IPISUS 4:17 - PEJANJIAN EMPAI CERITAU ILUAK

¹⁷ Karnau itu demi namau Tuhan aku mintak nian, supayau kamu jangan agi idup luak jemau diau nidau keruan Allah ngan maju merupuakka setu diau nidau begati.

IPISUS 4:17 Referans Kwoze

RUM 1:21

Manusiau keruan adau Allah, anyautu nidau meregaui Diau ngan nidau beterimau-kasia ngan Diau, empuak Diautu Allah. Anyautu ughangtu merupuakka diau nidau-nidau ngan rupu'an ughangtu lagi bigal lagi buyan.

2 PITRUS 2:18

Ughangtu muji diriau ngan kici'an bigal. Ngan serilau diau nidau senangaian ughangtu mikati jemau diau empai bibas jak di guak jemau diau idupau sesat.

KULUSI 2:4

Aku ngiciakka titu, supayau kamu jangan dicalu'i jemau diau pacak ngiciak.

1 PITRUS 1:18

Kamu keruan, bansau kamu la ditebus jak di idup diau nidau begunau diau kamu bulia jak di niniak puyang kamu. Bayighan batan endak kamu ukan emas ngan pirak diau pacak lengit regaunyau,

RASUL 20:21

Empuak jemau Yahudi empuak jemau Yunani aku maju ngingatka nian, supayau ughangtu ngubai peremba'au, datang ngan Allah ngan percayau ngan Tuhan kitau Yesus Keristus.

RASUL 18:5

Silas ngan Timutius la sampai jak di Makedunia, kerjau Paulus cuman ngiciakka ceritau jak di Allah ngan jemau Yahudi, mbak bansau Yesus itula Mesias, Rajau Penyelamat itu.

RASUL 14:15

“Ui, kapu dighi. Ngapau kapu dighi ngerjauka ini? Kamini pulau manusiau luak kapu dighi. Kami ke sini endak ngiciakka ceritau iluak ngan kapu dighi, supayau kapu dighi ninggalka kerjau diau nidau begunau ini, mangku datang njenguak Allah diau idup, diau njadika langit ngan deniau, laut ngan gegalau isiau.

2 TIMUTIUS 4:1

Yesus Keristus ka datang agi ke deniau endak ngadili jemau diau idup ngan diau mati. Diau ka datang endak merinta luak rajau. Karnau itu aku mintak nian ngan kaba di adapan Allah ngan Yesus Keristus,

1 TIMUTIUS 6:13

Mangku mbak kini di adapan Allah diau ngidupka gegalaunyau ngan di adapan Yesus Keristus diau ngaku'i ceritau diau benagh di mukau Puntius Pilatus, aku ngajung kaba nian,

1 TIMUTIUS 5:21

Di adapan Allah ngan Yesus Keristus ngan malaikat diau suci aku mintak nian, supayau kaba nuruti petua ini ngan jangan nyalaka jemau, amun lum ngeruani nian. Jangan milia rupau.

1 TESALUNIKA 4:6

Jangan sughang kia mbuat ja'at ngan jemau ngan nipukanyau. Senitu la kami kiciakka nian ngan kamu, bansau Tuhan ka ngukum jemau diau ngerjauka titu.

KULUSI 2:18

Jangan enangka kamu dirugika jemau nerimau hak kamu. Jemautu cak ngensian, cak alim ngan nyemba malaikat. Jemautu geduak, karnau rupu'annyau rupu'an deniau. Diautu nganggap diriau lebia, karnau adau pengina'an.

IPISUS 4:22

Karnau itu capakkala manusiau lamau ngan carau idup senitu diau dirusakka serilau diau sesattu.

IPISUS 1:22

Gegalaunyautu la ditunduakka ngan kuasau Keristus, mangku Diau dijadika kepalak gegalau jemau Keristen.

GALATIA 5:3

Lagi kukiciakka ngan kamu. Bilang jemau diau mintak disunat wajib nuruti gegalau ukum Taurat.

GALATIA 3:17

Diau endak kukiciakka di sini: Janji Allah la disahka senitu. Ukum Taurat empai dienjuakka empat ratus tigau pulua taun udim itu. Ukumtu nidau pacak mbatalka ngan ngabiska janji itu.

2 KURINTUS 9:6

Ingatkala, jemau diau nanamka benia dikit ka dikit pulau dapat asilau. Jemau diau nanamka banyak benia ka banyak pulau asilau.

1 KURINTUS 15:50

Diau endak kukiciakka ngan kamu luak ini: Badan diau dijadika jak di dagha ngan daging nidau pacak bulia bada di sergau, mangku badan diau ka busuaktu nidau pacak idup selelamaunyau.

1 KURINTUS 1:12

Inila diau kukiciakka: Adau diau ngatauka, “Aku ngikut Paulus,” adau diau lain agi bekatau, “Aku ngikut Apulus,” adau agi diau bekatau, “Aku ngikut Pitrus,” mangku adau pulau diau bekatau, “Aku ngikut Keristus.”

RASUL 2:40

Luak itula Pitrus ngiciak ngan ughangtu. Mangku ngan banyak katau lain diau ngajung ughangtu nian, supayau njawuaka diriau jak di jemau ja'attu diau ka diukum Allah.

LUKAS 16:28

Adau limau beghading agi di ghuma. Ajungka Lasarus ngingatka ughangtu, supayau jangan masuak ke bada sengsarau ini.’