IBRANI 8:10 - PEJANJIAN EMPAI CERITAU ILUAK

¹⁰ “Mangku inila janji diau Kujanjika ngan umat Israil,” katau Tuhan, “Masaunyau ka sampai, Aku ka mbuat ughangtu maju merupuakka perintaKu, mangku ati ughangtu ka maju ngingatkanyau. Aku ka njadi Allah ughangtu, mangku ughangtu ka njadi umatKu.

IBRANI 8:10 Referans Kwoze

2 KURINTUS 3:3

Mangku la nyatau, bansau kamu surat Keristus diau ditulis karnau kerjau kami. Surat itu ukan ditulis ngan dawat, tapitu ngan Rua Allah diau idup, ukan ditulis di batu, tapitu di ati manusiau.

1 PITRUS 2:9

Anyautu kamunila bangsau diau dipilia, imam-imam diau kerjau batan endak rajau, bangsau diau idup beresia batan endak Allah, umat Allah itula. Allah milia kamu ngan mantau kamu ngeluagh jak di keleman endak masuak terangAu diau besinagh-sinagh, supayau kamu ngiciakka kerjauNyau diau nyeliatu.

RUM 11:27

Aku ka neguaka janjiKuni ngan ughangtu, masau Aku ngabiska dusau ughangtu.”

YAKUBUS 1:21

Karnau itu capakkala gegalaunyau diau nidau iluak ngan ja'at diau banyak nian. Terimaula ngan riang katau Allah dalam ati kamu, karnau katau itu adau kuasau nyelamatka kamu.

TITUS 2:14

Diautu la nyeraka diriAu batan endak kitau endak nyelamatka kitau jak di gegalaunyau diau ja'at. Diautu njadika kitau umatAu diau beresia diau njadi ha'Au ngan rajin ngerjauka diau iluak.

1 PITRUS 1:23

Karnau katau Allah diau idup selelamaunyau kamu la dijadika manusiau empai diau adau ukan karnau manusiau diau ka mati, tapitu karnau Bapak diau selelamaunyau.

YAKUBUS 1:18

Nurut kenda'Autula Diau njadika kitau ngan pirmanAu diau benagh. Diau ngerjauka titu, supayau kitau bulia bada diau iluak sekali jak di gegalaunyau diau la dijadikaNyau.

MATIUS 22:32

‘Aku Allah Abraham, Allah Isak ngan Allah Yakub.’ Allahtu ukan Allah jemau mati, tapitu Allah jemau idup.”

IBRANI 11:16

Anyautu ughangtu meghinduka bada diau lebia iluak, diautu bada diau di sergau. Itula sebapau Allah nidau maluan dikiciakka Allah ughangtu, karnau Allah la nyediauka sutiak kuta batan endak ughangtu.

1 KURINTUS 6:16

Apu kamu endiak keruan, bansau jemau diau nyeghundak ngan tinau ja'at njadi seghundak ngan diau? Dalam Injil la ditulis, “Ughang duautu njadi seghundak.”