IPISUS 6:6 - PEJANJIAN EMPAI CERITAU ILUAK

⁶ Jangan ajau, amun dikinak, endak dipuji manusiau, tapitu luak budak Keristus diau na'ati kendak Allah ngan riang.

IPISUS 6:6 Referans Kwoze

1 TESALUNIKA 2:4

Kami ngiciak ukan endak melemakka ati manusiau, tapitu endak melemakka ati Allah, karnau Allah nganggap kami pantas ngiciakka ceritau iluak itu. Diautu nguji ati kami.

GALATIA 1:10

Luak manau akuni? Apu aku ngaghapka diregaui manusiau? Ukan, dikit kiala nidau. Aku cuman ngaghapka diregaui Allah. Apu aku beusaha melemakka ati manusiau, mangku dipuji jemau? Amun aku masia ngerjauka kerjau luak itu, aku ukan budak Keristus.

IPISUS 5:17

Jangan kamu bigal, anyautu beusahala ngeruani kendak Tuhan.

1 PITRUS 4:2

Mangku mulai mbak kini selamau gi adau di deniau idupla nurut kendak Allah, jangan agi nurut serilau manusiau.

PILIPI 2:12

Kantin-kantinku diau kusayangi, kamu maju ta'at ngan aku, masau aku guak kamu, mangku mbak kini masau aku jawua, kamu mesti lebia ta'at agi. Beusahala maju, supayau keselamatan kamu njadi nyatau. Kerjaukala titu ngan takut ngan meregaui Allah.

MATIUS 12:50

Karnau jemau diau ngerjauka kendak BapakKu di sergau, ughang itula ading-beghadingKu ngan makKu.”

IBRANI 13:21

Aku bedu'a, supayau Allah ngajung Yesus Keristus ngerjauka di kitau setu diau melemakka atiAu. Tepujila Diau selelamaunyau! Amin.

IBRANI 10:36

Kamu mesti tekun, supayau kamu pacak ngerjauka kendak Allah, mangku kamu nerimau setu diau dijanjikaNyau.

KULUSI 1:9

Itula sebapau jak ndengagh ceritau kamu, kami maju ndu'aka kamu. Kami mintak ngan Allah, supayau kamu dienjuakka pengertian endak ngeruani kendak Allah nian.

MATIUS 7:21

“Nidau gegalau jemau diau mantau aku, ‘Tuhan, Tuhan!’ njadi angguta umat Allah, anyautu cuman jemau diau ngerjauka kendak BapakKu diau di sergau.

1 YUHANIS 2:17

Deniau ngan gegalau setu diau adau di dalamau diau diibauka manusiau ka lengit. Anyautu jemau diau ngerjauka kendak Allah maju idup selelamaunyau.

RUM 6:17

Terimau-kasia nian ngan Allah, karnau senitu kamu njadi budak dusau, mbak kini kamu na'ati nian ajaghan diau benagh diau la dikiciakka ngan kamu.

KULUSI 4:12

Pesan pulau jak di Ipapras. Diau pulau sughang jak di kamu. Diau bekerjau batan endak Yesus Keristus ngan maju ndu'aka kamu nian, supayau kamu percayau nian ngan bepengertian, mangku kamu ta'at nian ngan kendak Allah.

1 PITRUS 2:15

Karnau Allah endak, supayau ngan perembak kamu diau iluak kamu nukup mulut jemau diau ngiciak jedit tadi.

1 TESALUNIKA 4:3

Inila kendak Allah, supayau kamu idup beresia. Jangan kamu menaugawia.

MARKUS 3:35

Jemau diau ngerjauka kendak Allah, diautu adingKu ngan makKu.”

1 KURINTUS 7:22

Karnau budak diau percayau ngan Tuhan njadi jemau bibas karnau Tuhan. Mangku jemau bibas diau percayau ngan Keristus njadi buda'Au.