LUKAS 17:21 - PEJANJIAN EMPAI CERITAU ILUAK

²¹ lagi pulau jemau nidau pacak bekatau, ‘Mela nginak, ini diau!’ ngan ‘Di situ diau!’, karnau Allah la mulai merinta di guak kapu dighi.”

LUKAS 17:21 Referans Kwoze

MATIUS 12:28

Anyautu Aku ngisitka iblis ngan kuasau Rua Allah, mangku ngenian Allah la mulai merinta di guak kapu dighi.

RUM 14:17

Amun Allah njadi rajau dalam idup jemau, makan diau aram ngan alal nidau penting agi. Diau penting nuruti kendak Allah, idup tenang ngan riang. Titu dienjuakka Rua Allah.

MARKUS 13:21

Masau itu amun adau jemau diau ngiciak ngan kamu, ‘Kina'ila, Rajau Penyelamat adau di sini.’ ngan ‘Diau adau di situ.’, jangan percayau ngan jemau itu,

KULUSI 1:27

Allah endak, supayau ughangtu keruan ceritau diau diresiaukaNyautu iluak ngan agung nian batan endak gegalau manusiau. Resiaunyau ini: Keristus adau di ati kamu, mangku kamu adau aghapan bulia ngikut meghasauka keagunganNyau.

LUKAS 21:8

Yesus bekatau, “Sepepadaula, jangan kamu tetipu. Banyak jemau ka datang makai namauKu ngan bekatau, ‘Akula diau’ lagi, ‘La masaunyau’. Jangan kamu ngikut ughangtu.

LUKAS 17:23

Nantitu jemau ka ngiciakka ngan kamu, ‘Kina'i di sini! Kina'i di situ!’ Jangan pegi! Jangan ngikuti jemautu!

YUHANIS 1:26

Yuhanis nimbal, kataunyau, “Akuni mbaptis ngan ayiak, anyautu di guak kapu dighi adau Jemau diau nidau kecinauan ngan kapu dighi.

YUHANIS 18:36

Katau Yesus, “KekuasauanKu ukan jak di deniau ini. Misalau kekuasauanKu jak di deniauni, cetau anak-buaKu ka beusaha, supayau Aku jangan diseraka ngan pengulu jemau Yahudi. Tapitu kekuasauanKu ukan jak di deniau ini.”