IBRANI 10:1 - PEJANJIAN EMPAI CERITAU ILUAK

¹ Ukum Taurat nggambarka setu diau iluak diau ka datang nanti. Itu cuman gambaran ajau, ukan diau sebenaghau. Idang taun kerban diau semegi maju dikerbanka. Manau ka adau ukum Taurat ngan kerbantu pacak nyempernauka jemau diau endak nyemba Allah.

IBRANI 10:1 Referans Kwoze

IBRANI 8:5

Kerjau imam diau dikerjauka ughangtu sebenaghau cuman mbayangka setu diau adau di sergau. Itu la dikiciakka Allah ngan Musa, masau diau endak negakka kima Tuhan. Katau Allah ngan diau, “Ingatkala, gegalaunyau mesti kaba kerjauka nurut cuntau diau la ditunjuakka ngan kaba di pucuak gunung.”

IBRANI 9:11

Anyautu Keristus la datang njadi Imam Besak batan endak setu diau iluak diau ka datangtu. Kima Tuhan, bada Diau ngerjauka tugasAutu, lebia agung ngan lebia sempernau. Kimatu nidau dibuat manusiau, retiau asalau ukan jak di deniauni.

KULUSI 2:17

Gegalaunyautu bayangan ajau jak di setu diau ka datang, anyautu diau nyatau itu Keristus.

IBRANI 9:23

Gegalaunyautu nggambarka setu diau adau di sergau, mangku mesti diberesiaka ngan carau luak itu tadi. Anyautu setu diau adau di sergau ngan kerban diau lebia iluak jak di itu.

IBRANI 9:25

Idang taun imam besak masuak ke bada diau suci sekali mbatak dagha benatang. Tapitu Keristus masuak ngerbanka diriAu ukan beulang-ulang.

RUM 8:3

Setu diau nidau pacak dikerjauka ukum Taurat karnau kitau manusiau bedusau la dikerjauka Allah. Diau la ngajung Ana'Au datang ke deniau nyerupaui manusiau biasau, njadi kerban batan dusau manusiau, mangku dusau diukum ngan diabiskaNyau.

IBRANI 7:11

Karnau imam-imam Liwi ukum Taurat dienjuakka ngan jemau Israil. Anyautu imamtu nidau pacak ngerjaukanyau ngan sempernau. Karnau itu mesti adau imam lain diau nurut carau imam Melkisidik, ukan jak di rumbungan Harun.

IBRANI 10:22

Karnau itu mela kitau ngadap Allah ngan ati diau sebenagh-benaghau ngan maju percayau, karnau ati kitau la diberesiaka jak di sala kitau, badan kitau la dibasua ngan ayiak diau beresia.