KULUSI 1:27 - PEJANJIAN EMPAI CERITAU ILUAK

²⁷ Allah endak, supayau ughangtu keruan ceritau diau diresiaukaNyautu iluak ngan agung nian batan endak gegalau manusiau. Resiaunyau ini: Keristus adau di ati kamu, mangku kamu adau aghapan bulia ngikut meghasauka keagunganNyau.

KULUSI 1:27 Referans Kwoze

YUHANIS 14:20

Aghitu pulau kamu ka ngeruani, bansau Aku dalam BapakKu ngan kamu dalam Aku, Aku pulau dalam kamu.

RUM 8:10

Amun Keristus adau dalam kamu, mangku Rua Allah ngenjuakka idup ngan kamu karnau la dibenaghka, empuak badan kamu ka mati karnau dusau.

1 YUHANIS 4:4

Ui anak-buaku, kamuni asal jak di Allah, mangku kamu la ngalaka nabi tiruantu, karnau bekuasaula rua diau adau di kamu sangkan rua diau adau di deniauni.

GALATIA 2:20

Mbak kini ukan agi aku diau idup, tapitu Keristus idup dalam diriku. Mangku mbak kini aku idup karnau percayau ngan Anak Allah diau la nyayangi aku ngan nyeraka nyawauNyau batan endak aku.

1 KURINTUS 3:16

Keruan ngan kamu, bansau kamu ghuma Allah? Mangku kamu bada Rua Allah.

PENGINA'AN 3:20

Kina'ila, Aku betegak di mukau duaghau ngan nggagur. Amun adau jemau ndengagh suarauKu ngan mbukakka duaghau, Aku ka masuak betemu ngan diau. Mangku Aku makan ngan diau, diau ngan Aku.

YUHANIS 14:17

Diau itu Rua Allah diau ka nyatauka, sapau Allah sebenaghau. Deniau nidau pacak nerimau Diau, karnau deniau nidau nginak Diau ngan ngeruani Diau. Anyautu kamuni ngeruani Diau, karnau Diau di guak kamu ngan mendam dalam kamu.

GALATIA 4:19

Ui anak-anakku, karnau kamu aku mbak kini sengsarau agi luak sughang tinau diau endak merunggu. Aku ka maju sengsarau, amun sipat Keristus lum nyatau di kamu.

2 KURINTUS 4:6

Allah la bekatau, “Jak di keleman ka nimbul terang.” Allah itu pulau nimbulka terang di ati kitau, supayau rupu'an kitau njadi terang mangku ngeruani keagungan Allah diau kina'an di dayi Keristus.

1 TIMUTIUS 1:1

Jak di aku, Paulus. Aku njadi rasul Yesus Keristus karnau perinta Allah, Penyelamat kitau, ngan Yesus Keristus diau njadi aghapan kitau.

KULUSI 2:3

Keristus itula kunci ngeruani gegalau keilu'an ngan pengertian Allah diau lum dikeruani.

YUHANIS 14:23

Katau Yesus, “Amun jemau nyayangi Aku, diau ka nuruti kici'anKu. BapakKu ka nyayangi diau, mangku Kami ka njenguak diau ngan mendam ngan diau.

2 KURINTUS 6:16

Tuapau ubungannyau Ghuma Allah ngan keramat? Kitau ini Ghuma Allah diau idup. Allahtu bekatau, “Aku ka mendam di guak ughangtu, Aku endak idup seghundak ngan ughangtu. Aku ka njadi Allah ughangtu, mangku ughangtu ka njadi umatKu.”

KULUSI 3:11

Mangku nidau bediau bidahau antarau jemau Yahudi ngan jemau ukan Yahudi, antarau jemau besunat ngan jemau nidau besunat, antarau bangsau-bangsau, antarau babu ngan jemau bibas, karnau Keristus itu gegalaunyau, Diautu seghundak ngan gegalau ughangtu.

YUHANIS 17:26

Aku la nyatauka namau Dighi ngan ughangtu, Aku maju nyataukanyau, mangku sayang Dighi ngan Aku maju dalam ati ughangtu, mangku Aku seghundak ngan ughangtu.”

IPISUS 2:22

Karnau kamu seghundak ngan Keristus, kamu ngikut disusun ngan jemau lain njadi Ghuma Allah bada RuaHau.

YUHANIS 6:56

Jemau diau makan dagingKu ngan minum daghaKu, diautu seghundak ngan Aku, Aku ngan diau.

IPISUS 1:7

Karnau Keristus la mati njadi kerban, mangku kitau dibibaska, retiau dusau kitau diabiska, karnau Diau nyayangi kitau nianan.

PILIPI 4:19

Allah diau kusemba kayau kematila. Diau ka ngenjuakka ngan kamu gegalaunyau diau kamu mesti gunauka karnau Yesus Keristus.

RUM 9:23

Allah pulau endak nunjuakka keagungan ngan kekayauan diau nidau abis-abis ngan kitau diau disayangiNyau, kitau diau la disediauka endak diagungka,

RUM 5:2

Karnau kitau percayau ngan Diau, mangku Diau nulung kitau ngeruani keilu'an Allah. Mbak kini kitau la meghasaukanyau. Mangku kitau riang, karnau adau aghapan kitau ka meghasauka keagungan Allah.

KULUSI 1:5

Kamu ngerjauka titu, karnau kamu ngaghapka setu diau disediauka Allah batan endak kamu di sergau. Kamu la ndengagh titu, masau ceritau iluak diau benagh dikiciakka ngan kamu.

2 KURINTUS 4:17

Mangku tanggungan diau mbak kini kami ghasauka nidau sebeghapau. Itu ka ngasilka keriangan selelamaunyau diau jawua lebia besak, amun dibandingka ngan penanggungantu.

LUKAS 17:21

lagi pulau jemau nidau pacak bekatau, ‘Mela nginak, ini diau!’ ngan ‘Di situ diau!’, karnau Allah la mulai merinta di guak kapu dighi.”

MATIUS 13:11

Katau Yesus, “Ngan kamu la dinyatauka resiau ngeruani Allah njadi rajau ngan kekuasauanNyau tapitu ngan ughangtu nidau.

2 KURINTUS 2:14

Aku beterimau-kasia ngan Allah! Diau maju mbatak kami di jalan menang serempak ngan Keristus. Diau makai kami, supayau ceritau Keristus tesebar ke manau-manau luak embau ghum.

RUM 11:33

Alaka kayau nian ngan bepengertian nian Allah ngan ngeruani gegalaunyau. Nidau sughang kiala pacak ngeruani rencanauNyau. Nidau sughang kiala pacak ngeruani carauNyau.

RUM 2:4

Apu kamu nganggap mura karnau Allah iluak, ngaligh ngan lambat ngukum? Cengki kamu keruan, bansau Allah iluak karnau Diau endak, supayau kamu ngubai jak di dusau-dusau kamu.

IBRANI 6:19

Aghapan kitautu njadi pegangan diau kuat ngan aman batan endak idup kitau luak sauh, alat diau mendamka kapaltu. Aghapantu masuak enggut ke belakang tabir duaghau, ke dalam biliak diau Mahasuci di Ghuma Allah.