IPISUS 6:23 - PEJANJIAN EMPAI CERITAU ILUAK

²³ Aku bedu'a, supayau Allah Bapak ngan Tuhan kitau Yesus Keristus ngenjuakka damai ngan kamu gegalau jemau Keristen, ngan nulung kamu sangi sayangi ngan maju percayau.

IPISUS 6:23 Referans Kwoze

GALATIA 6:16

Mangku ngan jemau diau idup nurut pendirian ini aku bedu'a, supayau Allah iluak nian ngan ngenjuakka damai. Luak itu pulau ngan gegalau umat Allah.

1 PITRUS 5:14

Sangi bepesanla sughang ngan diau lain ngan sayang jak di Keristus. Aku bedu'a, supayau Tuhan njagaui gegalau kamu diau la seghundak ngan Keristus. Amin.

GALATIA 5:6

Karnau amun kitau la idup seghundak ngan Keristus, apu besunat apu nidau besunat, itu nidau bediau retiau. Diau penting, percayau ngan Keristus, mangku itu nyatau ngan sayang kitau ngan jemau.

1 TIMUTIUS 1:14

Anyautu aku dienju'i Tuhan keilu'an banyak kematila, mangku aku pacak percayau ngan nyayangi Yesus Keristus, karnau seghundak ngan Diau.

PENGINA'AN 1:4

Ngan kantin-kantin jemau Keristen diau di tujua kuta di daira Asia Keciak aku, Yuhanis, nulis ini. Aku bedu'a, supayau kamu meghasauka keilu'an ngan damai jak di Allah. Allahtu la adau jak di senitu enggut mbak kini ngan maju ka adau. Keilu'an ngan damaitu pulau jak di tujua rua diau adau di adapanNyau

1 TIMUTIUS 1:3

Masau aku pegi ke Makedunia, la kuajungka ngan kaba, supayau maju mendam di Ipisus, karnau di situ adau jemau diau ngajaghka ajaghan nidau benagh, mangku kaba mesti ngajung ughangtu mandak.

2 TESALUNIKA 3:16

Kami bedu'a, supayau Tuhan maju ngenjuakka damai ngan kamu, empuak luak manau ajau. Aku bedu'a, supayau Tuhan nyertaui gegalau kamu.

2 TESALUNIKA 1:3

Kantin-kantinku, kami maju beterimau-kasia ngan Allah karnau kamu. Nyela, semestiau luak itu, karnau kamu tamba percayau ngan Keristus ngan tamba sangi sayangi.

1 TESALUNIKA 5:8

Anyautu kitau ini anak terang. Karnau itu rupu'an kitau mesti terang. Kitau mesti maju percayau ngan Tuhan ngan nyayangi jemau, lagi ngaghapka Allah nyelamatka kitau. Itula pakaian diau njagaui kitau.

1 KURINTUS 1:3

Aku bedu'a, supayau Allah Bapak kitau ngan Tuhan Yesus Keristus iluak ngan kamu ngan ngenjuakka damai ngan gegalau kamu.

RUM 1:7

Itula sebapau aku nulis ngan kamu diau adau di Rum, jemau diau disayangi Allah ngan dipilia njadi umatAu. Aku bedu'a, supayau Allah Bapak kitau ngan Tuhan Yesus Keristus iluak ngan kamu ngan njagaui kamu ngan damai.

YUHANIS 14:27

Aku mbuat ati kamu tenang. Keinji'anKu Kuenjuakka ngan kamu, mangku diau dienjuakka itu ukan luak diau dienjuakka deniau. Nidau nanti temas, ngan nidau nanti penakut.

1 TIMUTIUS 5:8

Amun adau jemau diau nidau nyayia denga-sana'au, apau agi jemau seghumahau, jemautu ngelipat ngan lebia ja'at jak di jemau diau nidau percayau.

RUM 15:33

Aku bedu'a, supayau Allah diau ngenjuakka damai ngan manusiau nyertaui gegalau kamu. Amin.

2 KURINTUS 13:11

Mangku, kantin-kantinku, kamu mesti riang ngan beusaha, supayau sempernau. Terimaula gegalau petuaku. Kamu mesti suijauan ngan idup bedamai sughang ngan diau lain. Mangku Allah ka nyayangi kamu ngan ngenjuakka damai ngan kamu.

IPISUS 6:24

Aku bedu'a, supayau Allah iluak ngan gegalau kamu diau nyayangi Tuhan kitau Yesus Keristus ngan sayang diau nidau ka abis-abis.

3 YUHANIS 1:14

Aku ngaghap nidau lamau agi ka betemu ngan kaba, mangku kitau pacak ngiciak.