2 PITRUS 2:2 - PEJANJIAN EMPAI CERITAU ILUAK

² Banyak jemau ka ngikuti carau idup ughangtu diau dikuasaui serilaunyau. Mangku ikak kerjau ughangtu banyak jemau ka nggelakka jalan diau benagh.

2 PITRUS 2:2 Referans Kwoze

RUM 2:24

Di Injil ditulis luak ini, “Karnau kamu mangku namau Allah digelakka jemau bangsau lain.”

YUDAS 1:10

Anyautu ughangtu nggelakka gegalaunyau diau nidau ughangtu keruani. Ughangtu semegi ngan benatang diau nidau berupu'an diau ngikut serilaunyau ajau. Ikak itula ughangtu benasau.

PENGINA'AN 13:14

Mangku gegalau jemau di deniauni ditipuka ngan tandau nyelia diau dikerjauka di adapan benatang tadi karnau kuasaunyau. Mangku diajungau negakka patung endak nyemba benatang diau la lukau ngan pedang anyautu maju idup.

YUDAS 1:15

endak ngakimi gegalau jemau. Diau ka ngukum jemau ja'at karnau peremba'au diau ja'at diau dikerjaukanyautu. Jemau bedusau diau melawantu ka diukum karnau gegalau katau diau nggelakkatu.”

2 PITRUS 2:15

Ughangtu enggup ngikut jalan diau benagh, mangku ughangtu sesat. Ughangtu milia jalan diau diturut Biliam ngan Biur senitu diau galak nerimau upa jak di kerjau diau ja'at.

1 PITRUS 2:12

Carau idup kamu di guak jemau diau nidau keruan Allah mesti iluak nian. Mangku amun ughangtu ngiciakka kamu jemau ja'at, ughangtu maju nginak perembak kamu diau iluaktu, mangku ughangtu ka muji Allah masau Tuhan datang.

TITUS 2:8

Kiciakkala katau diau bepengertian diau nidau pacak disalaka jemau, mangku lawan kaba maluan, karnau nidau bediau setu diau nidau iluak diau pacak ughangtu kiciakka ceritau kitau.

RASUL 24:14

Nyela, aku ngakuak ngan dighi, mbak bansau aku nyemba Allah niniak puyang kami nurut ajaghan empai diau dikiciakka ughang ini sala. Anyautu aku masia percayau gegalaunyau diau ditulis dalam ukum Taurat ngan kitab nabi-nabi.

RASUL 16:17

Tinautu ngikut Paulus ngan kami sampai ngiciak ngan suarau bias, kataunyau, “Ughang ini budak Allah diau Mahabesak. Ughangni ngiciakka ngan kapu dighi, luak manau caraunyau kapu dighi pacak selamat.”

MATIUS 24:24

Karnau ka adau cak rajau penyelamat ngan cak nabi. Ughangtu ka ngerjauka tandau-tandau nyelia, mangku amun pacak, endak nipuka umat Allah pulau.

PENGINA'AN 12:9

Mangku nagau besaktu dicapakka keluagh. Diautu ulagh tuau diau dikiciakka Iblis ngan Sitan diau nyesatka gegalau deniau. Mangku diau diumbanka ke deniau. Luak itu pulau anak-buahautu.

2 PITRUS 2:21

Iluakla jemau itu, amun nidau kekela keruan jalan diau benagh sangkan ngeruaninyau ngan nidau nuruti perinta Allah diau dienjuakka ngan diau.

TITUS 2:5

bepengertian, idup beresia, ngurus ghuma-tanggaunyau iluak-iluak, ta'at ngan lakiau. Mangku nidau bediau diau pacak nggelakka katau Allah.

1 TIMUTIUS 5:14

Itula sebapau aku endak, supayau randau mudau belaki agi, mangku adau anak, nyayia ghuma-tanggaunyau, mangku musua nidau pacak ngarutka namau kitau.

RASUL 19:9

Anyautu adau bebeghapau jemau diau enggup ndengagh kici'annyautu ngan enggup percayau, lagi di mukau jemau banyak ughangtu nggelakka kici'annyau ceritau jalan Tuhan. Itula sebapau Paulus ninggalka ughangtu, mangku pegi ke sekul Tiranus serempak ngan jemau diau percayau ngan Yesus. Idang aghi diau peragau ngan jemau di situ.

