2 YUHANIS 1:10 - PEJANJIAN EMPAI CERITAU ILUAK

¹⁰ Amun adau jemau datang ngan ngajaghka ngan kamu setu diau nidau diajaghka Keristus, jangan nerimau jemautu di ghuma kapu dighi. Jangan pulau ngiciakka selamat ngan diau.

2 YUHANIS 1:10 Referans Kwoze

TITUS 3:10

Jemau diau mbuat becelikaian di guak jemau Keristen mesti kaba tegughi sekali ngan duau kali. Udim itu jangan agi bekawan ngan diau.

2 TESALUNIKA 3:6

Ui kantin-kantinku, ngan kuasau Tuhan Yesus Keristus kami ngajung kamu, supayau kamu njawuhi bilang jemau percayau diau malas bekerjau ngan nidau nuruti ajaghan diau kami ajaghka ngan kamu.

2 TESALUNIKA 3:14

Amun adau jemau diau enggup nuruti setu diau kami kiciakka dalam surat ini, sepepadaula ngan jemautu. Jangan sekantin ngan diau, mangku diau maluan.

1 KURINTUS 5:11

Diau kukiciakka, supayau kamu jangan bekantin ngan jemau diau ngakuak diriau jemau Keristen, anyautu jemau itu nidau senangaian, selak, nyemba patung, ngarutka jemau, tukang mabuak ngan pemaling. Serempak makan ajau jangan ngan jemau luak itu.

2 YUHANIS 1:11

Karnau jemau diau ngiciakka selamat ngan jemau luak itu tuikut pulau ngerjauka kerjau diau ja'attu.

1 KURINTUS 16:22

Jemau diau nidau nyayangi Tuhan Yesus nengkela diukum Allah. Maranata – Tuhan datangla!

RASUL 15:23

Ngan ughang duautu diseraka surat muniau luak ini, “Batan endak gegalau jemau percayau diau asalau jak di bangsau lain diau adau di Antiukia ngan Siria ngan Kilikia. Salam jak di rasul-rasul ngan pengulu-pengulu, kantin-kantin kamu.

3 YUHANIS 1:10

Nanti amun aku datang, aku ka ngakaghka gegalau peremba'au diau la dikerjaukanyautu. Diautu pembu'ung ngan mburuakka kami. Ukan itu ajau, diau pulau enggup nerimau jemau Keristen diau datang, lagi pulau negahi jemau diau endak nerimau ughangtu, mangku ngeluaghka jemau tadi jak di kumpulan jemau Keristen.