IPISUS 1:7 - PEJANJIAN EMPAI CERITAU ILUAK

⁷ Karnau Keristus la mati njadi kerban, mangku kitau dibibaska, retiau dusau kitau diabiska, karnau Diau nyayangi kitau nianan.

IPISUS 1:7 Referans Kwoze

1 PITRUS 2:24

Keristus itula diau nanggungka dusau kitau di kayu salip, supayau kitau bibas jak di kuasau dusau mangku idup nurut kendak Allah. Kamu la ghadu karnau lukau Keristustu.

RUM 3:24

Karnau keilu'an Allah ughangtu dibenaghka Allah. Nidau bediau bayighan, dienjuakka ajau, karnau Yesus Keristus la nebusau.

KULUSI 1:14

Karnau Diau kitau la ditebus, retiau dusau kitau la diabiska.

IBRANI 9:22

Nurut ukum Taurat ampir gegalaunyau diberesiaka ngan dagha. Mangku dusau cuman pacak diabiska, amun adau dagha ditumpaka.

MATIUS 26:28

Inila daghaKu diau neguaka janji Allah. Dagha itu ditumpaka batan endak ngampuni dusau banyak jemau.

PENGINA'AN 5:9

Ughangtu benyanyi nyanyika nyanyian empai, kataunyau, “Dighi pantas ngan behak nerimau gulungan kitabtu ngan mbukak sigilau, karnau Dighi la disembelia. Mangku ngan dagha Dighi jemau jak di gegalau jungku, basau, pemili ngan bangsau la dibeli batan endak Allah.

1 YUHANIS 2:12

Aku nulis ngan kamu, ui anak-buaku, bansau dusau kamu la diabiska karnau Keristus.

PILIPI 4:19

Allah diau kusemba kayau kematila. Diau ka ngenjuakka ngan kamu gegalaunyau diau kamu mesti gunauka karnau Yesus Keristus.

IPISUS 2:7

Allah ngerjauka titu, supayau masau diau ka datang manusiau pacak nginak keilu'an ati Allah diau dinyatauka ngan kitau karnau Yesus Keristus.

1 KURINTUS 1:30

Kamu seghundak ngan Keristus karnau Allah. Kitau bepengertian karnau Keristus. Diautu mbenaghka kitau ngan njadika kitau umat Allah ngan mbibaska kitau.

IPISUS 3:16

Aku bedu'a, supayau Allah diau kayau ngan agung sekali neguaka ati kamu ngan RuaHau.

2 KURINTUS 8:9

Kamu keruan, bansau kitau disayangi Yesus Keristus, Tuhan kitau. Empuak Diau kayau, Diau njadi serik batan endak kamu, mangku kamu njadi kayau karnau keserikanNyautu.

RUM 2:4

Apu kamu nganggap mura karnau Allah iluak, ngaligh ngan lambat ngukum? Cengki kamu keruan, bansau Allah iluak karnau Diau endak, supayau kamu ngubai jak di dusau-dusau kamu.

1 YUHANIS 2:2

Karnau Yesus Keristus njadi kerban, mangku dusau kitau pacak diabiska. Ukan dusau kitau ajau, tapitu pulau dusau gegalau umat manusiau.

TITUS 2:14

Diautu la nyeraka diriAu batan endak kitau endak nyelamatka kitau jak di gegalaunyau diau ja'at. Diautu njadika kitau umatAu diau beresia diau njadi ha'Au ngan rajin ngerjauka diau iluak.

RASUL 2:38

Pitrus nimbal, “Ubaila perembak kapu dighi jak di dusau ngan mintak dibaptis ngan namau Yesus Keristus, mangku dusau kapu dighi diabiska, mangku kapu dighi ka dienju'i Rua Allah.

MATIUS 20:28

Semegi luak Anak Manusiau pulau datang ukan endak ditulung, tapitu endak nulung mangku ngenjuakka nyawauNyau njadi tebusan batan endak banyak jemau.”

1 YUHANIS 4:10

Luak inila kitau keruan, bansau Allah nyayangi kitau nian: Ukan kitau diau la nyayangi Allah, tapitu Allah la nyayangi kitau ngan ngajung Ana'Au, supayau dusau kitau pacak diabiska karnau Diau.

RASUL 20:28

Jagauila diri kapu dighi ngan jagauila pulau gegalau jemau Keristen diau la dipercayauka Rua Allah ngan kapu dighi, supayau dijagaui, karnau kapu dighi la dijadika tukang sayia jemau Keristen. Allahtu diau njadika ughangtu hak Allah, karnau Ana'Autu la mati batan endak ughangtu.

1 PITRUS 3:18

Keristustu mati sekali batan endak dusau manusiau, jemau diau nidau besala batan endak jemau besala. Keristus ngerjauka titu, supayau Diau pacak mbimbing kamu njenguak Allah. Diautu la dibunua masau njadi manusiau, tapitu la diidupka agi nurut rua.

