakka atiKu. Aku ka ngenjuakka RuaKu ngan Diau, mangku Diau ka ngiciakka kendakKu ngan bangsau-bangsau.

LUKAS 4:17

dienjuakka kitab nabi Yesaya. Satu dibuka'Au, Diau dapat ayat ini:

RASUL 4:26

Rajau-rajau deniau bedandan endak beperang. Pengulu-pengulu betunggal endak melawan Tuhan ngan Rajau Penyelamat.’