2 PITRUS 1:11 - PEJANJIAN EMPAI CERITAU ILUAK

¹¹ Mangku kamu ka dienju'i nian hak masuak sergau, itu kerajauan diau selelamaunyau jak di Tuhan ngan Rajau Penyelamat kitau Yesus Keristus.

2 PITRUS 1:11 Referans Kwoze

PENGINA'AN 5:10

Dighi la njadika ughangtu sutiak bangsau, njadi imam endak bekerjau batan endak Allah. Mangku ughangtu ka merinta luak rajau di deniau.”

MATIUS 25:34

Mangku Rajau itu ka bekatau ngan ughang di sebela kananAu, ‘Mela, kamu diau disayangi BapakKu. Masuakla ke bada diau disediauka batan endak kamu jak deniau adau.

PENGINA'AN 3:21

Jemau diau menang ka Kududuakka sebada duduak ngan Aku, luak Aku pulau la menang mangku duduak sebada duduak ngan BapakKu.

IBRANI 6:17

Allah endak negaska ngan jemau diau nerimau janjiAutu, bansau Diau nidau ka ngubai rencanauNyau. Itula sebapau Diau nambai sumpaHau ngan janjiAutu.

2 TIMUTIUS 4:8

Mbak kini adia menang la nunggu aku, karnau idupku la dibenaghka Allah. Masau aghi kiamat, Tuhan akim diau adil ka nyeraka adiatu ngan aku. Ukan aku ajau diau ka nerimau adiatu, tapitu gegalau jemau diau nungguka nian Tuhan datang.

YUHANIS 10:10

Risau datang endak maling, endak mbunua, endak merusak. Akuni datang, supayau kapu dighi bulia idup, idup sempernau ngan gegalaunyau adau.

IPISUS 3:20

karnau kuasau Allah bekerjau dalam ati kitau. Banyak tegalau dikerjauka Allah sangkan diau pacak kitau du'aka ngan rupuakka.

2 KURINTUS 5:1

Badan kitau diumpamauka ngan anjung. Mangku kitau keruan, amun anjung diau kitau tunggu di deniauni la dileghak, Allah nyediauka ghuma di sergau batan endak kitau diau nidau dibuat jemau mangku ta'an selelamaunyau.

2 PITRUS 1:1

Jak di Simun Pitrus, budak ngan rasul Yesus Keristus, batan endak jemau diau percayau semegi luak kami, karnau la dibenaghka Allah ngan Yesus Keristus, Rajau Penyelamat kitau.

RUM 2:4

Apu kamu nganggap mura karnau Allah iluak, ngaligh ngan lambat ngukum? Cengki kamu keruan, bansau Allah iluak karnau Diau endak, supayau kamu ngubai jak di dusau-dusau kamu.

1 KURINTUS 15:24

La udim itu kiamat. Masau itu Keristus ka nunduakka gegalau pemerintahan ngan kuasau ngan kekuatan, mangku Diau ka nyeraka kuasauNyau njadi rajau ngan Allah Bapak.

1 TIMUTIUS 6:17

Ingatkala jemau kayau di deniau ini, supayau jangan geduak ngan jangan ngandalka retau bendau diau nidau ka lamau. Ughangtu mesti ngaghapka Allah diau ngenjuakka gegalaunyau banyak kematila, supayau kitau riang nggunaukanyau.

2 TIMUTIUS 4:18

Tuhan ka ngilakka aku jak di gegalau rencanau diau ja'at. Diau ka mbatak aku ke sergau ngan selamat. Diautu mesti dipuji selelamaunyau. Amin.

2 PITRUS 1:5

Karnau itu kamu beusahala nian, supayau kamu maju percayau ngan Keristus. Mangku percayau kamu ditamba ngan kerjau diau iluak. Kerjau diau iluak ditamba ngan ngeruani kendak Allah.

2 PITRUS 2:20

Amun sughang jemau la keruan Tuhan ngan Rajau Penyelamat kitau Yesus Keristus, diau la bibas jak di kuasau deniau diau merusakka manusiau. Anyautu amun diau ngulang agi dikuasauinyau, mangku diau tamba pansan agi jak di senitu.

2 PITRUS 3:18

Kamu mesti tamba meghasauka keilu'an Tuhan, Rajau Penyelamat kitau Yesus Keristus, ngan tamba ngeruani Diau. Tepujila Diau mbak kini enggut selelamaunyau. Amin.