IPISUS 2:10 - PEJANJIAN EMPAI CERITAU ILUAK

¹⁰ Kitauni buatan Allah, mangku karnau seghundak ngan Keristus, kitau dijadika endak ngerjauka setu diau iluak diau la disediaukaNyau sebelumau, supayau kitau ngerjaukanyau.

IPISUS 2:10 Referans Kwoze

PILIPI 2:13

Allahtu maju bekerjau dalam ati kamu, mangku kamu sukau ngan pacak ngerjauka kenda'Au.

KULUSI 1:10

Mangku kamu pacak idup nurut kendak Allah ngan maju melemakka atiAu, mangku ngan tuapau kila kamu pacak ngerjauka diau iluak ngan tamba ngeruani setu diau benagh ceritau Allah.

IBRANI 13:21

Aku bedu'a, supayau Allah ngajung Yesus Keristus ngerjauka di kitau setu diau melemakka atiAu. Tepujila Diau selelamaunyau! Amin.

2 KURINTUS 5:17

Amun jemau la seghundak ngan Keristus, diau njadi manusiau empai. Idup diau lamau nidau bediau agi, gegalaunyau la njadi empai.

2 KURINTUS 9:8

Allah bekuasau ngenjuakka ngan kamu setu diau iluak banyak tegalau, mangku setu diau kamu enda'au maju adau galau, lagi ka lebia batan endak bebuat lebia iluak agi.

IPISUS 4:24

Kamu mesti njadi manusiau empai diau dijadika nurut gambaran Allah mangku idup ngan carau diau benagh ngan beresia.

PILIPI 1:6

Allah la mulai ngerjauka diau iluak di ati kamu. Mangku aku percayau nian, Diau ka neruska kerjauNyau diau iluaktu enggut udim, masau Yesus Keristus datang.

2 TIMUTIUS 3:17

Mangku bilang jemau Keristen didandani batan endak gegalau kerjau diau iluak.

IPISUS 4:1

Itula sebapau, aku sughang kawalan diau dikawalka karnau bekerjau batan endak Tuhan. Mangku aku mintak nian, supayau kamu diau la dipilia Allah idup sesuai ngan piliantu.

2 TIMUTIUS 2:21

Jemau diau mberesiaka diriau jak di kerjau diau ja'at njadi luak dandanan diau alap. Diau ka pantas digunauka tuanau batan endak gegalau kerjau diau penting.

TITUS 2:14

Diautu la nyeraka diriAu batan endak kitau endak nyelamatka kitau jak di gegalaunyau diau ja'at. Diautu njadika kitau umatAu diau beresia diau njadi ha'Au ngan rajin ngerjauka diau iluak.

IPISUS 1:4

Antak ka deniauni dijadika, Allah la milia kitau, supayau kitau beresia ngan nidau becacat di adapanNyau. Karnau Diau nyayangi kitau,

1 TIMUTIUS 6:18

Ingatkala jemau, supayau kayau ngan kerjau iluak, mura nulung jemau ngan galak ngenjuak.

TITUS 3:14

Jemau kitau mesti belajagh maju ngerjauka setu diau iluak, supayau pacak ncukupi setu diau enda'au diau penting. Mangku idup ughangtu begunau.

IBRANI 10:24

Mela kitau sangi peratika, mangku kitau sangi ingatka endak ngerjauka diau iluak ngan sangi sayangi.

TITUS 3:8

Kici'an itu benagh. Mangku aku endak, supayau kaba nekanka kici'antu, mangku jemau diau la percayau ngan Allah beusaha nian ngerjauka setu diau iluak. Itula diau iluak ngan begunau batan endak gegalau jemau.

KULUSI 3:10

Mbak kini kamu la adau idup empai. Kamu manusiau empai diau maju diempaika njadi luak gambaran Allah, mangku kamu keruan Allah luak Diau sebenaghau.

TITUS 2:7

Mangku kaba mesti ngerjauka kerjau diau iluak batan penauan. Kaba mesti ngajagh ngan jujur ngan ngenianau.

1 KURINTUS 3:9

Kamini semegi ajau bekerjau batan endak Allah. Kamuni umpamau umau Allah, kamu pulau umpamau ghuma Allah.