RASUL 18:26

Ngan beghani diau mulai ngajagh di ghuma sembayang. Periskila ngan Akwila ndengagh diau. Ughang duautu mbata'inyau ke ghuma, mangku diterangkanyau ngan neghagi ceritau Allah nyelamatka manusiau.

RASUL 14:2

Anyautu jemau Yahudi diau enggup percayau ngasung jemau bangsau lain, mangku ughangtu mara lagi luat ngan jemau percayautu.

RASUL 13:10

kataunyau, “Ui, kabani anak iblis. Kaba penipu ngan penja'at. Kaba musui gegalaunyau diau benagh. Kaba nidau mandak merusakka rencanau Allah diau endak nyelamatka manusiau.

YUHANIS 14:6

Katau Yesus, “Akunila jalan ngeruani Allah ngan idup nian. Nidau sughang kia diau pacak njenguak Bapak, amun nidau karnau Aku.

MARKUS 13:22

karnau ka adau cak penyelamat ngan cak nabi. Ughangtu ka ngerjauka tandau-tandau nyelia, mangku amun pacak, endak nipuka umat Allah pulau.

MARKUS 12:14

Ughangtu datang njenguak Yesus ngan bekatau, “Pak Guru, kami keruan kici'an Dighi benagh. Dighi ngajaghka kendak Allah ngan benagh. Dighi nidau ngirauka pendapat jemau, karnau Dighi nidau milia rupau. Karnau itu cubau Dighi kiciakka ngan kami: Nurut peraturan agamau kitau, apu bulia mbayigh cuki ngan Kaisar apu nidau? Apu mesti kitau bayighi cukitu?”

MATIUS 22:16

Mangku ughangtu ngajung anak-bua ughangtu njenguak Yesus serempak ngan bebeghapau anak-bua Herudis. Ughangtu bekatau ngan Yesus, “Pak Guru, kami keruan kici'an Dighi benagh. Dighi ngajaghka kendak Tuhan diau benagh. Dighi nidau ngirauka pendapat sapau kila, karnau Dighi nidau milia jemau.

MATIUS 7:14

Anyautu duaghau ngan jalan diau nuju idup supit ngan segau, mangku cuman dikit jemau diau ndapatkanyau.”

PENGINA'AN 13:8

Mangku gegalau jemau di deniau nyemba diau, gegalau jemau diau namaunyau nidau ditulis jak deniau la adau. Namaunyautu nidau ditulis di kitab jemau idup diau adau di Anak Bebiri diau la disembeliatu.

2 PITRUS 2:12

Anyautu guru tadi luak benatang diau cuman idup endak ditangkap ngan dibunua. Ughangtu nidau berupuak, cuman ngikut serilaunyau ajau. Ughangtu nggelakka setu diau nidau dikeruaninyau, mangku ikak peremba'au diau ja'attu ughangtu ka benasau luak benatang ganas.

RASUL 22:4

Aku nganiayau jemau diau ngikut ajaghan empai enggut mati. Tinau lanang kutangkap dimasuakka dalam jil.

2 PITRUS 2:7

Anyautu Lut diselamatkaNyau, karnau diau jemau benagh. Luttu nanggung nian nginak perembak jemau diau nidau senangaian, nidau endak keruan ukum, tapitu ngikut serilaunyau ajau.

2 PITRUS 2:18

Ughangtu muji diriau ngan kici'an bigal. Ngan serilau diau nidau senangaian ughangtu mikati jemau diau empai bibas jak di guak jemau diau idupau sesat.

YUDAS 1:4

Adau jemau diau masuak di guak kamu ngan nidau dikeruani. Ughangtu jemau ja'at, nyala-gunauka ceritau keilu'an Allah endak nuruti serilau ngan nidau ngaku'i Yesus Keristus, awuak Diau sughang itula Penguasau ngan Tuhan kitau. Jak di senitu ukuman ughangtu la ditetapka.

YUDAS 1:7

Ingatla pulau kuta Sudum ngan Gumura ngan dusun-dusun di ngepungannyau. Jemau kuta itu ngerjauka setu diau semegi ngan malaikat tadi. Ughangtu ngerjauka setu diau ja'at ngan menaugawia ngan ndalak kepuasan diau nidau pantas. Ughangtu la diukum ngan api diau nidau padam-padam, njadi peringatan batan endak gegalau jemau.