2 KURINTUS 4:3 - PEJANJIAN EMPAI CERITAU ILUAK

³ Mangku amun ceritau iluak diau kami kiciakkatu masia pulau jemau nidau terti, itu cuman jemau diau ka benasau diau nidau ngerti.

2 KURINTUS 4:3 Referans Kwoze

2 KURINTUS 3:14

Anyautu rupu'an ughangtu tetutup. Enggut mbak kini rupu'an ughangtu masia tetutup, amun ughangtu mbacau kitab janji diau lamau itu. Rupu'an ughangtu cuman pacak tebukak, amun seghundak ngan Keristus.

1 KURINTUS 1:18

Ceritau Yesus mati di kayu salip dianggap mbu'ung ngan jemau diau ka benasau, anyautu ngan kitau diau ka diselamatka, itu kuasau Allah.

MATIUS 11:25

Masau itu Yesus bekatau, “Bak, Aku ngagungka dighi, Tuhan langit ngan deniau, karnau gegalaunyau ini Dighi resiauka ngan jemau diau sekul ngan jemau pintar. Anyautu Dighi nyataukanyau ngan jemau biasau.

2 KURINTUS 4:4

Ughangtu nidau percayau, karnau rua iblis diau nguasaui deniauni ngalangi rupu'an, supayau nidau ngerti ngan nidau nginak terang jak di ceritau iluaktu, ceritau keagungan Keristus diau luak gambaran Allah.

RUM 2:16

Nurut ceritau iluak diau kukiciakkatu, gegalaunyau ka tejadi nanti masau aghi itu, amun Allah ngajung Yesus Keristus ngukum gegalaunyau diau tebuni dalam ati jemau.

1 TIMUTIUS 1:11

Ajaghantu adau di ceritau iluak diau la dipercayauka ngan aku endak dikiciakka. Ceritautu asalau jak di Allah diau agung ngan pantas dipuji.

1 TESALUNIKA 1:5

Kami ngiciakka ceritau iluak itu ngan kamu ukan ngan katau ajau, tapitu pulau ngan kuasau Rua Allah. Kami percayau nian ceritau iluak itu benagh. Kamu keruan, luak manau kami idup guak kamu batan endak nulung kamu.

2 KURINTUS 2:12

Masau aku la sampai di Teruas endak ngiciakka ceritau iluak jak di Keristus, Tuhan la mbukak jalan ngan aku endak bekerjau di bada itu.

1 KURINTUS 2:6

Empuak luak itu, ngan jemau diau la tegua imanautu nyela aku ngajaghka bepengertian, anyautu pengertiantu ukan pengertian deniau, ukan pulau jak di penguasau-penguasau deniauni, jemau diau kuasaunyau ka lengit.