IPISUS 3:8

Jak di umat Allah diau inau akuni diau inau sekali. Anyautu Allah la nunjuakka keilu'anNyau ngan aku. Diau pulau ngenjuakka ngan aku kerjau iluaktu endak ngiciakka ngan jemau ukan Yahudi ceritau iluak ngiciakka keilu'an Yesus Keristus diau nidau ka abis-abis.

RASUL 10:43

Gegalau nabi pulau ngiciakka ceritau Diau. Ughangtu bekatau, mbak bansau gegalau jemau diau percayau ngan Yesus ka diabiska dusaunyau karnau Diau.”

YUHANIS 20:23

Amun kamu ngabiska dusau jemau, dusaunyau ka abis. Amun kamu nidau ngabiska dusau jemau, dusaunyau nidau ka abis.”

MARKUS 14:24

Katau Yesus, “Inila daghaKu diau neguaka janji Allah, diau melilia batan endak banyak jemau.

TITUS 3:6

diau la dienjuakkaNyau galau ngan kitau karnau Yesus Keristus, Rajau Penyelamattu.

1 TIMUTIUS 2:6

Diau la nyeraka diriAu endak mbibaska gegalau jemau jak di dusau. Luak itu Allah mbuktika masau diau tepat, bansau Diau endak, supayau gegalau jemau diselamatka.

KULUSI 2:13

Senitu kamu luak mati, karnau kamu jemau bedusau ngan nidau keruan ukum Allah. Mbak kini kamu la diidupka Allah seghundak ngan Keristus ngan gegalau dusau kitau la diabiskaNyau.

KULUSI 2:2

Aku ngerjauka titu, supayau ughangtu diteguaka ngan sangi sayangi, mangku ughangtu besatu. Ngan carau luak itu ughangtu ngerti nian ngan yakin ngan ngeruani resiau Allah, diautu Keristus.

KULUSI 1:27

Allah endak, supayau ughangtu keruan ceritau diau diresiaukaNyautu iluak ngan agung nian batan endak gegalau manusiau. Resiaunyau ini: Keristus adau di ati kamu, mangku kamu adau aghapan bulia ngikut meghasauka keagunganNyau.

IPISUS 2:4

Anyautu Allah iluak nianan ngan kitau. Karnau Diau sayang tegalau,

RUM 9:23

Allah pulau endak nunjuakka keagungan ngan kekayauan diau nidau abis-abis ngan kitau diau disayangiNyau, kitau diau la disediauka endak diagungka,

RASUL 3:19

Karnau itu ubaila perembak ngan dusau kapu dighi, datangla ngan Allah, mangku dusau kapu dighi diabiskaNyau.

LUKAS 24:47

Ngan pulau, ‘Atas namau Rajau Penyelamat itu arus dikiciakka ngan gegalau bangsau, bansau manusiau mesti ngubai jak di dusaunyau, mangku Allah endak ngabiska dusaunyau.’ Ceritau itu dikiciakka mulai jak di Yerusalim.

LUKAS 1:77

Kaba diajung ngiciakka ngan umatAu, bansau ughangtu ka diselamatka, karnau Allah ka ngabiska dusau-dusaunyau.

PENGINA'AN 14:4

Ughangtu jemau diau nidau ncampur ngan tinau, masia beresia luak perawan. Ughangtu ngikut Anak Bebiritu ke manau kila Diau pegi. Ughangtu ditebus jak di manusiau njadi luak tandau beterimau-kasia diau dulu sekali dienjuakka batan endak Allah ngan Anak Bebiritu.

IPISUS 1:6

Mangku Allah dipuji karnau keilu'anNyau diau agungtu diau dienjuakka ngan kitau karnau Ana'Au Yesus Keristus diau disayangiNyau.

MATIUS 6:12

Ngabiska sala kami, luak kami ngabiska sala jemau ngan kami.

RUM 3:25

Yesus Keristus itula la ditetapka Allah batan endak mati, mangku manusiau pacak seilu'an ngan Allah, amun percayau. Allah ngerjauka titu endak nyatauka, bansau Diautu adil. Senitu Allah ngaligh ngan jemau bedusau, mangku lum diukum.

IPISUS 1:8

Allah iluak ngan kitau, karnau Diau keruan gegalaunyau ngan bepengertian nian.

IPISUS 1:14

Rua itula njamin kitau ka nerimau setu diau la dijanjika Allah ngan umatAu. Mangku kitau yakin, bansau kitau ka ditebus nian ngan dijadikaNyau umatAu, supayau Allah dipuji karnau keagunganNyau.

IPISUS 1:18

Aku mintak, supayau Diau mbukakka rupu'an kamu, mangku kamu ngerti setu diau kamu aghapka jak di Allah diau milia kamu. Mangku kamu keruan, bansau Allah kayau nian ngan serbau diau iluak diau disediaukaNyau batan endak umatAu.