2 KURINTUS 1:19 - PEJANJIAN EMPAI CERITAU ILUAK

¹⁹ Karnau Yesus Keristus, Anak Allah, diau dikiciakka aku, Silas ngan Timutius ngan kamu ukan “au” ngan “nidau”. Di Diau cuman adau “au”.

2 KURINTUS 1:19 Referans Kwoze

IBRANI 13:8

Yesus Keristus nidau beghuba, empuak senitu empuak mbak kini enggut selelamaunyau.

PENGINA'AN 1:17

Masau aku nginak Diau, aku tejeghumus di adapan ketingAu luak jemau mati. Diau nepiakka tanganAu di aku mangku bekatau, “Nidau nanti takut! Aku diau dulu sekali ngan mendian sekali.

2 YUHANIS 1:9

Jemau diau nidau nuruti ajaghan Keristus ngan nyimpang jak di situ, jemau itu nidau idup seghundak ngan Allah. Jemau diau maju nuruti ajaghan Keristus, jemautu seghundak ngan Allah Bapak ngan Ana'Au pulau.

PENGINA'AN 2:18

“Ngan malaikat jemau Keristen di Tiatira tuliskala luak ini: ‘Inila katau Aku, Anak Allah. Matauku besinagh-sinagh luak maghak api ngan ketingKu besinagh luak tembagau dalam api.

1 YUHANIS 5:20

Kitau keruan, bansau Anak Allah la datang ngan ngenjuakka pengertian ngan kitau, mangku kitau ngeruani Allah diau benagh. Kitau idup seghundak ngan Allah diau benagh ngan idup seghundak ngan Ana'Au Yesus Keristus. Diautu Allah diau benagh ngan ngenjuakka idup sejati selelamaunyau.

PENGINA'AN 1:8

“Akunila diau dulu sekali ngan mendian sekali,” katau Tuhan Allah diau Mahakuasau, diau adau jak di senitu enggut mbak kini ngan maju ka adau.

RASUL 18:5

Silas ngan Timutius la sampai jak di Makedunia, kerjau Paulus cuman ngiciakka ceritau jak di Allah ngan jemau Yahudi, mbak bansau Yesus itula Mesias, Rajau Penyelamat itu.

PENGINA'AN 1:11

Katau suarautu, “Setu diau kaba kinak tuliskala di sebua kitab, mangku kighimkala ngan jemau Keristen di tujua kuta, diautu Ipisus, Semirna, Pergamus, Tiatira, Sardis, Piladelpia ngan Laudikia.”

1 YUHANIS 1:3

Setu diau la kami kinak ngan dengagh, itu pulau kami kiciakka ngan kamu, supayau kamu pulau suijauan ngan kami, ngikut idup seghundak ngan Bapak ngan Ana'Au Yesus Keristus.

2 PITRUS 1:17

Kami adau di situ, masau Diau diregaui ngan diagungka Allah Bapak. Masau itu adau suarau jak di Allah diau Mahaagungtu ngiciakka, “Inila AnakKu diau Kusayangi diau melemakka atiKu.”

IBRANI 1:11

Gegalaunyautu ka abis, ka njadi bughuak luak baju, anyautu Kabatula diau ka maju adau.

RASUL 15:22

Mangku rasul-rasul ngan pengulu-pengulu jemau Keristen ngan gegalau jemau percayau mutuska endak milia bebeghapau ughang jak di ughangtu diau ka diajung ke Antiukia serempak ngan Paulus ngan Barnabas. Mangku ughangtu milia Silas ngan Yudas diau pulau dikiciakka Barsabas. Ughang duautu diregaui nian di guak jemau percayau di Yerusalim.

RASUL 9:20

Diau pegi ke ghuma sembayang ngan ngiciakka, bansau Yesus itula Anak Allah.

RASUL 8:36

Di tenga jalan ughangtu sampai ke bada diau adau ayiak. Pegawai itu bekatau, “Kina'ila, itu adau ayiak. Tuapau agi alangan aku dibaptiska?”

YUHANIS 20:31

Tapitu gegalaunyau diau temasuak di sini la ditulis, supayau kamu percayau, Yesus itula Keristus, Rajau Penyelamat, Anak Allah, mangku supayau kamu bulia idup, karnau percayau ngan Diau.

