IBRANI 10:12 - PEJANJIAN EMPAI CERITAU ILUAK

¹² Tapitu Keristus cuman ngerbanka kerban sekali ajau endak ngabiska dusau batan endak selelamaunyau. Udim itu Diau duduak di sebela kanan Allah.

IBRANI 10:12 Referans Kwoze

IBRANI 1:3

Di Diautula tekinak keagungan Allah diau besinagh. Gegalau sipat Allah adau di Diau galau. Diautu pulau nyayia gegalaunyau ngan katauNyau diau bekuasau nian. Diautu dipakuka di kayu salip, mangku dusau manusiau pacak diabiska. Udim itu Diau duduak di sebela kanan Allah diau Mahakuasau di bada diau tinggi.

KULUSI 3:1

Kamu la diidupka agi seghundak ngan Keristus. Karnau itu beusahala, mangku bulia setu diau adau di sergau, di bada Keristus duduak di sebela kanan Allah.

RUM 8:34

Apu adau diau pacak nyalaka ughangtu? Nidau bediau! Yesus Keristus la mati, tapitu la diidupka agi jak di mati, la duduak di sebela kanan Allah, mangku Diautu ka mbenaghka ughangtu.

IBRANI 9:12

Diautu masuak ke dalam kimatu di bada diau suci sekali cuman sekali ajau. Masau itu Diau mbatak dagha Diautula, ukan dagha kambing lanang, ukan dagha sapi diau endak dikerbanka. Mangku ngan daghaHautu Diau mbibaska kitau selelamaunyau.

IBRANI 8:1

Inti gegalau kici'an tadi kitau adau Imam Besak diau duduak di sebela kanan Allah diau Mahabesak di sergau.

MARKUS 16:19

La udim Tuhan Yesus ngiciak ngan ughangtu, Diau tuangkat ke sergau. Di situ Diau duduak di sebela kanan Allah.

IPISUS 5:2

Idupla sangi sayangi luak Keristus nyayangi kitau. Diau la nyeraka nyawauNyau batan endak kitau njadi kerban diau iluak ngan melemakka ati Allah.

IBRANI 5:1

Bilang imam besak dipilia jak di guak kantin-kantinau, ditetapka bekerjau batan endak Allah nggentika ughangtu. Tugasau endak ngenjuakka ngan Allah enju'an ngan kerban karnau dusau.

IBRANI 5:3

Diautu mesti ngenjuakka kerban karnau dusau, ukan ajau karnau dusau jemau, tapitu pulau karnau dusaunyautula.

IBRANI 7:27

Diautu nidau luak imam besak lain diau idang aghi bekerban ngan Allah karnau dusaunyau. Udim itu diau ngenjuakka kerban karnau dusau jemau. Yesustu ngenjuakka kerban cuman sekali ajau, masau Diau nyeraka diriAu njadi kerban.

IBRANI 9:14

apau agi dagha Keristus. Karnau Rua diau selelamaunyau Keristus nyeraka diriAu njadi kerban diau nidau becacat batan endak Allah. DaghaHautu mberesiaka ati kitau jak di kerjau diau nidau begati, mangku kitau pacak nyemba Allah diau idup.

IBRANI 10:10

Yesus Keristus la ngerjauka kendak Allah ngan nyeraka diriAutula njadi kerban. Mangku kitau la diberesiaka karnau kerbantu diau dikerbanka cuman sekali ajau.

IBRANI 10:14

Ngan sutiak kerban ajau Keristus la nyempernauka selelamaunyau jemau diau la diberesiaka jak di dusaunyau.