1 PITRUS 2:12

Carau idup kamu di guak jemau diau nidau keruan Allah mesti iluak nian. Mangku amun ughangtu ngiciakka kamu jemau ja'at, ughangtu maju nginak perembak kamu diau iluaktu, mangku ughangtu ka muji Allah masau Tuhan datang.

TITUS 3:1

Ingatkala jemau Keristen, supayau tunduak ngan pemerinta ngan jemau diau bekuasau. Ughangtu mesti ta'at ngan sukau ngerjauka gegalaunyau diau iluak.

1 YUHANIS 2:6

Jemau diau bekatau, bansau diau idup seghundak ngan Allah, jemautu mesti menau Keristus.

MATIUS 5:16

Luak itu pulau terang kamu mesti besinagh di guak jemau, supayau ughangtu nginak perembak kamu diau iluak, mangku ngagungka Bapak kamu di sergau.”

YUHANIS 3:21

Anyautu jemau diau ngerjauka kendak Allah njenguak terang, mangku tenyatau setu diau dikerjaukanyautu dikerjaukanyau nurut kendak Allah.”

RUM 8:29

Karnau bilang jemau diau la dipilia Allah jak di senitu pulau la ditetapka endak njadi semegi ngan Ana'Au Yesus Keristus, mangku Ana'Autu njadi diau tuau jak di ading-beghadingAu.

RASUL 9:31

Mangku jemau percayau di gegalau Yudia, Galilia ngan Samaria njadi tenang. Rua Allah nulung ughangtu njadi kuat ngan tamba banyak, karnau ughangtu idup takut ngan Tuhan.

2 KURINTUS 5:5

Allah nyediauka kitau batan endak itu, mangku Diau ngenjuakka RuaHau ngan kitau njadi jaminan gegalaunyau diau la disediauka batan endak kitau.

1 TIMUTIUS 5:25

Luak itu pulau kerjau diau iluak cepat kina'an, mangku diau nidau mura kina'an nidau pulau pacak maju tebuni.

1 TIMUTIUS 2:10

Jemau tinau mesti ndandani diriau ngan perembak diau iluak, diau pantas ngan jemau tinau diau endak ta'at ngan Allah.

1 TIMUTIUS 5:10

Randautu mesti tekenal ngerjauka kerjau diau iluak, misalau mbesakka ana'au ngan iluak, riang nerimau menda di ghumahau, mbasua keting jemau diau percayau, nulung jemau diau nanggung ngan ngerjauka nian gegalau kerjau diau iluak.

1 YUHANIS 1:7

Anyautu amun kitau idup dalam terang, luak Allah adau dalam terang, kitau idup suijauan sughang ngan diau lain, mangku dagha Yesus, Ana'Au, mbasua kitau jak di gegalau dusau.

RASUL 9:36

Di Yupi adau sughang tinau jemau percayau, benamau Tabita. Basau Yunani itu Durkas, retiau ghusau. Diau maju ngerjauka setu diau iluak, nulungi jemau serik.

GALATIA 6:15

Apu disunat apu nidau besunat nidau penting. Diau penting itu njadi manusiau empai.

RUM 8:1

Mbak kini jemau diau idup seghundak ngan Yesus Keristus nidau agi diukum selelamaunyau,

IPISUS 2:2

Masau itu kamu nuruti carau deniau. Kamu ta'at ngan penguasau diau adau di awang-awang, diautu rua diau mbak kini nguasaui ati jemau diau nidau ta'at ngan Allah.

IPISUS 1:1

Jak di aku, Paulus, diau dijadika rasul Yesus Keristus karnau kendak Allah batan endak jemau di Ipisus diau percayau ngan Yesus Keristus.

IPISUS 2:6

Mangku kitau seghundak ngan Yesus Keristus. Karnau itu Allah ngidupka kitau agi, mangku Diau ngenjuakka ngan kitau bada di sergau endak merinta ngan Diau.

IPISUS 2:13

Anyautu mbak kini kamu la seghundak ngan Keristus, mangku kamu diau senitu jawua ngan Tuhan mbak kini la dipasighka, karnau Keristus mati batan endak kamu.

IPISUS 2:15

Mangku ukum Taurat ngan gegalau perintahau diabiska Keristus, mangku duau bangsau itu njadi manusiau empai karnau seghundak ngan Keristus. Ngan carau luak itu Diau ndamaika ughangtu.