IPISUS 3:8 - PEJANJIAN EMPAI CERITAU ILUAK

⁸ Jak di umat Allah diau inau akuni diau inau sekali. Anyautu Allah la nunjuakka keilu'anNyau ngan aku. Diau pulau ngenjuakka ngan aku kerjau iluaktu endak ngiciakka ngan jemau ukan Yahudi ceritau iluak ngiciakka keilu'an Yesus Keristus diau nidau ka abis-abis.

IPISUS 3:8 Referans Kwoze

KULUSI 1:27

Allah endak, supayau ughangtu keruan ceritau diau diresiaukaNyautu iluak ngan agung nian batan endak gegalau manusiau. Resiaunyau ini: Keristus adau di ati kamu, mangku kamu adau aghapan bulia ngikut meghasauka keagunganNyau.

1 KURINTUS 15:9

Akuni rasul diau nidau nian bereti jak di rasul lain, karnau aku nyaraui umat Keristen.

IPISUS 3:16

Aku bedu'a, supayau Allah diau kayau ngan agung sekali neguaka ati kamu ngan RuaHau.

IPISUS 2:7

Allah ngerjauka titu, supayau masau diau ka datang manusiau pacak nginak keilu'an ati Allah diau dinyatauka ngan kitau karnau Yesus Keristus.

1 TIMUTIUS 2:7

Batan endak itula aku dipilia njadi rasul endak ngiciakka ceritau iluak ngan jemau ukan Yahudi ngan ngajagh ughangtu percayau ngan ceritau benaghtu. Kataukuni benagh, aku nidau mbu'ung.

1 TIMUTIUS 1:13

Empuak senitu aku madakka, nganiayau ngan nggelakka Diau, aku la disialkaNyau, karnau masau itu aku lum percayau, mangku nidau keruan setu diau kukerjaukatu.

GALATIA 1:16

Allah nyatauka Ana'Au ngan aku, supayau ceritau Ana'Autu pacak kukiciakka ngan jemau bangsau lain. Masau itu aku nidau mintak pendapat ngan sughang kiala.

RUM 11:33

Alaka kayau nian ngan bepengertian nian Allah ngan ngeruani gegalaunyau. Nidau sughang kiala pacak ngeruani rencanauNyau. Nidau sughang kiala pacak ngeruani carauNyau.

RUM 2:4

Apu kamu nganggap mura karnau Allah iluak, ngaligh ngan lambat ngukum? Cengki kamu keruan, bansau Allah iluak karnau Diau endak, supayau kamu ngubai jak di dusau-dusau kamu.

2 TIMUTIUS 1:11

Endak ngiciakka ceritau iluak itu Allah milia aku njadi rasul ngan guru.

IPISUS 3:19

Mangku kamu meghasauka sayang itu, empuak nidau pacak dikeruani rupu'an manusiau. Mangku kamu dibimbingAu idup menau carau Allah,

1 KURINTUS 2:9

Luak itula diau ditulis dalam Injil, “Setu diau nidau kekela dikinak ngan didengagh manusiau, ngan nidau pulau kekela dirupuakka manusiau, titu disediauka Allah batan endak jemau diau nyayangiNyau.”

RUM 12:10

Kamu mesti sangi sayangi luak jemau duau beghading, simbang-cepat sangi regaui.

RASUL 5:41

Rasul itu pegi jak di pengadilantu ngan riang, karnau pantas sengsarau karnau namau Yesus.

PENGINA'AN 3:18

Karnau itula aku negughi kaba, supayau kaba mbeli jak di Aku emas diau asli, la diuji dalam api, mangku kaba njadi kayau. Mangku belila pulau baju putia, supayau kaba makaiau, mangku jangan kina'an kaba telanjang diau malukatu. Mangku belila pulau minyak batan endak mbasua matau kaba, mangku kaba pacak nginak.

1 TIMUTIUS 1:15

Nyela nian kici'an ini ngan pantas diterimau nian, “Yesus Keristus datang ke deniau endak nyelamatka jemau bedusau.” Mangku jak di ughangtu aku diau paling bedusau ngan ja'at sekali.

RASUL 9:15

Katau Tuhan, “Pegila ajau, karnau Aku la milia diau bekerjau batan endak Aku, ngiciakka Aku ngan bangsau-bangsau ngan rajaunyau ngan jemau Israil pulau.

PILIPI 4:19

Allah diau kusemba kayau kematila. Diau ka ngenjuakka ngan kamu gegalaunyau diau kamu mesti gunauka karnau Yesus Keristus.

GALATIA 2:8

Allah njadika Pitrus rasul batan endak jemau besunat. Diautu pulau njadika aku rasul batan endak jemau nidau besunat.

PILIPI 2:3

Jangan bekerjau ndalak kepentingan diri kamu ngan mintak dipuji. Anyautu kamu mesti ngensian ngan nganggap pentingla jemau sangkan kamu.

IPISUS 3:2

Cengki kamu la ndengagh, bansau Allah la nugaska aku bekerjau batan endak kamu karnau keilu'an atiAu.

1 KURINTUS 1:30

Kamu seghundak ngan Keristus karnau Allah. Kitau bepengertian karnau Keristus. Diautu mbenaghka kitau ngan njadika kitau umat Allah ngan mbibaska kitau.

YUHANIS 1:16

Keilu'anNyau la banyak tegalau. Kitau maju meghasaukanyau.

IPISUS 3:1

Itula sebapau akuni, Paulus, dijilka karnau Yesus Keristus batan endak kepentingan kamu diau ukan jemau Yahudi.

LUKAS 14:22

Udim dikerjauka, anak-buahau ngiciakka ngan tuanau, ‘Tuan, diau diperintaka dighi la kami kerjauka, anyautu gi adau bada.’