2 YUHANIS 1:12 - PEJANJIAN EMPAI CERITAU ILUAK

¹² Banyak nian diau endak kukiciakka ngan kamu, anyautu iluakla jangan pakai surat, karnau aku ngaghapka pacak berayak ngan kamu, mangku ngiciak buadapan ngan kamu, supayau kitau riang nian.

2 YUHANIS 1:12 Referans Kwoze

YUHANIS 16:12

Gi banyak diau endak Kukiciakka ngan kamu, anyautu mbak kini kamu lum ka ta'an nerimaunyau.

YUHANIS 15:11

Gegalaunyau Kukiciakka ngan kamu, supayau keinji'anKu adau di ati kamu, mangku kamu injiak nianan.

1 YUHANIS 1:4

Gegalaunyauni kami tuliska ngan kamu, mangku kitau injiak nian.

IBRANI 13:19

Lagi aku mintak nian, supayau kamu ndu'aka aku, mangku aku pacak cepat ngulang guak kamu.

RUM 15:24

Nanti amun aku ke Sepanyul, aku pacak berayak ngan kamu, mangku betunggal jerang ngan kamu. Udim itu kamu pacak nulung aku melajuka pejalananku ke Sepanyul.

YUHANIS 17:13

Mbak kini Aku njenguak Dighi. Gegalaunyau ini Kukiciakka, timpau Aku gi adau di deniau, mangku ughangtu meghasauka gegalau keinji'anKu.

YUHANIS 16:24

Enggut mbak kini kamu lum mintak tuapau-apau atas namauKu. Pintakla, mangku kamu ka dienju'i, mangku kamu injiak nian.”

IBRANI 13:23

Aku endak, supayau kamu keruan, bansau kantin kitau Timutius la dibibaska, mangku amun diau la sampai, aku ka cepat berayak ngan kamu serempak ngan diau.

PILEMUN 1:22

Penarau itu, sediaukala bada batan endak aku di ghuma kaba, karnau aghapan aku ka ngulang ngan kaba karnau du'a kamu.

2 TIMUTIUS 1:4

Amun aku teghingat kaba nangis, aku ghindu nian endak betemu ngan kaba, mangku aku riang nianan.

YUHANIS 3:29

Jemau diau bebunting diautu pengantinan. Kantin pengantinantu ngantininyau ngan ndengaghkanyau ajau, mangku diau riang, amun ndengagh suarau pengantinantu. Luak itu pulau ngan aku. Mbak kini atiku riang nian.

3 YUHANIS 1:10

Nanti amun aku datang, aku ka ngakaghka gegalau peremba'au diau la dikerjaukanyautu. Diautu pembu'ung ngan mburuakka kami. Ukan itu ajau, diau pulau enggup nerimau jemau Keristen diau datang, lagi pulau negahi jemau diau endak nerimau ughangtu, mangku ngeluaghka jemau tadi jak di kumpulan jemau Keristen.