2 KURINTUS 1:6 - PEJANJIAN EMPAI CERITAU ILUAK

⁶ Amun kami sengsarau, itu batan endak neguaka kamu, supayau kamu selamat. Amun kami diteguaka, kamu pulau diteguaka, mangku kamu ta'an ngan ngaligh nanggungka sengsarau diau luak kami tanggungka pulau.

2 KURINTUS 1:6 Referans Kwoze

2 TIMUTIUS 2:10

Itula sebapau aku nanggungka gegalaunyautu ngan ngaligh batan endak jemau diau dipilia Allah, mangku ughangtu pulau pacak diselamatka Yesus Keristus ngan meghasauka keagunganNyau selelamaunyau.

2 KURINTUS 1:4

Diau neguaka kami ngadapi gegalau tanggungan, mangku kami pacak neguaka jemau diau meghasauka bemecam-mecam tanggungan ngan carau diau semegi luak kami la diteguaka Allah.

PILIPI 1:19

Aku keruan, aku ka selamat karnau du'a kamu ngan pulau karnau ditulung Rua Yesus Keristus.

IPISUS 3:13

Karnau itu aku mintak nian, supayau kamu jangan ghegak karnau sengsarauku batan endak kamu. Gegalaunyautu batan endak keilu'an kamu.

2 KURINTUS 5:5

Allah nyediauka kitau batan endak itu, mangku Diau ngenjuakka RuaHau ngan kitau njadi jaminan gegalaunyau diau la disediauka batan endak kitau.

RUM 8:28

Kitau keruan, bansau Allah ngatur gegalaunyau, mangku ngasilka diau iluak batan endak jemau diau nyayangi Diau, jemau diau la dipilia nurut kenda'Au.

2 KURINTUS 12:15

Itula sebapau ngan riang aku sukau ngerbanka gegalaunyau batan endak kamu, lagi diriku. Amun aku nyayangi kamu luak itu, apu pantas kamu kurang nyayangi aku?

RASUL 21:5

Anyautu la abis masaunyau, kami pegi jak di situ melajuka pejalanan kami. Gegalau ughangtu ngan anak-biniau ngantat kami inggan luagh kuta. Di tepi pantai di situ kami nunduak galau ngan bedu'a.

IPISUS 3:1

Itula sebapau akuni, Paulus, dijilka karnau Yesus Keristus batan endak kepentingan kamu diau ukan jemau Yahudi.