KULUSI 3:17 - PEJANJIAN EMPAI CERITAU ILUAK

¹⁷ Gegalaunyau diau kamu kerjauka ngan kiciakka kerjaukala dalam namau Tuhan Yesus, sampai beterimau-kasia ngan Allah Bapak karnau Diau.

KULUSI 3:17 Referans Kwoze

1 KURINTUS 10:31

Tuapau kila diau kamu kerjauka, apu makan apu minum, kerjaukala gegalaunyautu batan endak meregaui Allah.

KULUSI 3:23

Tuapau kila diau diajung ngan kamu kerjaukala ngan riang luak kamu bekerjau batan endak Tuhan, ukan batan endak manusiau.

IPISUS 5:20

Luak manau kila maju beterimau-kasiala ngan Allah Bapak dalam namau Tuhan kitau Yesus Keristus.

1 PITRUS 4:11

Jemau diau beketuba mesti ngiciakka katau Allah. Jemau diau nulungi jemau mesti ngerjaukanyau ngan kekuatan jak di Allah, mangku Allah maju diregaui karnau Yesus Keristus. KuasauNyau ngan keagunganNyau nidau ka udim-udim selelamaunyau. Nyela nian.

1 TESALUNIKA 5:18

Luak manau kia setu diau tejadi di kamu, kamu mesti beterimau-kasia ngan Allah, karnau itula diau Allah kenda'i ngan kamu, jemau diau percayau ngan Yesus Keristus.

1 PITRUS 2:5

Kamu umpamau batu-batu diau idup. Karnau itu enangka kamu dipakai batan endak negakka ghuma Allah diau ruhani. Ngan carau luak itu kamu njadi imam-imam diau idup beresia batan endak Allah, mangku ngerbanka ngan Allah kerban diau ruhani diau melemakka ati Allah karnau Keristus.

IBRANI 13:15

Karnau itu mela kitau maju muji Allah karnau Yesus. Titu njadi kerban beterimau-kasia ngan Diau, diau kitau enjuakka ngan mulut kitau endak ngagungka Diau.

1 YUHANIS 3:18

Anakbuaku, jangan kitau nyayangi cuman di mulut ngan kici'an ajau. Kitau mesti nyayangi nian ngan mbuktikanyau ngan perembak kitau.

1 PITRUS 2:9

Anyautu kamunila bangsau diau dipilia, imam-imam diau kerjau batan endak rajau, bangsau diau idup beresia batan endak Allah, umat Allah itula. Allah milia kamu ngan mantau kamu ngeluagh jak di keleman endak masuak terangAu diau besinagh-sinagh, supayau kamu ngiciakka kerjauNyau diau nyeliatu.

PILIPI 2:11

Mangku gegalau ughangtu ka ngaku'i, “Yesus Keristusla Tuhan!” Mangku Allah Bapak diagungka.

RASUL 4:30

Nyataukala kuasau Dighi, mangku jemau buidapan dighaduka ngan tandau nyelia karnau kuasau namau Yesus, Budak Dighi diau beresia itu.”

PILIPI 1:11

Idup kamu ka dipenui ngan kerjau diau benagh diau cuman pacak dikerjauka Yesus Keristus. Mangku Allah diregaui ngan diagungka.

RASUL 19:17

Gegalau jemau Yahudi ngan jemau bangsau lain di Ipisus ndengagh ceritau itu. Ughangtu penakut galau, mangku namau Yesus tamba dipuji-puji.

KULUSI 1:12

Mangku kamu beterimau-kasia ngan Allah Bapak, karnau Allahtu njadika kamu pantas nerimau setu diau disediaukaNyau batan endak umatAu di bada diau terang.

IPISUS 1:17

Aku mintak, supayau Allah Tuhan kitau Yesus Keristus, Bapak diau agungtu, ngenjuakka RuaHau ngan kamu, mangku Ruatu ka ngenjuakka ngan kamu pengertian ngan nyatauka Allah diau benagh ngan kamu, mangku kamu ka keruan Diau.

KULUSI 2:7

ngan buakagh dalam Diau, mangku tamba bepaut ngan Diau ngan tamba tegua percayau nurut setu diau la diajaghka ngan kamu. Mangku ati kamu mesti banyak beterimau-kasia.

MATIUS 28:19

Karnau itu, pegila ke gegalau bangsau di deniau, jadikala ughangtu anak-buaKu, baptiskala ughangtu ngan namau Bapak, Anak ngan Rua Allah,

1 YUHANIS 2:23

Karnau jemau diau nidau ngaku'i Yesus, nidau pulau ngeruani Allah Bapak. Jemau diau ngaku'i Yesus ngeruani pulau Allah Bapak.

RUM 1:8

Dulu sekali aku endak ngiciakka, bansau gegalau deniau la ndengagh kamu percayau ngan Keristus. Mangku aku beterimau-kasia ngan Allah karnau ceritau kamutu.

IBRANI 1:5

Nidau kekela Allah ngiciak luak ini ngan sughang malaikat, “Kaba AnakKu! Saghini Aku njadi Bak Kaba.” ngan pulau, “Aku ka njadi Bapa'Au, Diautu njadi AnakKu.”

1 TESALUNIKA 1:1

Jak di Paulus, Siluanus ngan Timutius batan endak jemau Keristen di Tesalunika diau njadi umat Allah Bapak ngan Tuhan Yesus Keristus. Aku bedu'a, supayau Tuhan iluak ngan kamu ngan ngenjuakka damai.

KULUSI 3:15

Damai jak di Keristus diau adau di ati kamu mesti netapka gegalau kerjau kamu, karnau kamu la dipilia Allah batan endak damai, mangku njadi sutiak badan. Kamu mesti beterimau-kasia.