IPISUS 3:10 - PEJANJIAN EMPAI CERITAU ILUAK

¹⁰ Diau ngerjauka titu, supayau mbak kini jak di jemau Keristen gegalau pengulu ngan penguasau di awang-awang ka ngeruani gegalau pengertian Allah.

IPISUS 3:10 Referans Kwoze

1 PITRUS 1:12

Ngan nabi-nabi itu la dikiciakka, bansau setu diau ughangtu kerjauka ukan batan endak kepentingan ughangtula, tapitu batan endak kamu. Setu diau kamu dengagh mbak kini jak di jemau diau ngiciakka ceritau iluak nceritauka Yesus Keristus. Ughangtu ngiciakka itu ngan kamu ngan kuasau Rua Allah diau dienjuakka jak di sergau. Malaikat-malaikat pulau endak ngeruani ceritau diau dikiciakka ughangtu.

IPISUS 6:12

Kitau bejuang ukan melawan manusiau, anyautu melawan kekuatan iblis diau nguasaui masau diau ja'at ini. Kitau melawan kekuatan rua ja'at diau nguasaui awang-awang.

1 KURINTUS 2:7

Pengertian diau kukiciakkatu pengertian jak di Allah. Pengertiantu nidau dikeruani deniau. Allah la nyediaukanyau batan endak keriangan kitau, antak ka deniau dijadikaNyau.

RUM 11:33

Alaka kayau nian ngan bepengertian nian Allah ngan ngeruani gegalaunyau. Nidau sughang kiala pacak ngeruani rencanauNyau. Nidau sughang kiala pacak ngeruani carauNyau.

IPISUS 1:21

Besak tegalau kuasau Keristustu sangkan gegalau kuasau pemerinta, penguasau, pengulu, tuan ngan sapau kila diau bepangkat tinggi, empuak masau mbak kini empuak masau diau ka datang.

IPISUS 1:3

Tepujila Allah, Bapak Tuhan kitau Yesus Keristus! Diau la ngenjuakka ngan kitau gegalau keilu'an jak di sergau, karnau kitau seghundak ngan Keristus.

1 KURINTUS 1:24

Batan endak jemau diau la dipilia Allah, empuak jemau Yahudi empuak jemau ukan Yahudi, ceritau itu nyatauka kuasau Allah ngan pengertian Allah.

1 PITRUS 3:22

ngan la nayiak ke sergau. Mbak kini Diau duduak di sebela kanan Allah ngan merinta gegalau malaikat ngan penguasau ngan rua.

KULUSI 1:16

Allah ngajung Diautu njadika gegalaunyau diau adau di sergau ngan di deniau, empuak diau kina'an empuak diau nidau kina'an, lagi pulau gegalau rua diau bekuasau ngan merinta. Gegalaunyautu dijadika karnau Keristus batan endak Keristus.

1 TIMUTIUS 3:16

Agung nianan resiau agamau kitau, Diau ngancakka diriAu ngan rupau manusiau, dibenaghka Rua Allah, dikinak malaikat-malaikat, dikiciakka ngan bangsau-bangsau diau nidau keruan Allah, dipercayaui di gegalau deniau, diangkat ke sergau bada diau agung.

IPISUS 1:8

Allah iluak ngan kitau, karnau Diau keruan gegalaunyau ngan bepengertian nian.

RUM 8:38

Aku yakin, di gegalau deniau nidau bediau diau pacak ngalangi Allah nyayangi kitau, empuak mati, empuak idup, empuak malaikat, empuak penguasau, empuak masau mbak kini, empuak masau diau ka datang,

IPISUS 1:23

Ughangtu umpamau badan Keristus, la disempernauka Keristus diau nyempernauka gegalaunyau.

KULUSI 2:10

Mangku karnau kamu idup seghundak ngan Keristus, kamu dienju'i idup ngenianau. Keristusla kepalak gegalau rua diau bekuasau ngan merinta.

KULUSI 2:15

Diau la mbuat gegalau rua diau bekuasau ngan merinta nidau bekuasau agi. Ruatu dijadikaNyau tuntunan gegalau jemau, masau Diau nggiring ruatu njadi kawalan karnau menang.