2 TIMUTIUS 3:16 - PEJANJIAN EMPAI CERITAU ILUAK

¹⁶ Gegalaunyau diau ditulis di Injiltu jak di Rua Allah. Gegalaunyautu begunau endak ngajaghka diau benagh, endak nyatauka diau sala, endak ngilu'i perembak ngan ngajagh jemau nuruti kendak Allah.

2 TIMUTIUS 3:16 Referans Kwoze

RUM 15:4

Gegalaunyau diau la ditulis di Injil endak ngajagh kitau, supayau kitau tekun ngan tegua ngaghapka Allah, karnau ajaghan Injiltu.

IBRANI 4:12

Katau Allahtu bekuasau ngan ngenjuakka idup. Tajamla katautu sangkan pedang bematau duau. Diau nusuak dalam nian endak nceghaika jiwa ngan rua, sendi-sendi ngan beghesi, mangku diau ngeruani serilau ngan rupu'an ati jemau.

MARKUS 12:24

Yesus nimbal, “Kapu dighi sala, karnau kapu dighi nidau ngerti empuak Injil empuak kuasau Allah.

2 TIMUTIUS 4:2

kiciakkala katau Allah. Kaba maju ngerjaukanyau, empuak masau iluak empuak masau nidau iluak. Yakinkala jemau, tunjuakkala setu diau sala, tegughila ngan ngajaghila jemau ngan ngaligh.

2 TIMUTIUS 2:25

ngajaghi jemau diau galak melawan. Asauku Tuhan endak nulung, mangku jemautu ngubai jak di peremba'au ngan keruan ajaghan diau benagh.

RASUL 20:20

Aku nidau mandak ngiciakka setu diau begunau ngan kapu dighi. Gegalaunyautu kukiciakka ngan ajaghka, empuak di mukau jemau banyak empuak di ghuma kapu dighi.

YUHANIS 3:20

Jemau diau mbuat ja'at luat ngan terang, diau enggup njenguak terang, mangku peremba'au diau ja'attu nidau kina'an.

MATIUS 13:52

Mangku Yesus bekatau, “Itula sebapau bilang guru ukum Taurat diau la njadi angguta umat Allah luak sughang tuan ghuma diau ngeluaghka dandanan empai ngan diau lamau jak di bada retaunyau.”

RASUL 18:25

Diau la diajagh ajaghan Tuhan Yesus, mangku ngan riang nian diau ngajagh ngan neghagi ngajaghka ceritau Yesus, empuak diau empai ngeruani baptisan Yuhanis ajau.

RUM 2:20

Kamu njadi guru jemau bigal ngan pengajagh budak keciak, karnau kamu percayau, bansau dalam ukum Taurat kamu keruan gegalaunyau diau benagh.

GALATIA 3:8

Jak di senitu kitab Injil la keruan, bansau Allah mbenaghka jemau diau ukan Yahudi karnau percayau ngan Diau. Ceritau iluak itu la dikiciakka senitu ngan Abraham ngan janji ini, “Karnau kaba, Allah ka iluak ngan gegalau bangsau.”

IBRANI 3:7

Mangku luak la dikiciakka Rua Allah, “Amun kamu ndengagh suarau Allah mbak kini,

1 KURINTUS 12:7

Rua Allah bekerjau di bilang jemau batan endak neguaka gegalau kitau.

RASUL 20:27

Karnau nidau kekela aku malas ngerjauka kerjauku ngiciakka ngan kapu dighi gegalau rencanau Allah.

YUHANIS 10:35

Kitau keruan, setu diau ditulis dalam Injil nidau pacak diurungka. Amun Allah ngenjuakka namau allah ngan jemau diau nerimau kici'anNyau tadi,

MATIUS 26:56

Nyela, gegalaunyautu mesti tejadi, mangku ditepati setu diau ditulis dalam kitab nabi-nabi.” Mangku gegalau anak-buaHau belaghi ninggalka Yesus.

RASUL 1:16

“Ui, adiak-sanak, setu diau ditulis dalam Injil mesti tejadi. Senitu Rua Allah ngan Daud ngiciakka Yudas diau ngajung jemau nangkap Yesustu.

MATIUS 21:42

Mangku Yesus bekatau ngan ughangtu, “Apu kapu dighi lum kekela mbacau ayat ini, ‘Batu diau dicapakka tukang negak ghuma, la njadi pelapiak tiang. Inila kerjau Tuhan, setu diau nyelia batan endak kitau.’ ”

RUM 4:23

Katau ini “diau dibenaghka” ukan ditulis batan endak Abraham ajau,

IBRANI 11:1

Amun percayau nian, kitau yakin nian ngan setu diau kitau aghapka, kitau yakin nian ngan setu diau nidau kitau kinak.

RUM 3:2

Banyak nian! Terutamau jemau Yahudi nerimau katau Allah.

RASUL 28:25

Mangku pendapat ughangtu nidau semegi. Antak ka ughangtu pegi jak di situ, Paulus ngiciak luak ini, “Nyela nian, katau Rua Allah diau dikiciakka nabi Yesaya ngan niniak puyang kapu dighi.

MARKUS 12:36

Daud diajung Rua Allah bekatau, ‘Allah bekatau ngan Tuhanku, Duduakla di sebela kananKu, enggut Aku mbuat musua Kaba tunduak nyemba Kaba.’

MATIUS 26:54

Anyautu amun luak itu, manau ka adau tejadi setu diau la dikiciakka dalam Injil, bansau nyela mesti tejadi luak ini?”

MATIUS 22:43

Katau Yesus agi, “Amun luak itu, ngapau Daud diau dikuasaui Rua Allah ngiciakka Diau ‘Tuhan’? Karnau Daud bekatau,