3 YUHANIS 1:5 - PEJANJIAN EMPAI CERITAU ILUAK

⁵ Kantinku diau kusayangi. Kaba rajin nulungi kantin-kantin kitau jemau Keristen, lagi jemau diau lum kaba keruani kaba tulung pulau.

3 YUHANIS 1:5 Referans Kwoze

GALATIA 6:10

Empungan gi adau masaunyau, mela kitau iluak ngan gegalau jemau, apau agi ngan kantin-kantin seagamau.

KULUSI 3:17

Gegalaunyau diau kamu kerjauka ngan kiciakka kerjaukala dalam namau Tuhan Yesus, sampai beterimau-kasia ngan Allah Bapak karnau Diau.

LUKAS 12:42

Katau Tuhan, “Jadila luak budak diau iluak ngan pacak dipercayaui, mangku diau dijadika tuanau kepalak jak di gegalau buda'au, supayau ngenju'i ughangtu makanan padau masaunyau.

MATIUS 24:45

Katau Yesus agi, “Budak diau manau, diau pacak dipercayaui mangku diau dijadika tuanau kepalak jak di gegalau buda'au, supayau ngenju'i ughangtu makanan padau masaunyau?

RASUL 1:15

Masau itu Pitrus betegak endak ngiciak ngan kantin-kantinau diau dang betunggal itu, kekirau seratus duau pulua ughang. Katau Pitrus,

RUM 12:13

Tulungla kantin diau percayau diau nidau bediau tuapau-apau. Terimaula jemau di ghuma kamu ngan riang.

IBRANI 13:2

Terimaula di ghuma kamu jemau diau lum kecinauan ngan kamu, karnau ngan kerjau luak itu adau jemau nidau keruan la njamu malaikat.

3 YUHANIS 1:3

Aku riang nian, karnau adau jemau datang nceritauka kaba ngan aku, bansau kaba maju idup sebenaghau di adapan Allah, karnau nyela kabatu maju ta'at ngan ajaghan Allah.

3 YUHANIS 1:10

Nanti amun aku datang, aku ka ngakaghka gegalau peremba'au diau la dikerjaukanyautu. Diautu pembu'ung ngan mburuakka kami. Ukan itu ajau, diau pulau enggup nerimau jemau Keristen diau datang, lagi pulau negahi jemau diau endak nerimau ughangtu, mangku ngeluaghka jemau tadi jak di kumpulan jemau Keristen.

MATIUS 25:16

Anak-bua diau nerimau limau ribu tanci emas tadi pegi bedagang ngan tancitu, mangku bulia untungau limau ribu tanci emas agi.