GALATIA 1:1 - PEJANJIAN EMPAI CERITAU ILUAK

^1-2 Batan endak kantin-kantin kami jemau Keristen di perupinsi Galatia. Aku, Paulus, sughang rasul nulis surat ini. Aku njadi rasul ukan karnau dikenda'i manusiau ukan pulau karnau diajung jemau, tapitu karnau kendak Yesus Keristus ngan Allah Bapak diau la ngidupka Diautu jak di mati. Gegalau kantin kitau diau adau seghundak ngan aku bepesan ngan kamu.

GALATIA 1:1 Referans Kwoze

1 KURINTUS 1:1

Jak di Paulus, diau dipilia Allah njadi rasul Yesus Keristus, ngan jak di Sustenis, kantin kitau,

PENGINA'AN 1:5

ngan jak di Yesus Keristus diau nyatauka setu diau pacak dipercayaui. Diautu dulu sekali ngulang idup jak di mati mangku nguasaui rajau-rajau di deniauni. Diautu nyayangi kitau ngan mbibaska kitau jak di dusau karnau daghaHau,

RUM 1:1

Kantin-kantinku di Rum diau disayangi Allah. Aku, Paulus, nulis surat ini. Aku sughang budak Yesus Keristus diau dipilia ngan dijadika rasul mangku ditugaska endak ngiciakka ceritau iluak jak di Allah.

IPISUS 3:8

Jak di umat Allah diau inau akuni diau inau sekali. Anyautu Allah la nunjuakka keilu'anNyau ngan aku. Diau pulau ngenjuakka ngan aku kerjau iluaktu endak ngiciakka ngan jemau ukan Yahudi ceritau iluak ngiciakka keilu'an Yesus Keristus diau nidau ka abis-abis.

TITUS 1:3

Mangku masau diau ditetapkaNyau, Allah nyatauka janjiAu ngan katauNyau. Katau Allahtu la dipercayauka ngan aku, mangku aku ngiciakkanyau, karnau la diajung Allah, Penyelamat kitau.

2 KURINTUS 1:1

Jak di aku, Paulus diau njadi rasul Yesus Keristus karnau kendak Allah, jak di kantin kitau Timutius, batan endak jemau Keristen di Kurintus ngan gegalau jemau percayau diau adau di Akaya.

2 TIMUTIUS 1:1

Jak di aku, Paulus, diau dijadika rasul Yesus Keristus karnau kendak Allah, supayau ngiciakka idup diau dijanjika Allah ngan jemau diau seghundak ngan Yesus Keristus

RUM 10:9

Karnau amun kamu ngaku'i ngan mulut, bansau Yesusla Tuhan, ngan percayau dalam ati, bansau Allah la ngidupka Diau jak di mati, kamu ka selamat.

RASUL 22:10

Mangku aku betanyau agi, ‘Tuapau mesti kukerjauka, Tuhan?’ Katau Tuhan, ‘Betegakla ngan pegila ke Damsik. Di situ nanti ka dikiciakka ngan kaba gegalaunyau diau Allah ajungka ngan kaba.’

RASUL 9:6

Mbak kini betegakla mangku pegi masuak kuta itu. Di situ ka dikiciakka ngan kaba tuapau diau mesti kaba kerjauka.”

PENGINA'AN 2:8

“Ngan malaikat jemau Keristen di Semirna tuliskala luak ini: ‘Inila katau Aku, Aku dulu sekali ngan mendian sekali. Aku la mati mangku ngulang idup.

PENGINA'AN 1:18

Akunila idup. Aku la mati, anyautu kina'ila akuni idup selelamaunyau. Akuni megang kunci kematian ngan bada rua jemau mati.

1 PITRUS 1:21

Karnau Diau kamu percayau ngan Allah diau la ngidupkaNyau jak di mati ngan ngagungkaNyau, mangku kamu percayau ngan ngaghapka Allah itula.

IBRANI 13:20

Allah la ngidupka Yesus, Tuhan kitau, jak di mati. Mangku karnau Diau matitu, Diau njadi tukang sayia kitau diau agung. DaghaHautu pulau ngesahka janji diau dijanjika Allah ngan kitau. Aku bedu'a, supayau Allah diau ngenjuakka damai ndandani kamu ngan serbau diau iluak, mangku kamu pacak ngerjauka kenda'Au.

GALATIA 1:17

Aku nidau pulau pegi njenguak jemau di Yerusalim diau la lamau jak di aku njadi rasul. Anyautu aku pegi ke nenggeri Arab, mangku jak di situ ngulang ke Damsik agi.

RUM 14:9

Keristus la mati ngan idup agi, mangku Diau njadi Tuhan jemau diau mati ngan jemau diau idup.

YUHANIS 20:21

Yesus bekatau agi ngan ughangtu, “Salam damai batan endak kamu! Luak Bapak ngajung Aku, luak itula pulau Aku ngajung kamu.”

YUHANIS 10:30

Aku ngan Bapak gi sughang.”

YUHANIS 5:19

Mangku Yesus ngiciak agi ngan ughangtu, katauNyau, “Nyela nian kici'anKu ini: Anak nidau pacak ngerjauka tuapau-apau ngan kenda'Au sendighi. Diau ngerjauka ajau setu diau dikina'Au diau dikerjauka Bapak, karnau setu diau dikerjauka Bapak, itula pulau dikerjauka Ana'Au.

RASUL 3:15

Luak itula kapu dighi mbunua Diau, awuak Diautu pacak ngenjuakka idup nian ngan jemau. Allah la ngidupka Diau jak di mati. Kamini la ngina'Au mangku ngiciakkanyau.

GALATIA 1:15

Anyautu karnau keilu'an atiAu Allah milia aku, antak ka aku adau mangku ngajung aku bekerjau batan endak Diau.