IBRANI 12:15 - PEJANJIAN EMPAI CERITAU ILUAK

¹⁵ Jagauila, supayau jangan adau diau njawuaka diriau jak di keilu'an Allah, supayau jangan adau akagh diau beracun tumbua di guak kamu, mangku nimbul kekacauan ngan merusak banyak jemau karnau racunau.

IBRANI 12:15 Referans Kwoze

IBRANI 3:12

Kantin-kantinku, sepepadaula, supayau di guak kamu jangan adau sughang kiala diau mbuat ja'at ngan nidau percayau mangku ngelipat ninggalka Allah diau idup.

GALATIA 5:4

Amun kamu endak dibenaghka karnau nuruti ukum Taurat, itu mbuktika kamu la beceghai ngan Keristus. Ngan carau luak itu kamu nidau pacak meghasauka keilu'an Allah.

2 KURINTUS 6:1

Kamini sesamau bekerjau ngan Allah, mangku kami mintak nian, supayau jangan kamu mbuat keilu'an ati Allah diau la kamu ghasauka nidau begunau agi.

2 YUHANIS 1:8

Sepepadaula, mangku kamu jangan kelengitan setu diau la kami kerjauka batan endak kamu. Beusahala, mangku kamu nerimau upa gegalaunyau.

1 KURINTUS 15:33

Jangan kamu tetipu! Amun bekantin ngan jemau jedit, itu merusakka perembak diau iluak!

2 PITRUS 3:14

Karnau itu, kantin-kantinku diau kusayangi, penarau nantika gegalaunyautu, beusahala nian, supayau kamu idup beresia ngan nidau becacat di adapan Allah ngan maju idup damai ngan Allah.

IBRANI 4:1

Itula sebapau iluakla kitauni sepepadau, supayau jangan sughang kiala jak di kamu diau ketinggalan, empungan gi adau janji bulia bada gheghadu.

1 KURINTUS 5:6

Nidau pantas kamu langguak. Asauku kamu la keruan, bansau ghagi dikit ngembangka gegalau lejuan.

IBRANI 4:11

Karnau itu mela kitau beusaha bulia bada gheghadutu. Jangan adau diau urung luak ughang senitu ikak nidau ta'at.

2 KURINTUS 13:5

Cubau uji diri kamu, apu kamu ngenian idup percayau ngan Keristus. Cengki kamu ka ngeruani, bansau Yesus Keristus adau di ati kamu, lain amun kamu nidau percayau nian.

1 KURINTUS 10:12

Mangku jemau diau nyangkau diau tegua, sepepadaula, supayau jangan benasau.

IBRANI 6:11

Kami endak supayau bilang kamu maju ngerjaukanyau nian enggut mati, mangku kamu ka nerimau setu diau kamu aghapkatu.

2 PITRUS 2:18

Ughangtu muji diriau ngan kici'an bigal. Ngan serilau diau nidau senangaian ughangtu mikati jemau diau empai bibas jak di guak jemau diau idupau sesat.

KULUSI 3:5

Karnau itu, mandakkala serilau deniau diau adau dalam diri kamu, diautu menaugawia, setu diau nidau senangaian, gegalau serilau diau ja'at ngan selak. Gegalaunyautu semegi ngan nyemba diwau,

IPISUS 5:3

Kamutu umat Allah. Karnau itu jangan kamu menaugawia ngan ngerjauka setu diau nidau senangaian ngan selak. Ngiciakkanyau ajau jangan.

GALATIA 2:13

Mangku jemau Yahudi lainau ngikut perembak diau ca'autu. Barnabas pulau ngikut perembak ughangtu.

1 KURINTUS 13:8

Kasia nidau ka abis. Ngiciakka katau Allah ka udim. Ngiciak basau rua ka mandak. Kepintaran ka lengit pulau.

2 PITRUS 3:11

Amun gegalaunyau ka abis ngan carau luak itu, mangku kamu mesti idup beresia batan endak Allah ajau ngan ta'at ngan Diau,

2 PITRUS 1:10

Karnau itu, kantin-kantinku, beusahala nian, supayau pilian Allah di kamu tamba tegua. Amun kamu ngerjauka titu, kamu nidau ka ngelipat.

LUKAS 22:32

Anyautu Aku la bedu'a batan endak kaba, supayau kaba jangan ninggalka Aku. Mangku amun kaba la ngulang ngikut Aku, kaba mesti nguatka kantin-kantin kaba.”

TITUS 1:15

Gegalaunyau beresia, amun jemau beresia. Anyautu amun jemau diau rupu'annyau kumua, dikit kia nidau bediau diau beresia, karnau rupu'an ngan ati keciak jemautu kumua.