IPISUS 4:32 - PEJANJIAN EMPAI CERITAU ILUAK

³² Anyautu kamu mesti iluak, sial, sangi sayangi ngan sangi ma'apka luak Allah ngampuni kamu karnau Keristus.

IPISUS 4:32 Referans Kwoze

MARKUS 11:25

Mangku amun kamu bedu'a, anyautu ati kamu nidau riang ngan sughang jemau, abiskala sala jemautu kudai, supayau Bapak kamu di sergau pulau ngabisi dusau kamu.

2 KURINTUS 2:10

Amun kamu ma'apka sala jemautu, aku ma'apkanyau pulau. Amun aku ma'apka, kalu adau diau mesti kuma'apka, itu kukerjauka di adapan Keristus batan endak kamu.

IPISUS 5:1

Kamu la njadi anak Allah diau disayangiNyau. Karnau itu penaula Diau.

LUKAS 6:35

Anyautu kamu, sayangila musua kamu, iluakla ngan ughangtu. Pinjamkala ngan jangan ngaghapka dibaliakkanyau. Amun luak itu, upa kamu ka besak, mangku kamu ka njadi anak-anak Allah diau Mahatinggi. Karnau Allah iluak ngan jemau diau nidau tau beterimau-kasia, ngan jemau diau ja'at pulau.

LUKAS 6:37

“Jangan kamu ngadili jemau, mangku kamu nidau diadili. Jangan kamu ngukum, mangku kamu nidau diukum. Ampunila jemau, mangku kamu diampuni.

1 KURINTUS 13:4

Jemau diau nyayangi jemau lain ngaligh ngan atiau iluak. Diau nidau sengit, nidau langguak ngan nidau geduak.

LUKAS 17:4

Lagi amun diau mbuat sala ngan kaba tujua kali saghi, mangku tujua kali diau datang njenguak kaba ngan bekatau, ‘Ma'apkala aku, aku la besala,’ kaba mesti ma'apka diau.”

MATIUS 6:12

Ngabiska sala kami, luak kami ngabiska sala jemau ngan kami.

1 YUHANIS 2:12

Aku nulis ngan kamu, ui anak-buaku, bansau dusau kamu la diabiska karnau Keristus.

RUM 12:10

Kamu mesti sangi sayangi luak jemau duau beghading, simbang-cepat sangi regaui.

1 YUHANIS 1:9

Anyautu amun kitau ngaku'i gegalau dusau kitau ngan Allah, Diau ka nepati janjiAu ngan ngerjauka setu diau adil, mangku Diau ka ngabiska dusau kitau ngan mbasua kitau jak di gegalau perembak diau ja'at.

2 KURINTUS 2:7

Mangku mbak kini kamu mesti ma'apka ngan neguaka diau, supayau diau jangan putus aghapan karnau kebingungan igau.

YAKUBUS 5:11

Ughangtu dikiciakka jemau riang, karnau ughangtu beta'an. Kamu la ndengagh kengalighan Ayub ngan la keruan setu diau ahirau dienjuakka Tuhan ngan diau, karnau Tuhan penyayang ngan iluak atiAu.

2 KURINTUS 6:6

Kami nunjuakka kami ambau Allah, bekerjau ngan jujur, bepengertian, ngaligh ngan iluak. Kami bepaut ngan Rua Allah ngan nyayangi nian.

LUKAS 11:4

Ngabiska dusau kami, karnau kami pulau ngabiska bilang jemau diau besala ngan kami. Mangku jangan ngenangka kami dicubaui.”

LUKAS 1:78

Karnau Allah iluak atiAu lagi penyayang, Diau ka datang nyelamatka kitau luak matau-aghi tumbua akap-akapan.

2 PITRUS 1:7

Ta'at ngan Allah ditamba ngan sayang ngan kantin diau suagamau. Sayang ngan kantin kamu ditamba ngan sayang ngan gegalau jemau.

RASUL 28:2

Jemau pulau itu iluak nian ngan kami. Ughangtu ningguakka api besak batan endak kami, karnau aghi ujan lagi dingin.