2 TIMUTIUS 2:9 - PEJANJIAN EMPAI CERITAU ILUAK

⁹ Ikak ngiciakka ceritau iluaktu aku sengsarau, lagi dirantai luak bandit. Anyautu katau Allah nidau pacak dirantai.

2 TIMUTIUS 2:9 Referans Kwoze

PILIPI 1:7

Gegalau kamu maju adau di atiku. Nyela, sepantasau aku bepeghasauan luak itu tuadap kamu. Gegalau kamu la nulung aku ngan kerjauku diau dienjuakka Allah ngan aku, empuak masau aku dijilka, empuak masau aku na'anka ngan mbenaghka ceritau iluak itu.

RASUL 28:31

Ngan beghani diau ngiciakka ngan ughangtu ceritau Allah endak merinta ngan ceritau Tuhan Yesus Keristus. Paulus ngerjaukanyau ngan bibas, nidau dialang-alangi.

2 TIMUTIUS 1:8

Karnau itu jangan kaba takut nceritauka Tuhan kitau ngan jangan pulau maluan aku dijilka karnau bekerjau batan endak Diau, tapitu kaba mesti ngikut sengsarau karnau ceritau iluak. Allah ka nulung kaba.

KULUSI 4:3

Du'akala pulau kami, supayau kami pacak ngiciakka ceritau resiau Keristus. Ikak aku ngerjauka titu, aku dijilka.

2 TIMUTIUS 4:17

Anyautu Tuhan la nulung ngan neguaka aku, mangku aku pacak ngiciakka gegalau ceritau iluak itu, mangku didengagh gegalau jemau diau ukan jemau Yahudi. Mangku aku luput jak di ukuman mati.

1 PITRUS 2:12

Carau idup kamu di guak jemau diau nidau keruan Allah mesti iluak nian. Mangku amun ughangtu ngiciakka kamu jemau ja'at, ughangtu maju nginak perembak kamu diau iluaktu, mangku ughangtu ka muji Allah masau Tuhan datang.

1 PITRUS 4:15

Jangan sughang kia jak di kamu nanggung karnau mbunua, maling, ja'at ngan ncampuri urusan jemau.

2 TIMUTIUS 1:12

Itula sebapau aku nanggungka gegalaunyautu, tapitu aku nidau maluan, karnau aku keruan diau kupercayauitu. Aku yakin, bansau setu diau la dipercayauka ngan aku pacak Diau jagaui enggut aghi kiamat.

2 TESALUNIKA 3:1

Mangku, kantin-kantinku, du'aka kami. Bedu'ala, supayau katau Allah cepat tesiar mangku diterimau ngan iluak, luak diau la tejadi guak kamu senitu.

KULUSI 4:18

Pesan jak di aku, Paulus. Akunila nulis pesan ini. Ingatkala aku, bansau aku masia dalam jil. Aku bedu'a, supayau Tuhan iluak ngan kamu.

IPISUS 3:1

Itula sebapau akuni, Paulus, dijilka karnau Yesus Keristus batan endak kepentingan kamu diau ukan jemau Yahudi.

RASUL 9:16

Akunila ka nunjuakka ngan diau banyak sengsarau diau mesti dighasaukanyau karnau Aku.”

1 PITRUS 3:16

Kerjaukala titu ngan iluak ngan meregaui pendapat jemau. Ati keciak kamu mesti beresia, mangku amun kamu dikiciakka ja'at ikak ngerjauka diau iluak karnau percayau ngan Keristus, mangku jemau diau ngiciakka setu diau ja'attu ka maluan nian.

1 PITRUS 2:14

empuak ngan gubernur ngan jemau diau ditetapka rajautu endak ngukum jemau ja'at ngan meregaui jemau diau beperembak iluak.

2 TIMUTIUS 1:16

Kapu Unesipurus la rajin meriangka atiku. Aku bedu'a, supayau Tuhan iluak ngan diau. Empuak aku di jil, diau nidau maluan ngan setu diau kughasauitu.

LUKAS 23:32

Adau pulau duau ughang lain. Ughang duautu bandit. Diau dibata'i endak diukum mati serempak ngan Yesus.

RASUL 21:33

Kumandantu pegi guak Paulus nangkap diau, mangku ngajung anak-buahau ngebat diau ngan duau rantai ngan betanyau, “Sapau jemau ini? Tuapau la dikerjaukanyau?”

PILIPI 1:17

Ughang lain tadi ngiciakka Keristus ngan tujuan nidau iluak. Ughangtu ngerjauka titu karnau kepentingan ughang itula. Ughangtu endak ngajung aku nanggung dalam jil.

1 TESALUNIKA 1:8

Jak di kamu ceritau Tuhan la tesiar sampai ke gegalau Makedunia ngan Akaya. Ukan itu ajau, tapitu ceritau kamu percayau ngan Allah la keruan di memanau, mangku kami nidau nanti ngiciakka tuapau-apau agi.

2 TIMUTIUS 2:3

Ikutla sengsarau luak tentera Yesus Keristus diau ta'at.