2 PITRUS 3:9 - PEJANJIAN EMPAI CERITAU ILUAK

⁹ Tuhan nidau lambat nepati janjiAu, empuak adau diau nganggap luak itu. Anyautu Diau ngaligh ngan kamu, karnau Diau endak, supayau jangan adau diau benasau. Diau endak, supayau gegalau jemau ngubai jak di dusaunyau.

2 PITRUS 3:9 Referans Kwoze

1 TIMUTIUS 2:4

Diau endak, supayau gegalau jemau ngeruani diau benagh ngan diselamatka.

RUM 2:4

Apu kamu nganggap mura karnau Allah iluak, ngaligh ngan lambat ngukum? Cengki kamu keruan, bansau Allah iluak karnau Diau endak, supayau kamu ngubai jak di dusau-dusau kamu.

PENGINA'AN 2:21

Aku la ngenjuakka masau, supayau diau ngubai jak di peremba'autu, anyautu diau enggup ngubai jak di kerjaunyau menaugawiatu.

2 PITRUS 3:15

Tuhan kitau ngaligh. Anggapla masau ini diau dienjuakka ngan kitau, supayau pacak selamat. Paulus, kantin kitau diau disayangi, la nulis pulau luak itu ngan kamu. Diau nulis titu nurut pengertian diau dienjuakka Allah ngan diau.

1 TIMUTIUS 1:16

Anyautu Allah nyialka aku, mangku Yesus Keristus pacak nyatauka gegalau kengalighanNyau ngan aku, jemau diau paling bedusauni. Mangku aku njadi penauan batan endak jemau diau ka percayau nanti ngan bulia idup selelamaunyau.

IBRANI 10:37

Di Injil ditulis, “Tigha jerang agi, Keristus diau ka datangtu sampai. Diau nidau ka lambat datang.

RUM 9:22

Luak itu pulau Allah endak nunjuakka maraHau ngan nyatauka kuasauNyau. Anyautu Diau ngaligh nian ngan jemau diau mesti diukum ikak mbuat Diau mara.

1 PITRUS 3:20

diautu rua jemau diau nidau ta'at ngan Allah timpau Nua. Masau itu Allah nunggu ngan ngaligh, masau Nua mbuat kapalau. Cuman jemau diau adau di kapaltu, gegalaunyau delapan ughang, diau diilakka karnau ayiak merampus.

RUM 13:11

Gegalaunyautu mesti kamu kerjauka. Kamu la keruan, masau mbak kini kitau mesti bangun jak di tiduak, karnau pasighla mbak kini masau kitau diselamatka sangkan masau kitau percayau senitu.

RUM 13:12

Malam laka lalu. Aghi laka siang. Karnau itu mela kitau mandakka kerjau ja'at diau dikerjauka di keleman. Kitau mesti ngenauka pakaian terang.

2 PITRUS 1:4

Ngan carau luak itula kitau la nerimau janji diau iluak ngan beregau diau la dijanjikaNyau, mangku kamu pacak bibas jak di serilau diau ja'at diau mbenasauka deniau, mangku kamu ngikut meghasauka sipat Allah.