YUHANIS 19:7

Mangku jemau Yahudi itu nimbal, “Nurut ukum kami Diau mesti diukum mati, karnau Diau ngiciakka diriAu Anak Allah!”

YUHANIS 8:58

Yesus nimbal, katauNyau, “KatauKu ini benagh: Antak ka Abraham adau, Aku la adau.”

YUHANIS 6:69

Kami la percayau ngan la keruan, Dighitula ajungan Allah diau suci.”

YUHANIS 3:16

Karnau Allah sayang nian ngan deniauni, mangku Diau la ngenjuakka Ana'Au diau gi sughang itula, supayau bilang jemau diau percayau ngan Diau nidau benasau, tapitu bulia idup empai selelamaunyau.

YUHANIS 1:49

“Guru,” katau Natanail, “Dighitu Anak Allah! Rajau jemau Israil!”

YUHANIS 1:34

Aku la ngina'au nian,” katau Yuhanis, “Mangku aku ngaku'i, Diautu Anak Allah.”

LUKAS 1:35

Malaikattu nimbal, “Rua Allah ka datang ke kaba, mangku kuasau Allah diau Mahatinggi ka menui kaba. Itula sebapau Anak diau ka kaba lahirkatu ka dikiciakka suci, Anak Allah.

MARKUS 1:1

Inila Ceritau Iluak nceritauka Yesus Keristus, Anak Allah.

MATIUS 27:54

Kumandan tentera ngan tenterahau diau dang njagaui Yesus nginak gempau ngan gegalau diau tejadi itu, mangku penakut nian ngan bekatau, “Nyela nian, Diauni Anak Allah.”

MATIUS 27:40

Katau ughangtu, “Ai, Kaba endak merubuaka Ghuma Allah ngan negakkanyau timpau tigau aghi. Amun Kaba ngenian Anak Allah, selamatkala nyawau Kaba, tughunla jak di kayu salip itu.”

MATIUS 24:35

Langit ngan deniau ka lengit, tapitu kici'anKu nidau ka lengit, ka tetap selelamaunyau.”

MATIUS 17:5

Diau gi ngiciak luak itu, adau aban terang tughun ngan mbayangi ughangtu, mangku jak di dalam aban itu tedengagh suarau diau bekatau, “Inila AnakKu diau Kusayangi. Diau melemakka atiKu. Dengaghkala Diautu.”

MATIUS 3:17

Mangku adau suarau jak di langit, katauNyau, “Inila AnakKu diau Kusayangi. Diau melemakka atiKu.”

YUHANIS 20:28

Mangku katau Tumas, “Dighila Tuhanku ngan Allahku!”

MATIUS 4:3

Mangku Iblis datang ngan bekatau, “Kabani Anak Allah. Ajungla batu-batu ini njadi ruti!”

RASUL 16:1

Paulus la pegi sampai di Derbi ngan Listera. Di situ adau sughang percayau, namaunyau Timutius. Endu'au jemau Yahudi diau la percayau pulau. Ba'au jemau Yunani.

2 KURINTUS 1:1

Jak di aku, Paulus diau njadi rasul Yesus Keristus karnau kendak Allah, jak di kantin kitau Timutius, batan endak jemau Keristen di Kurintus ngan gegalau jemau percayau diau adau di Akaya.

1 TESALUNIKA 1:1

Jak di Paulus, Siluanus ngan Timutius batan endak jemau Keristen di Tesalunika diau njadi umat Allah Bapak ngan Tuhan Yesus Keristus. Aku bedu'a, supayau Tuhan iluak ngan kamu ngan ngenjuakka damai.

2 TESALUNIKA 1:1

Jak di Paulus, Siluanus ngan Timutius batan endak jemau Keristen di Tesalunika diau njadi umat Allah Bapak ngan Tuhan Yesus Keristus.

1 TIMUTIUS 3:16

Agung nianan resiau agamau kitau, Diau ngancakka diriAu ngan rupau manusiau, dibenaghka Rua Allah, dikinak malaikat-malaikat, dikiciakka ngan bangsau-bangsau diau nidau keruan Allah, dipercayaui di gegalau deniau, diangkat ke sergau bada diau agung.

1 PITRUS 5:12

Silas, kantinku diau pacak dipercayaui nulung aku nulis surat diau dikit ini. Aku endak neguaka ngan yakinka kamu, bansau gegalaunyau ini ngenian ceritau keilu'an Allah. Bepautla nian ngan pesan ini.