IBRANI 13:13 - PEJANJIAN EMPAI CERITAU ILUAK

¹³ Karnau itu mela kitau pegi njenguak Diau di luagh kuta ngikut meghasauka tanggunganNyautu.

IBRANI 13:13 Referans Kwoze

IBRANI 11:26

Musa nganggap beregaula digelakka karnau Rajau Penyelamat diau dijanjika Allahtu sangkan bulia gegalau retau Mesir, karnau diau ngaghapka upa nanti.

RASUL 5:41

Rasul itu pegi jak di pengadilantu ngan riang, karnau pantas sengsarau karnau namau Yesus.

LUKAS 6:22

Riangla kamu, amun kamu diluatka, ditulak, digelakka ngan diburuakka jemau karnau Anak Manusiau.

MATIUS 16:24

Mangku Yesus ngiciak ngan anak-buaHau, katauNyau, “Bilang jemau diau endak ngikut Aku jangan ndalak jalan idup batan endak diau sughang. Diau mesti mikul salipau, mangku maju ngikut Aku.

2 KURINTUS 12:10

Itula sebapau aku riang ngan sukau, amun aku litak. Aku riang, amun aku digelakka, amun adau pekarau ngan setu diau segau karnau Keristus. Karnau amun aku litak, masau itu aku kuat nian.

MATIUS 5:11

Riangla kamu, amun kamu digelakka dianiayau, diburuakka ikak Aku.

IBRANI 12:3

Rupuakkala maju sengsarau Yesustu ngadap jemau bedusau diau melawan Diau ngan luat kematila, mangku kamu nidau tekedan ngan maju adau aghapan.

1 PITRUS 4:4

Mbak kini jemau diau nidau keruan Allah kemangan ngan kamu, karnau kamu nidau agi ngikut carau ughangtu idup luak anjing, mangku kamu digelakka.

MATIUS 27:32

Di tenga jalan ughangtu betemu Simun, jemau Kirini, mangku dipasau mikul salip Yesus.

LUKAS 9:23

Mangku Yesus ngiciak ngan jemau banyak, katauNyau, “Jemau diau endak ngikut Aku jangan ndalak jalan idup batan endak diau sughang. Diau mesti mikul salipau idang aghi, mangku maju ngikut Aku.

IBRANI 12:2

Mela kitau ngerjauka titu ngan maju merupuakka Yesus. Diau itula mbuat kitau percayau, mangku Diautu pulau nulung kitau maju percayau. Yesustu ta'an sengsarau, nidau nyanauka, bansau mati di kayu saliptu setu diau maluka. Diau cuman ngingatka riang diau ka dighasaukaNyau nanti. Mbak kini Diau duduak di sebela kanan Allah.

IBRANI 12:4

Kamu lum bejuang melawan jemau bedusau, lum enggut mati dibunua.