KULUSI 2:8 - PEJANJIAN EMPAI CERITAU ILUAK

⁸ Sepepadaula, jangan adau diau mikati kamu ngan rupu'an manusiau diau nidau begunau ngan nyesatka. Rupu'antu ukan jak di Keristus, tapitu jak di manusiau ngan rua deniau.

KULUSI 2:8 Referans Kwoze

1 TIMUTIUS 6:20

Ui, Timutius, jagauila setu diau la dipercayauka ngan kaba. Jawuhila kici'an diau nidau beresia ngan nidau begati ngan kici'an bebala mbalaka setu diau dikiciakka “kepintaran”.

IPISUS 5:6

Jangan kamu tetipu ngan kici'an diau mbu'ung, karnau setu luak itu mbuat Allah mara ngan jemau diau nidau ta'at.

MATIUS 7:15

“Sepepadaula ngan cak nabi. Ughangtu datang di guak kamu luak bebiri, anyautu sebenaghau ughangtu luak setuau diau ganas.

GALATIA 4:9

Anyautu mbak kini kamu la keruan Allah, apu tepatla Allah keruan kamu. Ngapau kamu endak ngulang agi ke rua deniau diau litak ngan sarau? Ngapau kamu endak dikuasaui agi ngan rua itu?

KULUSI 2:20

Kamu la mati seghundak ngan Keristus, la bibas jak di kuasau rua deniauni. Ngapau kamu gi idup luak jemau diau dikuasaui deniau? Ngapau kamu tunduak ngan peraturan luak ini:

2 TIMUTIUS 3:13

Jemau ja'at ngan jemau penipu ka tamba ja'at. Ughangtu nipuka jemau, awuak ughangtu pulau tetipu.

2 PITRUS 3:17

Anyautu kamu diau kusayangi la keruan gegalaunyautu. Karnau itu sepepadaula. Jangan kamu tebatak sesat ngan jemau diau nidau keruan ukum, ngan jangan kelengitan aghapan diau tegua.

IBRANI 13:9

Jangan kamu disesatka ngan bemecam-mecam ajaghan. Ati kitau diteguaka karnau keilu'an Allah, ukan karnau peraturan makanan. Nuruti peraturan makanantu nidau bediau gunaunyau.

2 YUHANIS 1:8

Sepepadaula, mangku kamu jangan kelengitan setu diau la kami kerjauka batan endak kamu. Beusahala, mangku kamu nerimau upa gegalaunyau.

GALATIA 4:3

Luak itu pulau kitau: Selamau kitau lum ngerti, kitau dikuasaui rua deniau.

2 KURINTUS 10:5

Kami merusakka setu diau dibuat jemau geduak endak melawan setu diau benagh ceritau Allah. Kami na'an gegalau rupu'an jemau ngan mbuatau ta'at ngan Keristus.

KULUSI 2:18

Jangan enangka kamu dirugika jemau nerimau hak kamu. Jemautu cak ngensian, cak alim ngan nyemba malaikat. Jemautu geduak, karnau rupu'annyau rupu'an deniau. Diautu nganggap diriau lebia, karnau adau pengina'an.

1 PITRUS 1:18

Kamu keruan, bansau kamu la ditebus jak di idup diau nidau begunau diau kamu bulia jak di niniak puyang kamu. Bayighan batan endak kamu ukan emas ngan pirak diau pacak lengit regaunyau,

RUM 16:17

Kantin-kantinku, aku mintak nian, supayau kamu sepepadau ngan jemau diau melawan ajaghan diau la kamu terimau, diau mbuat kacau ngan nyesatka. Jawuhi jemau luak itu,

IPISUS 4:20

Anyautu Keristus diau kamu keruani ukan luak itu.

GALATIA 1:14

Aku lebia ta'at jak di banyak jemau Yahudi diau sebayau njalanka agamauku. Aku rajin nian ngikuti adat lembagau niniak puyang kami.

PILIPI 3:2

Sepepadaula ngan jemau diau ngerjauka setu diau ja'at diau luak anjing. Ughangtu endak masau jemau besunat,

MATIUS 16:6

Yesus bekatau ngan ughangtu, “Sepepadaula ngan bejagaula ngan ghagi jemau Parisi ngan jemau Saduki.”

MATIUS 10:17

Sepepadaula ngan gegalau jemau. Kamu ka ditangkap, diadapka ngan pengadilan agamau. Kamu ka disaraui di ghuma sembayang.

KULUSI 2:22

Gegalau peraturan itu ngiciakka setu diau nidau begunau agi, amun la dipakai. Itu cuman peraturan ngan ajaghan diau dibuat jemau.

IPISUS 2:2

Masau itu kamu nuruti carau deniau. Kamu ta'at ngan penguasau diau adau di awang-awang, diautu rua diau mbak kini nguasaui ati jemau diau nidau ta'at ngan Allah.

RASUL 17:18

Adau pulau guru-guru ajaghan Ipikurus ngan Setua diau peragau ngan Paulus. Adau jemau diau bekatau, “Tuapau diau endak dikiciakka tukang mbu'ung ini?” Adau pulau jemau lain diau bekatau, “Upaunyau diauni ngiciakka diwau bangsau lain.” Karnau Paulus ngiciakka ceritau Yesus ngan ceritau ngulang idup jak di mati.

RASUL 17:32

Satu ughangtu ndengagh, bansau jemau mati ka ngulang idup, adau diau nawauka Paulus. Adau pulau diau bekatau, “Nanti ajau kami ndengagh kici'an kaba agi.”

1 KURINTUS 8:9

Anyautu sepepadaula. Jangan tejadi jemau lain bedusau karnau kepercayauan lum tegua, karnau kamu bibas ngerjauka tuapau kila.

1 KURINTUS 10:12

Mangku jemau diau nyangkau diau tegua, sepepadaula, supayau jangan benasau.

GALATIA 5:15

Anyautu amun kamu sangi gigiti ngan sangi tegu'i, awas, nanti kamu ka ancur galau.

KULUSI 2:23

Jemau diau mbuat peraturantu kina'an bepengertian karnau ngajung jemau sembayang nurut carau ughangtula ngan ngensianka ngan nganiayau diriau. Anyautu gegalaunyautu nidau begati, cuman muaska serilau manusiau.

IBRANI 3:12

Kantin-kantinku, sepepadaula, supayau di guak kamu jangan adau sughang kiala diau mbuat ja'at ngan nidau percayau mangku ngelipat ninggalka Allah diau idup.