2 TIMUTIUS 3:10 - PEJANJIAN EMPAI CERITAU ILUAK

¹⁰ Anyautu kabatu la ngikuti ajaghanku, carau ngan tujuan idupku. Kaba la nginak carau aku percayau ngan nyayangi jemau. Kaba pulau keruan aku ngaligh ngan tekun.

2 TIMUTIUS 3:10 Referans Kwoze

1 TIMUTIUS 6:11

Anyautu kaba la njadi hak Allah, mangku kaba mesti njawuhi gegalaunyautu. Usahala njadi jemau diau benagh di adapan Allah, diau idup batan endak Allah ngan ngelapan, diau nyayangi jemau, ngaligh ngan nyanauka jemau.

TITUS 2:7

Mangku kaba mesti ngerjauka kerjau diau iluak batan penauan. Kaba mesti ngajagh ngan jujur ngan ngenianau.

1 TIMUTIUS 4:6

Amun kaba ngajaghka gegalaunyautu ngan kantin-kantin kitau diau percayau, kaba ka njadi budak Yesus Keristus diau bekerjau ngan iluak. Kaba mesti maju neguaka ati kaba ngan katau Allah diau kitau percayaui ngan ajaghan diau benagh diau kaba turuti selamau ini.

PILIPI 2:22

Kamu la keruan, bansau Timutiustu setia nian. Diau la sesamau bekerjau ngan aku endak nceritauka ceritau iluak jak di Allah. Kami ughang duau luak duau beghanak.

IBRANI 13:9

Jangan kamu disesatka ngan bemecam-mecam ajaghan. Ati kitau diteguaka karnau keilu'an Allah, ukan karnau peraturan makanan. Nuruti peraturan makanantu nidau bediau gunaunyau.

RASUL 11:23

Barnabas la sampai di Antiukia, diau nginak Allah iluak ngan ughangtu, mangku diau riang nian. Diau ngajung, supayau ughangtu maju ta'at ngan Tuhan ngan setia.

2 PITRUS 3:11

Amun gegalaunyau ka abis ngan carau luak itu, mangku kamu mesti idup beresia batan endak Allah ajau ngan ta'at ngan Diau,

2 TIMUTIUS 4:3

Karnau ka sampai masaunyau jemau nidau endak agi nerimau ajaghan diau benagh. Anyautu ughangtu ka nunggalka banyak guru nurut kendak ughang itula endak diajagh setu diau lemak didengagh.

2 TIMUTIUS 2:22

Karnau itu jawuhila serilau anak mudau. Usahakala idup diau iluak, nurut kendak Allah, sayang ngan jemau ngan idup bedamai. Kerjaukala titu ngan idup seghundak ngan jemau diau ngaku'i namau Tuhan ngan ati diau beresia.

1 TESALUNIKA 1:5

Kami ngiciakka ceritau iluak itu ngan kamu ukan ngan katau ajau, tapitu pulau ngan kuasau Rua Allah. Kami percayau nian ceritau iluak itu benagh. Kamu keruan, luak manau kami idup guak kamu batan endak nulung kamu.

2 KURINTUS 1:17

Anyautu rencanaukutu la beghuba. Apu itu bereti, bansau pendirianku nidau benagh? Apu aku mbuat rencanau nurut kendakkunila, mangku kekadangan aku ngiciakka “au” kekadangan “nidau”?

RUM 16:17

Kantin-kantinku, aku mintak nian, supayau kamu sepepadau ngan jemau diau melawan ajaghan diau la kamu terimau, diau mbuat kacau ngan nyesatka. Jawuhi jemau luak itu,

RASUL 26:4

Gegalau jemau Yahudi keruan carau idupku jak di keciak, karnau jak di keciak aku mendam di pugan bangsauku di Yerusalim.

RASUL 20:18

Ughangtu la sampai, mangku Paulus bekatau, “Kapu dighi keruan, luak manau carau idupku selamau ini di guak kapu dighi, jak di petamau aku sampai di Asia.

RASUL 2:42

Ngan rajin jemau diau percayautu belajagh jak di rasul ngan maju seghundak. Ughangtu makan, makan jamuan Tuhan ngan bedu'a seghundak.

LUKAS 1:3

La udim diperisau galau neghagi nian jak di penembaiau, pendapatku iluak, amun aku pulau endak nuliska ceritau itu batan endak dighi.

1 TIMUTIUS 1:3

Masau aku pegi ke Makedunia, la kuajungka ngan kaba, supayau maju mendam di Ipisus, karnau di situ adau jemau diau ngajaghka ajaghan nidau benagh, mangku kaba mesti ngajung ughangtu mandak.

IPISUS 4:14

Mangku kitau ukan agi luak budak keciak diau diumbang-ambingka ngan dibatak ke situ ke sini karnau bemecam-mecam ajaghan jak di jemau diau cak calak. Ughangtu nyesatka jemau ngan tipuan.

PILIPI 2:20

Cuman Timutius sughang diau suati serupu'an ngan aku ngan nyanauka kamu nian.

2 TIMUTIUS 4:2

kiciakkala katau Allah. Kaba maju ngerjaukanyau, empuak masau iluak empuak masau nidau iluak. Yakinkala jemau, tunjuakkala setu diau sala, tegughila ngan ngajaghila jemau ngan ngaligh.

2 TIMUTIUS 4:7

Aku la ngikut tandingan ngan iluak, la sampai ke batasau. Aku maju percayau ngan Keristus.