LUKAS 12:5 - PEJANJIAN EMPAI CERITAU ILUAK

⁵ Nyela, Aku ka nunjuakka ngan kamu, sapau diau mesti kamu takuti. Takutla ngan Allah, karnau la udim ngambiak nyawau, Diau bekuasau pulau ncapakka dalam nerakau. Percayaula, Diautu mesti kamu takuti.

LUKAS 12:5 Referans Kwoze

2 PITRUS 2:4

Malaikat diau bedusau nidau dienangka Allah bibas jak di ukuman, dicapakka ke nerakau. Malaikattu dimasuakka ke tebuak tana diau keleman endak dita'an di situ enggut masau pengukuman.

MATIUS 10:28

Jangan kamu penakut ngan jemau diau cuman pacak mbunua badan, tapitu nidau bekuasau mbunua jiwa. Takutla ngan Allah diau bekuasau mbenasauka dalam nerakau badan ngan jiwa.

PENGINA'AN 14:7

Malaikattu tepekiak ngan suarau bias, “Takutla ngan Allah ngan agungka Diau, karnau la sampai masau Allah ngukum manusiau. Sembala Allah diau njadika langit ngan deniau ngan laut ngan gegalau matau-ayiak.”

IBRANI 10:31

Alaka nanggungau, amun diukum Allah.

PENGINA'AN 20:14

Mangku maut ngan bada jemau mati dicapakka ke dalam laut apitu. Itula kematian diau keduau, laut api itula.

1 TESALUNIKA 4:6

Jangan sughang kia mbuat ja'at ngan jemau ngan nipukanyau. Senitu la kami kiciakka nian ngan kamu, bansau Tuhan ka ngukum jemau diau ngerjauka titu.

MATIUS 25:41

Mangku Rajau itu ka bekatau ngan jemau di sebela kidauNyau, ‘Laratla jak di adapanKu! Kamu jemau keparat. Pegila ke dalam api diau nidau ka padam-padam, diau disediauka batan endak Iblis ngan anak-buahau.

PENGINA'AN 15:4

Sapau nidau takut ngan Dighi, Tuhan? Sapau enggup ngagungka namau Dighi? Cuman Dighi ajau diau suci. Gegalau bangsau ka datang nunduak nyemba Dighi, karnau carau Dighi diau adiltu la kina'an ngan gegalau jemau.”

MATIUS 5:22

Anyautu mbak kini Akuni bekatau ngan kamu luak ini: Jemau diau marai kantinau mesti diukum. Jemau diau ngiciakkanyau ‘buyan’, mesti diadapka ngan pengadilan agamau. Mangku jemau diau ngiciakkanyau ‘kapir’, arus dicapakka dalam api nerakau.

MATIUS 25:46

Mangku ughangtu ka diukum ngan ukuman selelamaunyau. Jemau diau ngerjauka kendak Allah tadi ka riang selelamaunyau.”

MARKUS 13:23

Sepepadaula, gegalaunyautu la kukiciakka ngan kamu, antak ka tejadi.”