IBRANI 9:8 - PEJANJIAN EMPAI CERITAU ILUAK

⁸ Ngan carau luak itu Rua Allah nyatauka, bansau jalan masuak ke bada diau Mahasucitu lum tebukak, selamau bada sebela mukau kimatu gi adau.

IBRANI 9:8 Referans Kwoze

YUHANIS 14:6

Katau Yesus, “Akunila jalan ngeruani Allah ngan idup nian. Nidau sughang kia diau pacak njenguak Bapak, amun nidau karnau Aku.

IBRANI 3:7

Mangku luak la dikiciakka Rua Allah, “Amun kamu ndengagh suarau Allah mbak kini,

IPISUS 2:18

Karnau Keristus mangku gegalau kitau, empuak jemau Yahudi empuak ukan jemau Yahudi, pacak ngadapi Allah karnau Rua diau semegi.

2 PITRUS 1:21

karnau nidau kekela nabi ngiciakka titu ngan kenda'au sendighi. Anyautu ughangtu dikuasaui Rua Allah mangku ngiciakka katau jak di Allah.

IBRANI 9:3

Bagian dalam di baling tabir adau bada diau dikiciakka Bada Mahasuci.

GALATIA 3:8

Jak di senitu kitab Injil la keruan, bansau Allah mbenaghka jemau diau ukan Yahudi karnau percayau ngan Diau. Ceritau iluak itu la dikiciakka senitu ngan Abraham ngan janji ini, “Karnau kaba, Allah ka iluak ngan gegalau bangsau.”

YUHANIS 10:9

Akuni umpamau duaghau. Jemau diau masuak jalan Aku ka selamat, diau masuak ngeluagh mangku bulia makanan.

RASUL 28:25

Mangku pendapat ughangtu nidau semegi. Antak ka ughangtu pegi jak di situ, Paulus ngiciak luak ini, “Nyela nian, katau Rua Allah diau dikiciakka nabi Yesaya ngan niniak puyang kapu dighi.

YUHANIS 10:7

Mangku Yesus ngiciak agi, katauNyau, “Keruanila ini: Akuni umpamau duaghau masuak sangkaran bebiri itu.

IBRANI 10:15

Ceritau itu la dikiciakka Rua Allah ngan kitau, katauNyau,

LUKAS 1:80

Anak Sakaria itu tamba besak tamba kuat wata'au. Mangku diau mendam di padang bungin enggut sampai masaunyau diau nyatauka diriau ngan jemau Israil.