2 KURINTUS 10:4 - PEJANJIAN EMPAI CERITAU ILUAK

⁴ Pakaian diau kami gunauka dalam peperangan ini ukanau pakaian deniauni, tapitu pakaian diau adau kuasau Allah, mangku binting dirubuaka. Bebalahan kami tangkis.

2 KURINTUS 10:4 Referans Kwoze

2 KURINTUS 6:7

Kami ngiciakka ceritau jak di Allah ngan kuasau Allah. Perembak kami diau iluak njadi pakaian kami endak nyerang ngan mbenaghka diri kami.

1 KURINTUS 2:5

Aku ngerjauka titu, supayau kamu percayau, ukan karnau asil kepintaran manusiau, tapitu karnau kuasau Allah.

1 TIMUTIUS 1:18

Timutius, anakku! Tugas ini kupercayauka ngan kaba, karnau katau Allah diau dikiciakka nabi senitu ceritau kaba. Kici'an itu mesti njadi pembimbing kaba mangku pacak bejuang iluak-iluak.

RUM 13:12

Malam laka lalu. Aghi laka siang. Karnau itu mela kitau mandakka kerjau ja'at diau dikerjauka di keleman. Kitau mesti ngenauka pakaian terang.

1 TESALUNIKA 5:8

Anyautu kitau ini anak terang. Karnau itu rupu'an kitau mesti terang. Kitau mesti maju percayau ngan Tuhan ngan nyayangi jemau, lagi ngaghapka Allah nyelamatka kitau. Itula pakaian diau njagaui kitau.

2 KURINTUS 4:7

Retau sergau itu adau di kami diau nidau beregautu diau luak guci dibuat jak di tana, mangku nyatau, bansau kuasau injil diau besaktu asalau jak di Allah ukan jak di kamini.

RUM 6:13

Jangan agi kamu nyeraka dandanan badan kamu ngan kuasau dusau endak ngerjauka setu diau ja'at. Anyautu serakala diri kamu ngan Allah karnau kamu la ngalia jak di mati mangku ngulang idup. Mangku serakala gegalau diri kamu ngan Allah batan endak ngerjauka setu diau benagh.

2 KURINTUS 3:5

Amun kamini ajau, kami nidau sanggup ngerjauka kerjau itu. Anyautu Allah diau nyanggupka kami.

IBRANI 11:30

Karnau percayau, mangku dinding Yiriku rubua, la udim dikelilingi jemau Israil selamau tujua aghi.

2 TIMUTIUS 2:3

Ikutla sengsarau luak tentera Yesus Keristus diau ta'at.

RASUL 7:22

Musatu diajagh gegalau ilmu jemau Mesir, mangku diau njadi jemau bekuasau, empuak kici'annyau empuak kerjaunyau.

2 KURINTUS 13:10

Itula sebapau aku nulis surat ini, masau aku gi jawua ngan kamu. Mangku amun aku datang guak kamu, aku nidau nanti ngukum nurut kuasau diau dienjuakka Tuhan ngan aku. Aku endak majuka kamu ukan endak ngancurka.

1 KURINTUS 9:7

Manau ka adau tentera diau dang beperang makai tanciau sendighi? Manau ka adau jemau diau nanam kebun anggur, mangku nidau makan asilau? Manau ka adau jemau diau nyayia bebiri, mangku nidau minum puan bebiritu?

2 KURINTUS 10:8

Aku nidau maluan, amun aku lebia mbanggaka kuasau diau dienjuakka Tuhan ngan kami, karnau kuasau itu dienjuakka batan endak neguaka kamu, ukanau batan endak mbenasauka kamu.