KULUSI 1:5 - PEJANJIAN EMPAI CERITAU ILUAK

⁵ Kamu ngerjauka titu, karnau kamu ngaghapka setu diau disediauka Allah batan endak kamu di sergau. Kamu la ndengagh titu, masau ceritau iluak diau benagh dikiciakka ngan kamu.

KULUSI 1:5 Referans Kwoze

IPISUS 1:13

Kamu pulau la njadi umatAu, masau kamu ndengagh katau Allah, ceritau iluak diau nyelamatka kamu. Kamu la percayau ngan Keristus, mangku kamu ditandaui Rua Allah diau dijanjikaNyautu.

2 TIMUTIUS 4:8

Mbak kini adia menang la nunggu aku, karnau idupku la dibenaghka Allah. Masau aghi kiamat, Tuhan akim diau adil ka nyeraka adiatu ngan aku. Ukan aku ajau diau ka nerimau adiatu, tapitu gegalau jemau diau nungguka nian Tuhan datang.

TITUS 1:2

Kitau ngaghapka idup selelamaunyau. Allah la njanjika idup itu, antak ka deniau dijadika, mangku Allah nidau ka adau mbu'ung.

KULUSI 1:27

Allah endak, supayau ughangtu keruan ceritau diau diresiaukaNyautu iluak ngan agung nian batan endak gegalau manusiau. Resiaunyau ini: Keristus adau di ati kamu, mangku kamu adau aghapan bulia ngikut meghasauka keagunganNyau.

1 PITRUS 2:2

Luak kupiak diau empai adau maju endak minum, kamu pulau mesti maju aus ngan katau Tuhan diau asli. Ngan carau luak itu kamu ka tumbua ngan diselamatka.

KULUSI 1:23

Karnau itu kamu mesti maju percayau ngan tegua, jangan sampai ninggalka aghapan diau dienjuakka ngan kamu, masau kamu ndengagh ceritau iluak. Ceritau itu la dikiciakka ngan gegalau deniau. Batan endak itula aku, Paulus, bekerjau.

1 KURINTUS 15:19

Amun kitau ngaghapka Keristus cuman batan endak idup di deniauni ajau, mangku jak di gegalau manusiau kitauni diau malang sekali.

IBRANI 7:19

Ukum Taurattu nidau pacak nyempernauka. Mangku mbak kini kitau dienju'i aghapan diau lebia iluak agi, mangku kitau pacak masighi Allah.

1 TESALUNIKA 2:13

Adau semecam agi diau mbuat kami beterimau-kasia ngan Allah. Masau kami ngiciakka ngan kamu ceritau jak di Allah, kamu ndengagh ngan nerimau ceritautu, ukan luak kici'an manusiau, tapitu luak ceritau jak di Allah. La nyela nian katau Allah. Diautu dang bekerjau dalam ati kamu diau percayau.

1 YUHANIS 3:3

Gegalau jemau diau ngaghapka Keristus njagaui diriau, supayau beresia jak di dusau, suci luak Diau pulau.

GALATIA 5:5

Anyautu kaminila ngaghapka, bansau kami ka dibenaghka Allah, karnau Rua Allah nulung kami percayau ngan Keristus.

2 KURINTUS 5:19

Kami ngiciakka, bansau Allah mbuat manusiau seilu'an ngan Diau karnau Keristus. Allah ngerjauka titu nidau nuntut dusau jemau. Mangku kami la ditugaska ngiciakka ceritau damaitu.

RASUL 23:6

Paulus keruan, mbak bansau separau jak di angguta pengadilan agamautu jemau Saduki ngan separau agi jemau Parisi, mangku diau bekatau ngan ughangtu, “Akuni jemau Parisi, bak kami jemau Parisi pulau. Aku diadapka di pengadilan ini, karnau aku percayau, bansau jemau diau la mati ka idup agi.”

1 PITRUS 3:15

Dalam ati kamu regauila Keristus, karnau Diau Tuhan. Mangku kamu mesti maju siap-siagau nimbali jemau diau betanyau nanyauka aghapan diau adau di kamu.

1 KURINTUS 13:13

Mangku penarau ini adau tigau mecam diau mesti kitau kerjauka: percayau, ngaghapka ngan nyayangi jemau. Mangku diau penting sekali jak di tigau itu nyayangi jemau.

RASUL 24:15

Luak ughangtu pulau aku ngaghapka Allah, bansau gegalau jemau ka idup jak di mati, empuak jemau iluak empuak jemau ja'at.

1 TIMUTIUS 1:15

Nyela nian kici'an ini ngan pantas diterimau nian, “Yesus Keristus datang ke deniau endak nyelamatka jemau bedusau.” Mangku jak di ughangtu aku diau paling bedusau ngan ja'at sekali.

2 TESALUNIKA 2:16

Kami bedu'a, supayau Tuhan kitau Yesus Keristus ngan Allah Bapak kitau melemakka ngan neguaka ati kamu, mangku kamu pacak ngerjauka ngan ngiciakka setu diau iluak. Allah nyayangi kitau. Diau maju neguaka nian ngan ngenjuakka aghapan diau iluak ngan kitau, karnau Allahtu iluak.

KULUSI 3:16

Ajaghan Keristus mesti bekerjau dalam ati kamu ngan carau diau iluak. Mangku sangi ajaghila ngan sangi retika ngan bepengertian nian. Nyanyikala masmur ngan pujian ngan lagu ruhani batan endak Allah sampai beterimau-kasia dalam ati.

RUM 10:8

Luak inila ditulis dalam Injil, “Katau Allah adau guak kamu, adau di mulut kamu ngan di ati kamu.” Itula katau diau kami kiciakka, bansau jemau mesti percayau.

RASUL 10:36

Kapu dighi la keruan katau Allah diau dikiciakkaNyau ngan bangsau Israil. Katau itu ngiciakka ceritau iluak, jalan damai ngan Allah karnau Yesus Keristus. Diautu Tuhan gegalau manusiau.

LUKAS 12:33

Jualkala retau kamu, enjuakkala tanciau ngan jemau serik, buatla batan endak kamu dumpit diau nidau ka rusak njadi retau di sergau diau endiak ka abis. Retau luak itu nidau pacak diambiak pemaling ngan nidau pacak dipajua gegat.

RASUL 13:26

Ui, kapu dighi pengadau Abraham ngan kapu dighi diau lain diau ta'at ngan Allah. Ceritau keselamatan la dikiciakka ngan kitau.

2 KURINTUS 6:7

Kami ngiciakka ceritau jak di Allah ngan kuasau Allah. Perembak kami diau iluak njadi pakaian kami endak nyerang ngan mbenaghka diri kami.

GALATIA 2:5

Anyautu kami nidau nyera dikit kia ngan ughangtu, karnau kami endak njagaui, supayau ceritau iluak diau benaghtu nidau diuba batan endak kamu.

GALATIA 2:14

Satu aku nginak, perembak ughangtu nidau sesuai ngan ceritau iluak diau benaghtu, mangku aku bekiciak ngan Pitrus di adapan gegalau jemau, “Amun dighi sughang jemau Yahudi la idup luak jemau ukan Yahudi, ngapau dighi mbak kini endak masau jemau lain idup luak jemau Yahudi?”

IPISUS 4:21

Kamu la ndengagh ceritau Diau. Kamu la njadi anak-buaHau, la diajagh ceritau sipat Allah diau adau di Diau.

2 PITRUS 1:12

Karnau itu aku maju ngingatka gegalaunyautu ngan kamu, empuak kamu la ngeruaninyau ngan percayau nian ngan ceritau jak di Allah diau la kamu terimautu.