KULUSI 3:4 - PEJANJIAN EMPAI CERITAU ILUAK

⁴ Idup diau ngenianau itu idup seghundak ngan Keristus. Mangku amun Keristus datang nanti, kamu ka adau ngan Diau dalam keagunganNyau.

KULUSI 3:4 Referans Kwoze

YUHANIS 11:25

“Akunila ngenjuakka idup ngan mbuat jemau ngulang idup.” Katau Yesus, “Jemau diau percayau ngan Aku ka idup, empuak diau la mati.

1 YUHANIS 3:2

Kantin-kantinku diau kusayangi. Mbak kini kitau anak Allah. Anyautu lum kina'an, luak manau kitau nanti. Mangku kitau keruan, amun Keristus datang, kitau ka njadi luak Diau, karnau kitau ka nginak Diau luak manau Diau sebenaghau.

GALATIA 2:20

Mbak kini ukan agi aku diau idup, tapitu Keristus idup dalam diriku. Mangku mbak kini aku idup karnau percayau ngan Anak Allah diau la nyayangi aku ngan nyeraka nyawauNyau batan endak aku.

1 PITRUS 1:13

Karnau itu kamu mesti rupuakka kudai setu diau endak dikerjauka. Sepepadaula ngan aghapkala nian setu diau ka dienjuakka ngan kamu, masau Yesus Keristus datang nanti.

PILIPI 3:21

Badan kitauni diau litak ngan pacak mati ka diuba Keristus njadi luak badanAu diau agungtu. Diau ka ngerjauka titu, karnau Diau adau kuasau endak nunduakka gegalaunyau.

YUHANIS 17:24

Bak, Aku endak, supayau jemau diau Dighi enjuakka ngan Aku adau guak Aku di badaKu, mangku ughangtu nginak keagungan diau la Dighi enjuakka ngan Aku, karnau Dighi la nyayangi Aku antak ka deniau adau.

1 PITRUS 5:4

Mangku amun Keristus, tukang sayia bebiri diau agungtu, datang nanti, kamu ka nerimau adia menang diau alap nianan diau nidau ka beghuba.

1 YUHANIS 2:28

Mangku, ui anak-buaku, majula seghundak ngan Keristus, mangku amun Diau datang nanti, kitau nidau takut ngadap Diau ngan nidau nanti nyemuni karnau maluan.

IBRANI 9:28

Luak itu pulau Keristus ngerbanka diriAu cuman sekali ajau endak ngabiska dusau banyak jemau. Mangku Diau ka datang agi ukan endak nanggungka dusau agi, tapitu endak nyelamatka jemau diau nunggu Diau datang.

PENGINA'AN 22:14

Riangla jemau diau nesa bajuau. Ughangtu bulia hak makan bua jak di batang diau ngenjuakka idup mangku masuak kutatu wuan mukau lawangau.

1 KURINTUS 15:43

Badan diau ditanamtu litak, badan diau idup agi ka kuat.

PENGINA'AN 22:1

Mangku malaikattu nunjuakka ngan aku ayiak batang-aghi diau ngenjuakka idup diau jeghenia luak kacau. Diau melilia keluagh jak di kerusi Allah ngan Anak Bebiritu

YUDAS 1:24

Allah pacak njagaui kamu, supayau jangan bebuat dusau. Diau pacak mbata'i kamu ngan riang ngan nidau becacat ke badaHau diau agung.

1 YUHANIS 5:12

Jemau diau nerimau Ana'Au nerimau idup itu. Jemau diau nidau nerimau Ana'au nidau pulau nerimau idup.

TITUS 2:13

Mbak kini kitau dang nungguka aghi diau meriangka diau kitau ngaghapka itu. Aghitu deniau ka nginak keagungan Allah diau Mahabesak ngan Yesus Keristus, Rajau Penyelamat kitau.

MATIUS 13:43

Masau itu jemau diau ngerjauka kendak Allah ka besinagh luak matau-aghi di deniau empai diau dienjuakka Allah, Bapak ughangtu. Amun betelingau, dengaghkala!”

2 TIMUTIUS 4:8

Mbak kini adia menang la nunggu aku, karnau idupku la dibenaghka Allah. Masau aghi kiamat, Tuhan akim diau adil ka nyeraka adiatu ngan aku. Ukan aku ajau diau ka nerimau adiatu, tapitu gegalau jemau diau nungguka nian Tuhan datang.

2 KURINTUS 4:17

Mangku tanggungan diau mbak kini kami ghasauka nidau sebeghapau. Itu ka ngasilka keriangan selelamaunyau diau jawua lebia besak, amun dibandingka ngan penanggungantu.

YUHANIS 14:6

Katau Yesus, “Akunila jalan ngeruani Allah ngan idup nian. Nidau sughang kia diau pacak njenguak Bapak, amun nidau karnau Aku.

YUHANIS 14:3

La udim Aku pegi ke situ ngan nyediauka bada batan endak kamu, Aku ka ngulang agi, mangku mbatak kamu ke badaKu, supayau di manau badaKu, di situ pulau bada kamu.

2 TIMUTIUS 1:1

Jak di aku, Paulus, diau dijadika rasul Yesus Keristus karnau kendak Allah, supayau ngiciakka idup diau dijanjika Allah ngan jemau diau seghundak ngan Yesus Keristus

1 TESALUNIKA 4:17

La udim itu kitau diau gi idup masau itu ka dinayiakka ke aban serempak ngan ughangtu endak betemu ngan Tuhan di awang-awang. Mangku kitau ka maju guak Tuhan selelamaunyau.

1 KURINTUS 1:7

Mangku kamu nidau kurang tuapau-apau pengenjuak Rua Allah, penarau kamu nunggu Tuhan kitau Yesus Keristus datang agi.

YUHANIS 20:31

Tapitu gegalaunyau diau temasuak di sini la ditulis, supayau kamu percayau, Yesus itula Keristus, Rajau Penyelamat, Anak Allah, mangku supayau kamu bulia idup, karnau percayau ngan Diau.

PENGINA'AN 2:7

Jemau diau betelingau dengaghkala setu diau dikiciakka Rua Allah ngan jemau Keristen! Diau menang ka Kuenjuakka makan bua jak di batang diau ngenjuakka idup diau adau di kebun Pirdaus Allah.’ ”

1 TIMUTIUS 6:14

ta'atila gegalau perinta itu ngan beresia ngan nidau becelakau, enggut Tuhan kitau Yesus Keristus dinyatauka,

RASUL 3:15

Luak itula kapu dighi mbunua Diau, awuak Diautu pacak ngenjuakka idup nian ngan jemau. Allah la ngidupka Diau jak di mati. Kamini la ngina'Au mangku ngiciakkanyau.

LUKAS 17:30

Luak itula pulau nanti, masau Anak Manusiau dinyatauka.

RUM 8:18

Aku keruan, bansau penanggungan kitau mbak kini nidau pacak dibandingka ngan keagungan diau ka diancakka ngan kitau nanti.

RUM 8:19

Gegalau setu diau dijadika nunggu nian masau Allah ngancakka anak-ana'Au.